1 Korɛ̃tɩ 5:8 - A SƐB-SÕW

⁸ A na ɩ lɛ a, tɩ maalɛ a cuw, ɛcɛ tɩ ta maalɛ ʋ nɩ dãbɩl-kʋra ɩ, tɩ ta maalɛ ʋ nɩ a po-tuolu nɩ a faalʋ dãbɩl ɛ, tɩ maalɛ ʋ nɩ dipɛ̃ na bɛ ƴãw dãbɩl a: a vɩɛlʋ nɩ yel-mɩŋa dipɛ̃ na bɛ ƴãw dãbɩl a.

1 Korɛ̃tɩ 5:8 Referans Kwoze

Wulu-ayi-sob 16:3

A cuw dɩb pʋɔ a, nyɩ bɛ 'wɔbr dipɛ̃ na ƴãw dãbɩl a ɩ. Bibie ayopõi n'a nyɩ na 'wɔb a dipɛ̃ na bɛ ƴãw dãbɩl a, k'aa tʋ̃ɔ́ lɛb sɩ̃w a nyɩ tɩɛrʋ, kɛ́ fɔ̃w fɔ̃wlɛ n'a nyɩ yi a Eziptɩ. Nyɩmɛ wa 'wɔbr a nɩbaal-dipɛ̃ ŋa, a nyɩ nyɔ-vʋʋrʋ daar za a, nyɩ na mɩ́ lɛb'a bãwnɩ a bibir ʋl nyɩ na yi a Eziptɩ a.

Eziptɩ tẽw yib 12:15

A Sore tɩ cãà na lɛb yel: «Nyɩ na 'wɔb'ɩ dipɛ̃ na bɛ ƴãw dãbɩl a bibie ayopõi. A bibi-dãw-niwn sob wa dɛ tĩ a, dãbɩl kʋ̃ cãà a nyɩ yie pʋɔ ɩ. Ɛ́ nɩr wa 'wɔb dipɛ̃ na ƴãw dãbɩl, a bibi-dãw-niwn sob tɩ tɔ a bibie ayopõi sob a, bɛ na ír ʋ na bɛr a Ɩsɩrayɛl nɩbɛ pʋɔ.

Luka 12:1

A lɛn daar, a zu-sɛbla tɩ ɓã n taa a Yeezu zie bɛ dɩ vuo ɩ, tɩ nɛbr taa. Ʋ tɩ tĩ na yel a ʋ po-tuurbɛ: «Nyɩ gù nyɩ tʋɔra a Faarizɩ̃ɛ mɩnɛ dãbɩl ƴãw, a pɛr lɛ kɛ́ a bɛ nɩsaal-libelibe ƴãw.

Markɩ 8:15

A Yeezu tɩ kpãanɛ bɛ na yere: «Nyɩ gùre nyɩ tʋɔra a Faarizɩ̃ɛ mɩnɛ nɩ a Erɔdɩ dãbɩl ƴãw.»

Matie 16:6

A Yeezu tɩ yel bɛ na: «Hei! Nyɩ gùre nyɩ tʋɔra a Faarizɩ̃ɛ mɩnɛ nɩ a Sadiseyɛ̃ mɩnɛ dãbɩl ƴãw.»

1 Pɩɛr 4:2

k'aa tẽw zu ka nyɔ-vʋʋrʋ na cãà cɛ ʋ a, ʋ tʋ̃ɔ́ vʋʋrɛ mɛ̃ a lɛ a Naaŋmɩn na bɔbr a, ʋ ta vʋʋrɛ tu n a nɩsaal tɛra vʋla ɩ.

Efɛɛzɩ 6:24

A bɛlɩ dem za na nɔnɛ a tɩ Sore Yeezu Kɩrɩta nɩ nɔ̃wfʋ na bɛ tɛr sãwfʋ a, a Naaŋmɩn maalʋ, ʋ be a bɛ zie.

1 Korɛ̃tɩ 5:6

A bom nɛ ƴãw nyɩ na zɛwr nyɩ tʋɔra a bɛ vɩɛl ɛ. Nyɩ bɛ bãw kɛ́ dãbɩl blãlɛ n'a mɩ́ ɩ a zɔ̃ za ìr ɛ?

Zã 1:47

A Yeezu tɩ jɩ́r'ɩ a Natanayɛl na waar a ʋ zie a, ɛ́ yel a ʋ ƴãw: «Ɩsɩrayɛl bie tɔr za n'ɩ à ŋà, ʋ bɛ bãw ziri ɛ.»

Matie 16:12

Lɛ n'a a ʋ po-tuurbɛ pãa tɩ bãw k'ʋʋ bɛ tɩ yel kɛ́ bɛ gùre bɛ tʋɔra dipɛ̃ dãbɩl ƴãw ɛ, ɛcɛ bɛ gùre bɛ tʋɔra a Faarizɩ̃ɛ mɩnɛ nɩ a Sadiseyɛ̃ mɩnɛ wulu ƴãw.

Ɩzayi 30:29

A nyɩɩm Zerizalɛm tẽw dem a, nyɩ na yiele na mɛ̃ a tɩ̃ɩsɔw bɛ na maalɛ cuw a. A nyɩ socie na cɩlɛ na, mɛ̃ a lɛ bɛ na mɩ́ pɛblɛ wele fʋ cere a Sore tãw zu a, fʋ cere a Naaŋmɩn na ɩ a Ɩsɩrayɛl Pìir a zie a.

Ɩzayi 25:6

A Sore, a kpɛnʋ-za-sob, cɔbrɛ nɩ cuw dɩb a nɩ-bʋʋrɛ za ƴãw a Sɩyɔ̃ tãw zu, nɛn-kãánɩ nɩ divɛ̃-kore cuw dɩb, — nɛn-kãánɩ nɩ nɛn-buge, divɛ̃-kore na bɩ tɔ a —.

Sɛb-sõw yielu 42:4

A ɩ̃ mʋta-kʋ̃ɔ n'ɩ a ɩ̃ dɩb, mʋ̃tɔ̃w nɩ tɩ̃ɩsɔw, mãa zie bɛ na mɩ́ yere kʋralɛ: «A fʋ Naaŋmɩn wa?»

Sɛb-sõw yielu 32:2

Zu-nʋ̃ɔ̀ sob'ɩ a nɩr ʋl a Sore na mɩ́ de a sãwna bɛr a baar'a, ɛ́ ʋ bɛ tɛr nyãnyu-yã a!

Levitɩ mɩnɛ 23:6

A cuw ŋa bibie pie nɩ anũu sob ɩ n a Dipɛ̃ na bɛ ƴãw dãbɩl a cuw, a ɩ̃ ƴãwfʋ ƴãw. Nyɩ na mɩ́ 'wɔb'ɩ dipɛ̃ na bɛ ƴãw dãbɩl a bibie ayopõi.

2 Korɛ̃tɩ 8:8

Ɩ̃ bɛ ƴãwnɛ nʋɔr kʋ̀rɛ nyɩ a ka ɩ, ɛcɛ ɩ̃ manɛ nɩ lɛ ŋmaarɛ bɛ mɩnɛ na tʋlɛ a, k'ɩ̃ɩ zaw a nyɩ tɩɛrʋ nyɩ mɩ̀ tʋ̃ɔ́ wul k'aa nyɩ nɔ̃wfʋ ɩ n sɩza.

2 Korɛ̃tɩ 1:12

A dãsɩɛ ŋa a tɩ tɩɛrʋ na dɩ a tɩ ƴãw a n'ɩ a tɩ dɛpaal-bom: a tɩ ɩb a tẽw zu a, baa zuo a za a nyɩ zie a, bɛ tɩ tɛr a mɩnɛ kãw ɛ, ɛ́ ɩ vɩɛlʋ tɛwr, ɛ́ a za yi a Naaŋmɩn zie. Nɩsaal yã-bãwfʋ bɛ n'a tɩ tɩ ɩrɛ nɩ ɛ, Naaŋmɩn maalʋ n'a.

1 Korɛ̃tɩ 5:1

A nɩbɛ wone na bɛ yere a ziir za kɛ́ pɩ̃ɔ-ɩb kãw be n a nyɩ zie, ɛ́ a pɩ̃ɔ-ɩb nɛ kpɛ faa tɩ zuo. Nɩ-bʋʋr-yoru nɩbɛ tɛɛ za kʋ̃ sàw maalɩ a yel-bier ŋa tɔ ɩ. Bɛ manɛ na k'aa nyɩ kãw tɛr'ɩ a ʋ sãà pɔw ʋ ɩ a ʋ pɔw.

1 Korɛ̃tɩ 3:3

nyɩ na cãà ɩ nɩsaalbɛ tɛwr a ƴãw. Nyuur nɩ taw-taa na be a nyɩ cará a ƴãw, nɩsaalʋ nɩbɛ bɛ n'ɩ nyɩ ɛ? Ɛ́ nɩsaalʋ ɩb tɛwr bɛ n'a nyɩ ɩrɛ ɩ?

Zozue 24:14

A Zozue tɩ yel'a ƴãw pʋɔ: «A na ɩ à ŋá a, nyɩ zɔrɛ a Sore, ɛ́ maalɛ ʋ nɩ nyɩ pʋɔ za, taa lɛbr pùor ɛ. Nyɩ lɔb a ŋmɩmɛ a nyɩ sãàkʋm-kore na tɩ maalɛ a Efaratɩ gãwn nɩ a Eziptɩ tẽw a bɛr, ɛ́ maalɛ a Sore.

Wulu-ayi-sob 16:16

Yũon za a, a nyɩ nɩ-bʋʋrɛ dɛbr za na mɩ́ cen nɩ a Sore nyɩ Naaŋmɩn niŋé, a zie ʋl ʋ na na kaa ír a: a Dipɛ̃-na-bɛ-ƴãw-dãbɩl-a cuw daar, a Dàrʋ cuw daar, nɩ a Sɛwr cuw daar. Bɛ bɛ cere a be nũ-zawl ɛ.

Eziptɩ tẽw yib 13:6

Nyɩ na 'wɔbr'ɩ dipɛ̃ na bɛ ƴãw dãbɩl a, bibie ayopõi, ɛ́ a bibie ayopõi sob nyɩ maalɩ cuw a Sore ƴãw.

Eziptɩ tẽw yib 12:8

Bɛ na sɛ̃ n a nɛn, ɛ́ a tɩ̃ɩsɔw bɛ 'wɔb ʋ nɩ dipɛ̃ na bɛ ƴãw dãbɩl a, nɩ zɛ-va-tuo.

Eziptɩ tẽw yib 12:19

Bɛ kʋ̃ nyɛ̃ dãbɩl a nyɩ yie pʋɔ bibie ayopõi ɛ. Ɛ́ nɩr wa 'wɔb dipɛ̃ na ƴãw dãbɩl a, nʋʋra n'ʋ bɩɩ tẽ-bie n'ʋ a, bɛ na ír ʋ na bɛr a Ɩsɩrayɛl nɩbɛ pʋɔ.

Eziptɩ tẽw yib 13:7

A bibie á ŋá pʋɔ a, nyɩ na 'wɔbr'ɩ dipɛ̃ na bɛ ƴãw dãbɩl a. A nyɩ tẽw za pʋɔ a, nɩr bɛ nyɛrɛ dipɛ̃ na ƴãw dãbɩl a ɩ, nɩr bɛ nyɛrɛ dãbɩl ɛ.

2 Korɛ̃tɩ 2:17

Tɩɩm bɛ ŋmɛ̃ mɛ̃ a nɩbɛ yaga zie na de a Naaŋmɩn ƴɛ̀rʋ ʋ ɩ yɛ̀rʋ́ bom a ɩ. Tɩɩm a, a Naaŋmɩn n'ʋ tõ tɩ, tɩ ƴɛ̀rɛ a ʋ ƴɛ̀rʋ nɩ yel-mɩŋa a ʋ niŋé, lãwnɩ a Kɩrɩta.