1 Na-mɩnɛ 1:5 - A SƐB-SÕW

⁵ A ʋlɩ vuo nɛ pʋɔ a, a Adonɩasɩ na ɩ a Daviir nɩ Agitɩ bidɛb a, tɩ ìr'a ɩrɛ nãà bie ɩb yere nɩ à ŋá: «Mãa n'ʋ na ɩ a nãà!» Ʋ tɩ bɔ n torkori nɩ wie nɩ nɩbɛ lɩz'a ayi nɩ pie na mɩ́ zɔrɛ a ʋ torko niŋé a.

1 Na-mɩnɛ 1:5 Referans Kwoze

2 Samɩɛl 15:1

Al pùorí, a Abɩsalɔm tɩ bɔ n zɛbr-torko nɩ wie, nɩ nɩbɛ lɩz'a ayi nɩ pie na mɩ́ de ʋ niwn zɔrɛ a.

2 Samɩɛl 3:4

Adonɩasɩ n'ɩ a anaar sob, Agitɩ n'ʋ ʋ tɩ dɔw nɩ ʋ. Sefatɩa n'ɩ a anũu sob, Avital n'ʋ ʋ tɩ dɔw nɩ ʋ.

Luka 18:14

Mãa n'ʋ yere kʋ̀rɛ nyɩ, a zuru-yar-diere ŋa tɩ páw nɩ a vɩɛlʋ lɛb siw kul'ɩ a ʋ yir, ɛ́ bɛr a Faarizɩ̃ɛ. Sob nɛ za na zɛwr ʋ tʋɔra a, bɛ na siwr'ʋ na, ɛ́ sob nɛ za na siwre ʋ tʋɔra a, bɛ na zɛw ʋ na.»

Luka 14:11

Sob nɛ za na zɛwr ʋ tʋɔra a, bɛ na siwr'ʋ na, ɛ́ sob nɛ za na siwre ʋ tʋɔra a, bɛ na zɛw ʋ na.»

Ɩzayi 2:7

A bɛ tẽw paal'ɩ salm-pla nɩ salm-zɩɛ, nɩ na-bome bɛ na kʋ̃ tʋ̃ɔ́ sɔ́r a. Ʋ paal'ɩ wie nɩ zɛbr-torkori.

Zʋkpaɩ 18:12

A nɩsaal pɔ̀lʋ mɩ́ wɩɛr'ɩ ʋ nɩ a ʋ loba zie. A tʋɔra-siwru pùorí n'a fʋ mɩ́ nyɛ̃ ƴãwfʋ.

Zʋkpaɩ 16:18

A pɔ̀lʋ waar'ɩ nɩ a yele sãwfʋ, ɛ́ a ɩrɛ mɛ̃ fʋ zuo nɩ za a waar'ɩ a loba.

1 Bibie za yel-manɩ 29:1

A nãà Daviir tɩ yel'ɩ a lãw nɩbɛ za: «A ɩ̃ bidɛb Salomɔ̃ a Naaŋmɩn na kaa ír a, ʋ ɩ n pɔlbile ɛ́ bɛ bãw bom sɛr ɛ. Ɛcɛ a ton ɩ n kpɛ̃ɛ bɛ dɩ vuo ɩ, bʋ̃ʋ n'ʋ vɛ̃, a nãà yir ŋa bɛ ɩ nɩsaal ƴãw ɛ, a Sore Naaŋmɩn ƴãw n'a.

1 Bibie za yel-manɩ 28:5

A ɩ̃ bidɛbr za pʋɔ a, bʋ̃ʋ n'ʋ vɛ̃, a Sore kʋ̀ m'ɩ bidɛbr yaga yaga, ʋ kaa na ír a ɩ̃ bidɛb Salomɔ̃ k'ʋʋ zɩ̃ a naalʋ-dà-kɔw zu, dɩrɛ naalʋ a ʋ yúor ƴãw a Ɩsɩrayɛl zu.

1 Na-mɩnɛ 2:24

Ƴɛrɛŋa a, a Sore na ɩ k'ɩ̃ kpɛmɛ zɩ̃ a ɩ̃ sãà Daviir naalʋ-dà-kɔw zu, ʋʋ yel k'ɩ̃ɩ na dɩ n a naalʋ, mãa nɩ a ɩ̃ bʋʋrɛ a, a Sore na vʋʋrɛ a n'ʋ ɩ̃ pɔ n, a Adonɩasɩ na kpi n a dɩ̃a bibir tɔr za.»

1 Na-mɩnɛ 1:11

Lɛ n'a a Natan tɩ cen tɩ páw a Salomɔ̃ mã, Bɛtɩsabe, yel ʋ à ŋá: «Fʋ bɛ wõ a, a Agitɩ bidɛb Adonɩasɩ na lɩɛbɩ a nãà, ɛ́ a tɩ sore Daviir bɛ bãwnɩ a ɩ?

Eziptɩ tẽw yib 9:17

Fʋ nyɛ̃ a na, ɛ́ cãà bɛ sàw na bɛr a ɩ̃ nɩbɛ bɛ cen ɛ.

1 Bibie za yel-manɩ 3:2

a ata sob'ɩ Abɩsalɔm, Gesuur tẽw nãà Talmaɩ pɔwyaa Maaka bidɛb. A anaar sob'ɩ Adonɩasɩ, Agitɩ bidɛb.

Ƴɛ̀r-dɩrbɛ 9:2

«Nyɩ ƴɛ̀r a Sɩsɛm ziir dem za zie sowri bɛ à ŋá kaa: “Abobe sob'a sa a nyɩ zie: kɛ́ dɛbr lɩz'a ata nɩ pie na ɩ a Yerubaal bidɛbr bɛ za a, bɛ dɩrɛ naalʋ a nyɩ zu, bɩɩ dɛb-been dɩrɛ naalʋ a nyɩ zu? Ɛcɛ nyɩ taa yiire kɛ́ mãa nɩ nyɩɩm ɩ n zɩ̃ɩ-been nɩbɛ ɩ.»

1 Na-mɩnɛ 1:4

A pɔwsɩrale ŋa tɩ sɩrɩ na pɔl. Ʋ tɩ be n a nãà zie, kaarɛ a ʋ zie. Ɛcɛ a nãà nɩ ʋl bɛ tɩ lãw taa ɩ.

1 Na-mɩnɛ 2:15

A Adonɩasɩ yel: «Fʋ bãwnɩ a na, mãa tɩ so a naalʋ, ɛ́ a Ɩsɩrayɛl nɩbɛ za tɩ gù k'ɩ̃ɩ wa ɩ a nãà. Ɛcɛ a naalʋ bɛ wa tu m ɛ, ɛ́ tu a ɩ̃ yɛb, a Sore na bɔbr a lɛ a ƴãw.

1 Na-mɩnɛ 2:13

Bibir kãw, a Adonɩasɩ na ɩ a Daviir nɩ Agitɩ bidɛb a tɩ cen na tɩ páw a Salomɔ̃ mã Bɛtɩsabe. A Bɛtɩsabe tɩ sowr'ʋ na: «Ɓaarʋ n'a fʋ wa a ɩ̃ nyɛ b ɩ?» Ʋ sɔw: «Ʋ̃ʋ, ɓaarʋ n'a»,