1 Korɛ̃tɩ 6:15 - A SƐB-SÕW

¹⁵ Nyɩ bɛ bãw kɛ́ a nyɩ ƴã-gamɛ ɩ n a Kɩrɩta ƴã-gan ɓɛrmɛ bɩɩ? Ɩ̃ na sàw na de a Kɩrɩta ƴã-gan ɓɛrmɛ ƴãw a lɩɛbɩ pɔw-yɛm ƴã-gan ɓɛrmɛ bɩɩ? Ʋ̃ʋ'hʋ̃! Towtow!

1 Korɛ̃tɩ 6:15 Referans Kwoze

Efɛɛzɩ 5:30

a Lãw-yir na ɩ a ʋ ƴã-gan, ɛ́ tɩ za ɩ a ʋ ƴã-gan ŋa ɓɛrmɛ a.

Ʋrɔm 12:5

lɛ mɩ̀ n'a tɩ yãwmɛ ɛ́ lãw nɩ a Kɩrɩta ɩ ƴã-gã-been, ɛ́ tɩ za lãw nɩ taa mɛ̃ ƴã-gã-been ɓɛrmɛ a.

Kɔlɔsɩ 2:19

Bɛ bɛ lãw nɩ a Kɩrɩta na ɩ a ƴã-gan zu a ɩ. Ɛcɛ a Kɩrɩta zũú n'a a ƴã-gan za páwr a dɩb, ɛ́ a kɔbɛ tuor-taa ziir nɩ a jiile ɩ ʋ nyɔw taa ɛ́ kɛrɛ mɛ̃ a lɛ a Naaŋmɩn na bɔbr a.

1 Korɛ̃tɩ 12:27

Nyɩ ɩ n a Kɩrɩta ƴã-gan, ɛ́ ŋa za ɩ a ƴã-gan ŋa ɓɛrmɛ.

Efɛɛzɩ 4:12

k'ʋʋ tʋ̃ɔ́ cɔbrɩ a kɩrɩta-biir vla a bɛ tome ƴãw: a Kɩrɩta ƴã-gan mɛb ƴãw,

1 Korɛ̃tɩ 11:3

Ɛcɛ, ɩ̃ bɔbr'a kɛ́ nyɩ bãw a yel ŋa pɛr vla: dɛb za zu-sob'ɩ a Kɩrɩta, a pɔw zu-sob'ɩ a dɛb, ɛ́ a Kɩrɩta zu-sob'ɩ a Naaŋmɩn.

1 Korɛ̃tɩ 6:19

Bɩɩ nyɩ taa bɛ bãw kɛ́ a nyɩ ƴã-gan ɩ n a Vʋʋrʋ Sõw yir u? A Vʋʋrʋ Sõw ŋa na be a nyɩ pʋɔ ɛ́ yi Naaŋmɩn zie wa a. Nyɩ bɛ bãwnɩ a nyɩ na bɛ so nyɩ tʋɔra a bɩɩ?

Efɛɛzɩ 5:23

Bʋ̃ʋ n'ʋ vɛ̃, a sɩr n'ɩ a pɔw nɩ-kpɛ̃ɛ mɛ̃ a lɛn tɔr za a Kɩrɩta na ɩ a Lãw-yir nɩ-kpɛ̃ɛ a, ʋl na ɩ a ʋ ƴã-gan faarɛ a.

Luka 20:16

Ʋ na wa na wa kʋ a po-kaarbɛ bɛ ŋa ɛ́ de a púo kʋ̀ nɩ-yoru.» A zu-sɛbla na wa wõ a ƴɛ̀r-bie á ŋá a, bɛ yel'a: «Al bɛ ɩrɛ ɩ!»

Galasi 6:14

Mãa ƴãw a, a tɩ Sore Yeezu Kɩrɩta da-gara yõ ƴãw n'a ɩ̃ bɔbr k'ɩ̃ɩ zɛwr ɩ̃ tʋɔra. A da-gara n'ʋ so a tẽ-daa kpi a ɩ̃ zie, ɩ̃ɩ mɩ̀ kpi a tẽ-daa zie.

Galasi 3:21

A pãa ɩ lɛ a Wulu diwr a maalʋ nɛ́ɛ a Naaŋmɩn na ƴãw a bɛrɛ bɩɩ? Lɛ bɛ n'a towtow ɛ! Alɛ tɩ ɩ mɛ̃ bɛ tɩr'ɩ wulu kãw na na kʋ̀ a nɩsaalbɛ a nyɔ-vʋʋrʋ a, wulu sàwfʋ pʋɔ sɩrɩ n'a a nɩsaal nãá mɩ́ ɩ nɩ-mɩŋa a Naaŋmɩn niŋé.

Galasi 2:17

Ɛcɛ tɩɩm na bɔbr kɛ́ tɩ ɩ nɩ-mɩn a Kɩrɩta ƴãw a, tɩmɛ wa sãá ɩ yel-bebe dem mɩ̀ a, a wul'a k'aa Kɩrɩta tone nɩ yel-bier tome bɩɩ? Lɛ bɛ n'a towtow ɛ!

1 Korɛ̃tɩ 6:13

Nyɩ mɩ̀ mɩ́ yel'a: «Púor ƴãw n'a a bʋ̃-dɩrɩ be, ɛ́ bʋ̃-dɩrɩ ƴãw n'a a púor mɩ̀ be.» Ɛ́ Naaŋmɩn na sãw nɩ a bʋ̃-dɩrɩ bɛr, ɛ́ sãw a púor bɛr. Ɛcɛ a ƴã-gan bɛ be a pɩ̃ɔ-yele maalʋ ƴãw ɛ, a Sore ƴãw n'a ʋ be, ɛ́ a Sore mɩ̀ be a ƴã-gan ƴãw.

Ʋrɔm 7:13

A pãa ɩ lɛ bʋ̃-vla wa lɩɛbɩ kũu bom mãa zie ʋ? Lɛ bɛ n'a towtow ɛ! A yel-bier zie n'a a yi. À ŋá n'a ʋ ɩ, a ʋ ŋmɛ̃a tɔr za sãá: ʋ de nɩ bom na ɩ bʋ̃-vla a kʋ n mɛ̃. Ɛcɛ à à ŋá n'a, a nɔ-ƴãwna zũú, a yel-bier pãa lɛb bãw kpɛ faa tɩ zuo.

Ʋrɔm 7:7

Tɩ na yel'a kɛ́ bo? K'aa Naaŋmɩn wulu ɩ n yel-bier bɩɩ? Lɛ bɛ n'a towtow ɛ! Ɛcɛ a Wulu n'ʋ ɩ ɩ̃ bãw bʋ̃ʋ n'ɩ a yel-bier. Bʋ̃ʋ n'ʋ so, a Wulu bɛ tɩ yel a ƴɛ̀r-bie á ŋá: «Ta nyɛ̃ a fʋ tɔ bom bɔbr ɛ», ɩ̃ kʋ̃ʋ bãw bʋ̃ʋ n'ɩ nyɛ̃ a fʋ tɔ bom bɔbr ɛ.

Ʋrɔm 6:15

Ɛ́ bʋnʋ? Tɩ na maalɛ nɩ a yel-bier, a Naaŋmɩn wulu na bɛ cãà so tɩ ɛ́ Naaŋmɩn maalʋ so tɩ a bɩɩ? Lɛ bɛ n'a towtow ɛ!

Ʋrɔm 6:2

Lɛ bɛ n'a towtow ɛ! Tɩ kpi na, bɛ cãà pʋɔ yel-bier pʋɔ ɩ: ŋmɩŋmɩn n'a tɩ na tʋ̃ɔ́ cãà be a yel-bier pʋɔ?

Ʋrɔm 3:31

A pãa ɩ lɛ, a sàw-deb zũú, tɩ yel k'aa Wulu bɛ cãà tɛr pɛr towtow ʋ? Lɛ bɛ n'a ɩ, tɩ nɩ̃ɛ na ɩ a Wulu pɛr sɩza ʋ sãá.

Yele-za-pɛr-tib 44:17

A Zuzɛb tɩ yel'a: «Naaŋmɩn kʋ̃ sàw ɩ̃ ɩ à à ŋá ɩ! A nɩr nɛ zie bɛ na nyɛ̃ a koli-nyúura a, ʋlɛ n'ʋ na ɩ a ɩ̃ gbãgbaa. Nyɩɩm a, nyɩ na tʋ̃ɔ́ lɛb ta a nyɩ sãà zie nɩ ƴã-ɓaarʋ.»

Ʋrɔm 3:6

Lɛ bɛ n'a towtow ɛ! Alɛ bɛ ɩ lɛ, ŋmɩŋmɩn n'a a Naaŋmɩn na tʋ̃ɔ́ maal'ɩ a tẽ-daa a ƴɛ̀rʋ?

1 Korɛ̃tɩ 6:3

Nyɩ bɛ bãw kɛ́ tɩ na maalɩ nɩ a malkɩ mɩnɛ a ƴɛ̀rʋ bɩɩ? Ɛ̀ bɛ nãà yere a tẽw ŋa zu nyɔ-vʋʋrʋ yele e!

1 Korɛ̃tɩ 6:17

Ɛcɛ ʋlɩ sob na lãw nɩ a Sore a, ʋ lãw nɩ ʋ na bɛ ɩ vʋʋr-been.