1 Pɩɛr 2:11 - A SƐB-SÕW

¹¹ Ɩ̃ nɩ-nɔnɩ za na ɩ mɛ̃ nɩ-tɔlɩ nɩ nɩ-sãanbɛ a, ɩ̃ zɛlɛ nyɩ na, nyɩ ciir a ƴã-gan nʋ̃ɔ̀-faar vʋla na mɩ́ zɛbr'ɩ nyɩ a.

1 Pɩɛr 2:11 Referans Kwoze

Galasi 5:24

A bɛlɩ dem a Kɩrɩta na so a, bɛ kpa n a nɩsaalʋ a da-gara zu lãwnɩ a ʋ vʋla bʋʋrɛ na mɩ́ be a ʋ zie a, nɩ a ʋ yel-bɔbrɩ.

1 Pɩɛr 4:2

k'aa tẽw zu ka nyɔ-vʋʋrʋ na cãà cɛ ʋ a, ʋ tʋ̃ɔ́ vʋʋrɛ mɛ̃ a lɛ a Naaŋmɩn na bɔbr a, ʋ ta vʋʋrɛ tu n a nɩsaal tɛra vʋla ɩ.

Ebre 11:13

A sàw-deb'ʋ a nɩbɛ bɛ ŋa za tɩ tɛr kpi n, ɛ́ bɛ páw a bome a Naaŋmɩn na yel k'ʋʋ na kʋ̀ bɛ na ɩ, ɛcɛ bɛ tɩ cãà na zãá ɛ́ nyɛ̃ a, ɛ́ puor'a, ɛ́ sàw kɛ́ bɛ ɩ n nʋʋrɩ nɩ sɔr-tɔlbɛ a tẽw zu.

Ʋrɔm 8:13

Bʋ̃ʋ n'ʋ vɛ̃, a nyɩ nyɔ-vʋʋrʋ wa tu a nɩsaalʋ a, nyɩ na kpi na. Ɛcɛ a Vʋʋrʋ Sõw ƴãw, nyɩmɛ wa kʋ a nɩsaalʋ ɩ-ɩrɩ a, nyɩ na vʋʋrɛ na.

1 Bibie za yel-manɩ 29:15

A fʋ niŋé a, sãanbɛ nɩ nɩ-tɔlɩ n'ɩ tɩ, mɛ̃ a tɩ sãàkʋm-kore a. A tɩ tẽw zu ka bibie ɩ na mɛ̃ ɓaarʋ na bɛ mɩ́ yaa kɛ́ bɔr a.

Zakɩ 4:1

A taw-taa nɩ a zɛbr na mɩ́ be a nyɩ cara pʋɔ a, nyɩnɛ n'a a mɩ́ yi? A nʋ̃ɔ̀ faar vʋla na mɩ́ mʋɔr a nyɩ ƴã-gamɛ pʋɔ a, be bɛ n'a a mɩ́ yi ɛ?

2 Timote 2:22

Dɛrɛ a fʋ pɔ̀lʋ daar bʋ̃-nɔnɩ, ɛ́ lãw nɩ a bɛlɩ dem na bʋɔlɛ a Sore nɩ soci-pla parpar a tu a mɩnʋ, a naaŋmɩn-sàw-deb, a nɔ̃wfʋ nɩ a ƴã-ɓaarʋ pùor.

2 Korɛ̃tɩ 7:1

Ɩ̃ nɩ-nɔnɩ i, à á ŋá za a Naaŋmɩn na yel k'ʋʋ na ɩ na kʋ̀ tɩ a zũú, nyɩ ɩ a tɩɩm tɛɛ za so a dɛwr za na dɛwr a ƴã-gan nɩ a sɩ́ɛ a, tɩ so a za bɛr, ɛ́ ƴãw fãw ɩ nɩ-son ƴãwnɛ a Naaŋmɩn.

Ʋrɔm 12:1

A na ɩ à ŋá a, yɛbr i, ɩ̃ zɛlɛ nyɩ na a Naaŋmɩn su-ɓaarʋ zũú, kɛ́ nyɩ mɩ́ de nyɩ tʋɔra kʋ̀ a Naaŋmɩn mɛ̃ bàwr-maal-bʋ̃-vʋbɛ na ɩ son ɛ́ nʋmɛ a ʋ zie a: lɛ n'ɩ a nyɩ Naaŋmɩn puoru na ɩ sɩza a.

Efɛɛzɩ 4:1

A mãa na be a gaso pʋɔ a Sore yúor ƴãw a, ɩ̃ zɛlɛ nyɩ na, nyɩɩm a Naaŋmɩn na bʋɔlɩ a, kɛ́ nyɩ vʋʋrɛ nyɔ-vʋʋrʋ na sɛw taa nɩ a bʋɔlʋ ŋa nyɩ na wõ a.

Ʋrɔm 7:23

Ɛcɛ ɩ̃ nyɛ̃ nɩ wulu kãw a ɩ̃ pʋɔ ʋ mʋɔr'ɩ a Wulu ʋl a ɩ̃ yã na sàw de a. Ʋ ɩ na k'ɩ̃ ɩ a yel-bier wulu na be a ɩ̃ pʋɔ a gbãgbaa.

Nɩ-toni 15:29

nyɩ ta 'wɔbr a bàwr-maal-nɛnɛ ɩ, nɩ a zɩ̃ɩ nɩ dʋ̃w bɛ na bɛ ŋmãa a kɔkɔr a nɛn ɛ, nyɩ bɛr a pɩ̃ɔ-yele. Nyɩmɛ wa ƴãw fãw bɛr à á ŋá za a, nyɩ na maal'ɩ vla. Nyɩ zɩ̃ vla.»

Luka 21:34

«Nyɩ gùre nyɩ tʋɔra vla, ta sàw a faalʋ, a dãa-kuolu nɩ a tẽw ŋa zu nyɔ-vʋʋrʋ bʋ̃-bɔbrɩ wa dĩ a nyɩ socie tɛr ɛ. Nyɩ ta sàw a bibir ŋa wa ùr vɩɛ a nyɩ zu ɛ.

Sɛb-sõw yielu 119:19

Nʋʋra nɛ m a tẽw zu, ta sɔwlɩ a fʋ nɛ-ƴãwnɩ a ɩ̃ zie ɩ.

Sɛb-sõw yielu 39:12

A nɩsaal na mɩ́ sãw, fʋ dɔwr'ʋ a, fʋ mɩ́ kpãa ʋ na. Fʋ mɩ́ sãw nɩ a bom ʋ na nɔnɛ a bɛr, mɛ̃ zãzul na mɩ́ kpɛ sãw tɩ-wɔm a. Nɩsaal za ɩ n pɩɛlʋ tɛwr! Tɛw-àrʋ

Levitɩ mɩnɛ 25:23

«Nyɩ bɛ kʋɔrɛ tẽsɔw a nʋɔr kʋrɛ ɩ, bʋ̃ʋ n'ʋ vɛ̃, mãa so a tẽsɔw, a mãa Sore, ɛ́ nyɩ na ɩ na mɛ̃ nʋʋrɩ nɩ sãanbɛ a, a ɩ̃ tẽw pʋɔ.

1 Pɩɛr 1:17

Nyɩmɛ wa bʋɔlɛ a Naaŋmɩn kɛ́ Sãà a, ʋl na bɛ owre a ƴɛ̀rʋ-maalʋ pʋɔ, ʋ na mɩ́ maal'ɩ ŋa za tu n a ʋ ɩ-ɩrɩ a, nyɩɩm zɔrɛ ʋ ɛ́ ƴãwnɛ ʋ a nyɩ nɩ-tɔlɩ tẽw ŋa zu.

2 Korɛ̃tɩ 6:1

Ɛ́ tɩ na lãw nɩ a Naaŋmɩn tone a, tɩ zɛlɛ nyɩ na kɛ́ nyɩ ta bɛr a ʋ maalʋ nyɩ na páw a lo tẽw wɛ ɩ.

2 Korɛ̃tɩ 5:20

A na ɩ à ŋá a, a Kɩrɩta n'ʋ tõ n tɩ a tõ-nʋɔr ŋa a nyɩ zie, ɛ́ a ɩ mɛ̃ a Naaŋmɩn mɩŋa n'ʋ yere kʋ̀rɛ nyɩ nɩ a tɩ nʋɔr a: tɩ zɛlɛ nyɩ nɩ yãayãa, a Kɩrɩta yúor ƴãw, nyɩ sàw kɛ̀ nyɩɩm nɩ a Naaŋmɩn lɛb kpɛ taa.

Nɩ-toni 15:20

Ɛcɛ tɩ sɛb yel kʋ̀ bɛ kɛ́ bɛ ciir a bàwr nɛnɛ, nɩ a pɩ̃ɔ-yele, bɛ taa 'wɔbr dʋ̃w bɛ na bɛ ŋmãa a kɔkɔr a nɛn ɛ, bɛ taa 'wɔbr a zɩ̃ɩ ɛ.

Yele-za-pɛr-tib 47:9

A Zakɔb sɔw: «Yome lɩz'a ayʋɔb nɩ pie n'ɩ à ŋá ɩ̃ na lʋɔrɛ a ten mɛ̃ sãan a. A ɩ̃ nyɔ-vʋʋrʋ yome bɛ yãwmɛ ɩ, ɛ́ bɛ vɩɛl ɛ. A bɛ ta a ɩ̃ sãàkʋm-kore yome ɩ, bɛl na tɩ zɩnɛ a ten lʋɔrɛ mɛ̃ a mãa a.»

1 Pɩɛr 1:1

A mãa Pɩɛr na ɩ a Yeezu Kɩrɩta nɩ-tona a, mãa n'ʋ sɛbr a Naaŋmɩn nɩ-kaa-íri na yaarɩ be a Pɔ̃, a Galasi, a Kapadɔsɩ, a Azi nɩ a Bitini ten pʋɔ mɛ̃ nɩ-sãanbɛ a.

Sɛb-sõw yielu 119:54

A ɩ̃ nʋʋra kpɛb zie ka a, a fʋ pʋ-tɩɛrʋ n'a ɩ̃ tɛr yiele.

Yele-za-pɛr-tib 23:4

«Ɩ̃ kpɩɛr'ɩ a nyɩ sɔgɔ mɛ̃ nʋʋra nɩ sãan a. Nyɩ kʋ̀ m kũu ũufʋ zie a nyɩ ka ɩ̃ so ʋ, tʋ̃ɔ́ ɓáw a ɩ̃ kũu tɩ ũù.»

Efɛɛzɩ 2:19

A na ɩ à ŋá a, a nyɩɩm nɩ-bʋʋr-yoru bɛ cãà ɩ nɩ-sãanbɛ nɩ nʋʋrɩ ɛ, nyɩ ɩ n a Naaŋmɩn nɩ-bʋʋrɛ tẽ-bi-taabɛ, nyɩ pʋɔ nɩ a ʋ yir nɩbɛ pʋɔ.

Ebre 6:9

Nyɩɩm ƴãw a, ɩ̃ bá mɩnɛ ɛ, tɩ na saa ƴɛ̀rɛ à à ŋá a, tɩ bãwnɩ a n'a nyɩ na lo a sɔr-vla a, a faafʋ sɔ́r.

1 Pɩɛr 4:12

Ɩ̃ nɩ-nɔnɩ za a, nyɩmɛ wa be a kpɩɛrʋ vũu pʋɔ a, a ta ùr nyɩ mɛ̃ yel-bʋ̃-bom kãw n'ʋ tarɛ nyɩ ɛ.

2 Pɩɛr 3:1

Ɩ̃ bá mɩnɛ ɛ, gb'a ayi za n'ɩ à à ŋá ɩ̃ na sɛb a sɛbɛ kʋ̀ nyɩ a. A yele al za ɩ̃ na lɛb manɛ kʋ̀rɛ nyɩ a sɛbr á ŋá pʋɔ a, ɩ̃ bɔbr'a k'ɩ̃ɩ lɛb sɩ̃w nyɩ tɩɛrʋ, nyɩ tɛr tɩɛr-vɩɛlɩ.

Yele-za-pɛr-tib 21:34

A Abraham tɩ kpɛ n a Filisɩtɛ̃ mɩnɛ tẽw cɛlɩ.

Levitɩ mɩnɛ 15:18

«Dɛb nɩ pɔw wa páw taa a, a fɛr'a kɛ́ bɛ za ayi so kʋ̃ɔ. Bɛ na ɩ n dɛwr dem tɩ ta a zaanʋɔra.»