1 Korɛ̃tɩ 2:6 - A SƐB-SÕW

⁶ Yã-bãwfʋ ƴɛ̀rʋ n'a tɩ sɩrɩ ƴɛ̀rɛ a kɩrɩta-nɩbɛ bɛl na bɩ nɩbɛ a bɛ naaŋmɩn-sàw-deb pʋɔ a sɔgɔ, yã-bãwfʋ na bɛ ɩ tẽw ŋa zu dem, bɛ lɛb ɩ tẽw ŋa zu na-mɩnɛ dem a n'ʋ, bɛl be n kũu ƴãw.

1 Korɛ̃tɩ 2:6 Referans Kwoze

Ebre 5:14

A nɩ-bɛrɛ bɛl a, saab'ɩ a bɛ bʋ̃-dɩra, bɛl na mili nɩ a bɛ tɩɛrʋ a vla nɩ a faa owru a.

Zakɩ 3:15

A yã-bãwfʋ ŋa tɔ bɛ yi Naaŋmɩn zie ɩ, tẽw zu n'a ʋ yi, nɩsaalʋ zie, kɔ̃tɔmɛ zie mɔ̃ mɩ̀.

2 Korɛ̃tɩ 4:4

a naaŋmɩn-bɛ-sàw-dierbɛ, bɛl a tẽ-daa ŋa naaŋmɩn na zɔ̃w a bɛ tɩɛrʋ, kɛ́ bɛ ta nyɛ̃ a Kɩrɩta Yel-nʋ̃ɔ̀ yúor-vɩɛlʋ-danʋ cãà a, a Kɩrɩta ŋa na ɩ a Naaŋmɩn ŋmɛ̃-ta-tɔ tɔr za a.

1 Pɩɛr 5:10

Ɛ́ nyɩmɛ wa wõ tuo kɔwrɩ blã a, a maalʋ za Naaŋmɩn na bʋɔlɩ nyɩ a ʋ yúor-vɩɛlʋ-danʋ na be kʋralɛ a Kɩrɩta pʋɔ a ƴãw a, ʋl tɔr za na lɛb maalɩ nyɩ na ƴãw a pùorí. Ʋ na ɩ na nyɩ kpɛmɛ dɔwlɩ, ʋ na kʋ̀ nyɩ nɩ fãw dɔwlɩ, ɛ́ ɩ nyɩ ta bãw damnʋ ɛ.

1 Korɛ̃tɩ 2:8

A tẽw ŋa zu nãà kãw za bɛ tɩ bãw a yã-bãwfʋ ŋa ɩ. Bɛlɛ tɩ ɩ mɛ̃ bɛ bãw ʋ na a, bɛ kʋ̃ʋ tɩ kpa a yúor-vɩɛlʋ-danʋ za Sore a da-gara zu ɛ.

1 Korɛ̃tɩ 1:28

A alɩ bome nɛ na bɛ tɛr yúor a tẽ-daa zie a, a al bɛ na jewre a, a al na bɛ ɩ bom a, alɛ n'a a Naaŋmɩn kaa ír k'ʋʋ sãw nɩ a al na ɩ bʋ̃-sɩza a bɛr,

Kɔlɔsɩ 4:12

A Epafarasɩ na ɩ a nyɩ nɩr a, ʋ mɩ̀ puore nyɩ na. A Yeezu Kɩrɩta tõ-tõ-bie ŋa tʋlɛ nɩ a puoru ƴãw, puore kʋ̀rɛ nyɩ kʋralɛ, kɛ́ nyɩ tʋ̃ɔ́ tɛ nyɩgɛ ɛ́ bɩ nɩbɛ baar a Kɩrɩta sɔ́r pʋɔ, maalɛ a Naaŋmɩn pʋ-tɩɛrʋ za.

Efɛɛzɩ 2:2

A lɛn daar a, nyɩ tɩ ɩrɛ nɩ a tẽ-daa ŋa zu ɩb, nyɩ tɩ tuur'ɩ a vʋʋrʋ ʋl na ɩ a salom zu kpɛnʋ bʋʋrɛ za tɩ na bɛ nyɛrɛ a nɩ-kpɛ̃ɛ a, a vʋʋrʋ ŋa na damnɛ a nɩ-gaarɩ ƴãwn bɛ ɩrɛ a nɩ-gaarɩ ɩb a.

Matie 5:48

Lɛ so, a nyɩɩm a, nyɩ vɩɛl nyɩ za, mɛ̃ a lɛ a nyɩ tẽ-vla pʋɔ Sãà na vɩɛl ʋ za a.»

2 Korɛ̃tɩ 1:12

A dãsɩɛ ŋa a tɩ tɩɛrʋ na dɩ a tɩ ƴãw a n'ɩ a tɩ dɛpaal-bom: a tɩ ɩb a tẽw zu a, baa zuo a za a nyɩ zie a, bɛ tɩ tɛr a mɩnɛ kãw ɛ, ɛ́ ɩ vɩɛlʋ tɛwr, ɛ́ a za yi a Naaŋmɩn zie. Nɩsaal yã-bãwfʋ bɛ n'a tɩ tɩ ɩrɛ nɩ ɛ, Naaŋmɩn maalʋ n'a.

Sɛb-sõw yielu 33:10

A Sore mɩ́ ŋmɛ n a lɛ a ten na bɔbr k'aa ɩ a lɔb, ʋ bɛ mɩ́ sàw a nɩ-bʋʋrɛ pʋ-tɩɛrʋ maalɩ ɛ.

A Zɔb sɛbɛ 12:21

Ʋ mɩ́ ɩrɛ nɩ a nɩ-yée laar, ɛ́ ɩrɛ a po-to-dem fãw báarɛ.

A Zɔb sɛbɛ 12:19

Ʋ mɩ́ siwr'ɩ a bàwr-maalbɛ, ɛ́ ɩ a bɛlɩ dem na dɩrɛ a naalʋ a, a bɛ naalʋ baarɩ.

A Zɔb sɛbɛ 1:1

Nɩr kãw tɩ be n Usɩ tẽw, a yúor dɩ kɛ́ Zɔb. Ʋ bɛ tɩ tɛr sãwna ɩ, ɛ́ tuur yel-mɩŋa. Ʋ tɩ ƴãwnɛ nɩ a Naaŋmɩn ɛ́ bɛ pɩɛlɛ ɩ-faa ɩ.

Zakɩ 3:2

Tɩ za tule nɩ yaga za. Nɩr bɛ wa tule towtow a ʋ ƴɛ̀rʋ pʋɔ a, ʋ ɩ n nɩ-vla baarɩ, ʋ na tʋ̃ɔ́ na nyɔw ʋ mɩŋa.

2 Korɛ̃tɩ 13:11

Ƴɛrɛŋa a, yɛbr i, nyɩ cɩlɛ, nyɩ ƴãw fãw ɩrɛ kɛ́ nyɩ vɩɛl tɩ tɔ, nyɩ kpaalɛ taa, nyɩ lãw taa tɩɛrʋ, nyɩ tɛr a ƴã-ɓaarʋ, ɛ́ a nɔ̃wfʋ nɩ a ƴã-ɓaarʋ Naaŋmɩn na be n a nyɩ zie.

1 Korɛ̃tɩ 14:20

Yɛbr i, nyɩ ta tɛr bibi-yã a yele bãwfʋ ƴãw ɛ. Nyɩ ɩ bibiir a yel-faa maalʋ ƴãw, ɛcɛ a yele bãwfʋ ƴãw a, nyɩ ɩ nɩ-bɛrɛ.

1 Korɛ̃tɩ 2:13

Tɩ bɛ ƴɛ̀rɛ a maalʋ á ŋá ƴɛ̀rʋ nɩ nɩsaal yã-bãwfʋ ƴɛ̀r-bie ɩ, tɩ ƴɛ̀rɛ nɩ a ƴɛ̀rʋ nɩ a Vʋʋrʋ yã-bãwfʋ, manɛ bom na ɩ vʋʋrʋ bom a, nɩ a Vʋʋrʋ ƴɛ̀r-bie.

1 Korɛ̃tɩ 2:1

Yɛbr i, a mãa mɩŋa na tɩ wa a nyɩ zie a, ƴɛ̀r-bãw bɩɩ yã-bãw bɛ n'a ɩ̃ tɩ manɩ nɩ a Naaŋmɩn pʋ-tɩɛr-sɔwla kʋ̀ nyɩ ɛ.

Luka 16:8

A nɩ-kpɛ̃ɛ tɩ mʋʋr'ɩ a bʋ̃-kaarɛ ŋa ɩb na bɛ tori a, a yã-maalʋ ʋ na tɩ maalɩ a ƴãw. A tẽw ŋa zu nɩbɛ sɩrɩ na kpɛ yã a bɛ taabɛ zie zuo a cãà pʋɔ nɩbɛ.»

Matie 19:21

A Yeezu yel ʋ: «Fʋ̃ʋ wa bɔbr kɛ́ fʋ vɩɛl fʋ za a, cen tɩ de a fʋ bʋ̃-tɛrɩ za kʋɔrɩ, de a libie kʋ̀ nan dem, ɛ́ fʋ na páw nɩ na-bome a tẽ-vla pʋɔ, al pùorí, wa, wa tuur mɛ̃.»

Matie 13:22

A gʋʋr pʋɔ a bʋ̃-bie na lo a, ɩ n a bɛlɩ dem na mɩ́ wõ a Naaŋmɩn ƴɛ̀rʋ, ɛ́ a tẽw zu ka yele tɩɛrʋ nɩ a naalʋ bɛlʋ fɩɩrɩ a ƴɛ̀rʋ kʋ, ʋ bɛ wɔ̃ bom za a.

Ɩzayi 40:23

Ʋ mɩ́ ɩ n a tẽ-daa ŋa na-mɩnɛ bɛ bɛ cãà ɩ bom za ɩ, ɩ a ʋ kaarbɛ bɛ ɩ bʋ̃-zawlɛ.

Sɛb-sõw yielu 37:37

Jɩ́rɛ a nɩ-vla, ɛ́ nyɛ̃ a nɩr na cere dẽdẽ a: a nɩr na nɔnɛ a ƴã-ɓaarʋ a mɩ́ tɛr'ɩ bʋʋrɛ.

Sɛb-sõw yielu 146:4

Bɛlɛ wa kpi a, bɛ mɩ́ lɛb'a lɩɛbɩ tanɛ, ɛ́ a bɛ tɩɛrʋ mɩ̀ wɛ a ʋlɩ bibir.

1 Korɛ̃tɩ 3:1

Yɛbr i, ɩ̃ bɛ tʋ̃ɔ́ ƴɛ̀r a nyɩ zie mɛ̃ nɩbɛ na tɛr a Naaŋmɩn Vʋʋrʋ a ɩ. Ɩ̃ ƴɛ̀r'ɩ a nyɩ zie mɛ̃ nɩbɛ na ɩ nɩsaalbɛ tɛwr a, mɛ̃ bibi-pʋrmɛ a naaŋmɩn-sàw-deb pʋɔ a.

1 Korɛ̃tɩ 12:8

A kãw a, ƴɛ̀rʋ na tu yã-bãwfʋ a n'ʋ a Vʋʋrʋ Sõw kʋ̀ ʋ, ɛ́ a kãw ƴɛ̀rʋ tu zanʋ ʋ na zanɩ bãw a, ɛ́ a cãà yi a Vʋʋrʋ Sõw been nɛ zie.

2 Korɛ̃tɩ 4:3

Ɛcɛ a Yel-nʋ̃ɔ̀ tɩ na manɛ a wa cãà ɩ mɛ̃ ʋ sɔwl'a a, a bɛlɩ dem na bɔrɛ a zie n'a ʋ sɔwlɩ,

Kɔlɔsɩ 1:28

A Kɩrɩta ŋa yele n'a tɩ manɛ, kpaalɛ nɩ nɩr za, wule nɩ nɩr za nɩ yã-bãwfʋ, kɛ́ tɩ tʋ̃ɔ́ ɩ nɩr za vɩɛl ʋ za lãwnɩ a Kɩrɩta.

Ebre 6:1

A na ɩ lɛ a, nyɩ ɩ tɩ bɛr a Kɩrɩta yele al bɛ na mɩ́ tĩ zànɩ a, ɛ́ tu wulu na sɛwnɩ nɩ-bɛrɛ a pùor, tɩ bɛ lɛb dier a wulu pɛr-sʋ̃ɔfʋ yele ɩ: a lɩɛbɩ-a-ɩb bɛr a ɩ-faar na waar'ɩ kũu a, nɩ a naaŋmɩn-sàw-deb,