16 Lɛ so ɩ̃ zɛlɛ nyɩ: nyɩ cɔwrɛ mɛ̃.
A bɛ kaar mɛ̃ tɩ bɛ tɛr sɔ́r a nyɩ sõwfʋ bom ƴãw ɛ, ɛcɛ tɩ tɩ bɔbr'a kɛ́ tɩ ɩ a lɛ wul nyɩ kɛ̀ nyɩ cɔwrɛ tɩ.
Yɛbr i, nyɩ za nyɩ cɔwrɛ mɛ̃, ɛ́ tori niwn jɩ́rɛ a bɛlɩ dem na ɩrɛ mɛ̃ a lɛ tɩ na ɩ wul nyɩ a.
Nyɩ cɔwrɛ mɛ̃, mɛ̃ a lɛ mãa mɩŋa na cɔwrɛ a Kɩrɩta a.
Ɛ́ a nyɩɩm a, nyɩ cɔwrɩ tɩ na, tɩɩm nɩ a Sore. Nyɩ tɩ be n kpɩɛrʋ na bɛ dɩ vuo a pʋɔ, ɛ́ sàw de a Naaŋmɩn ƴɛ̀rʋ nɩ nʋ̃ɔ̀ na yi a Vʋʋrʋ Sõw zie a.
Nyɩ lɛb tɩɛrɩ a nyɩ niw-dierbɛ yele, bɛl na tɩ manɩ a Naaŋmɩn ƴɛ̀rʋ kʋ̀ nyɩ a. Nyɩ nyɛ̃ a lɛ bɛ na vʋʋrɩ tɩ kpi n a, nyɩ cɔwrɛ a bɛ naaŋmɩn-sàw-deb.
Bom nɛ nyɩ na zànɩ ɛ́ páw a ɩ̃ zie a, bom nɛ nyɩ na nyɛ̃ a ɩ̃ zie ɛ́ wõ a, nyɩ tɛr a ɩrɛ, ɛ́ a ƴã-ɓaarʋ Naaŋmɩn na be n a nyɩ zie.
Nyɩ ta dɩrɛ naalʋ a bɛlɩ dem bɛ na kʋ̀ nyɩ kɛ́ nyɩ kaarɛ a zu ɛ, nyɩ nɩ̃ɛ lɩɛbɩ nɩ-vɩɛlɩ a píir na na cɔwrɛ a.
