1 Korɛ̃tɩ 9:15 - A SƐB-SÕW

¹⁵ Ɛcɛ mãa a, à á ŋá za ɩ̃ na tɩ tɛr sɔ́r nãá ɩrɛ a, ɩ̃ bɛ ɩ a towtow ɛ, ɛ́ mɩ̀ bɛ lɛb sɛbr à á ŋá k'ɩ̃ɩ tʋ̃ɔ́ ɩrɛ a ɩ. Mãa nɩ̃ɛ kpi a, alɛ sa. Nɩr bɛ be na faa a nyʋʋr bom ŋa a ɩ̃ zie ɩ.

1 Korɛ̃tɩ 9:15 Referans Kwoze

1 Tesalonikɩ 2:9

Yɛbr i, nyɩ lɛb tɩɛrɩ a tɩ kpɩɛrʋ nɩ a tɩ bàlʋ: tɩ tɩ tone nɩ mʋ̃tɔ̃w nɩ tɩ̃ɩsɔw za, ɛ́ cãà hiere a Yel-nʋ̃ɔ̀ kʋ̀rɛ nyɩ, kɛ́ nyɩ kãw za ta bàlɛ ʋ tʋɔra a tɩ ƴãw ɛ.

2 Tesalonikɩ 3:8

Tɩ bɛ ƴãw nɩr kãw za kʋ̀ tɩ bʋ̃-dɩrɩ mɔlɛ ɩ, tɩ nɩ̃ɛ na tɩ sàw a hanʋ nɩ a bàlʋ ɛ́ tõ mʋ̃tɔ̃w nɩ tɩ̃ɩsɔw, k'aa nyɩ been kãw za taa wa bàlɛ ʋ tʋɔra a tɩ ƴãw ɛ.

1 Korɛ̃tɩ 9:12

Bɛ mɩnɛ wa tɛr sɔ́r na ɩrɛ a lɛ a nyɩ zu, bʋ̃ʋ n'ʋ so tɩɩm kʋ̃ nɩ̃ɛ ɩrɛ a lɛ zuo lɛ? Ɛcɛ tɩ bɛ ɩ à à ŋá tɩ na tɩ tɛr sɔ́r na ɩrɛ a ɩ. Tɩ nɩ̃ɛ na sàw de bom za, kɛ́ yel za ta piw a Kɩrɩta Yel-nʋ̃ɔ̀ ɩ.

Nɩ-toni 20:34

Nyɩ mɩŋa za bãwnɩ a na, a ɩ̃ nuru tome pʋɔ n'a ɩ̃ páw mãa nɩ a ɩ̃ taabɛ bʋ̃-bɔbrɩ.

Nɩ-toni 20:24

Mãa zie a, a ɩ̃ nyɔ-vʋʋrʋ bɛ ɩ bʋ̃-sɩza kãw ɛ. Bom nɛ ɩ̃ na bɔbr tuo tuo a, ʋlɛ n'ɩ k'ɩ̃ɩ tʋ̃ɔ́ tõ a ɩ̃ tõ-nʋɔr tɩ ɓɩɩlɩ, lãwnɩ a ton a Sore Yeezu na kʋ̀ m a: a Naaŋmɩn maalʋ Yel-nʋ̃ɔ̀ hieru.»

Nɩ-toni 18:3

Ʋlɛ nɩ a bɛl na tɩ lãw tõ-nʋɔr wóbr pɛnɛ-sɛwr a, ʋ tɩ be n a bɛ zie tone.

1 Korɛ̃tɩ 4:12

ɛ́ hanɛ tone nɩ a tɩ nuru. Bɛ mɩ́ tʋʋr tɩ na, ɛ́ tɩ ƴɛ̀rɛ nɔ-vla, bɛ dɔwrɛ tɩ, ɛ́ tɩ sàw de a nɩ kanyir.

Nɩ-toni 8:3

A Sol ʋl a, ʋ tɩ ƴãw nɩ fãw dɔwrɛ a Lãw-yir. Ʋ mɩ́ tɩ kpɛ n a yie pʋɔ nyɔw nɩbɛ, dɛbr nɩ pɔwbɛ za, tɩ lɔb ƴãw a gaso pʋɔ.

Matie 18:6

«Ɛcɛ sob nɛ za na ɩrɛ a bibi-cãpili bɛ ŋa kãw na sàw de m a, ʋ lore yel-bier pʋɔ a, bɛlɛ 'lẽ kʋsɛ-kpɛ̃ɛ ƴãw a ʋ kɔkɔrɩ́, ɛ́ dáa ʋ lɔb ƴãw kʋ̃ɔ-kpɛ̃ɛ pʋɔ a, alɛ sa.

Nɩ-toni 20:33

Ɩ̃ bɛ tɩ bɔbr nɩsaalɛ kãw za libir, bɩɩ a ʋ salm-zɩɛ, bɩɩ a ʋ pɛnɛ ɩ.

1 Korɛ̃tɩ 9:18

A na ɩ lɛ a, a ɩ̃ sã-ya pãa n'ɩ buor a? Ʋlɛ n'ɩ k'ɩ̃ɩ hiere a Yel-nʋ̃ɔ̀ kʋ̀rɛ a nɩbɛ zawlalɛ, ɛ́ bɛr a tɔnɛ al za ɩ̃ na tɛr sɔ́r nãá páwr a Yel-nʋ̃ɔ̀ hieru pʋɔ a.