1 Korɛ̃tɩ 14:37 - A SƐB-SÕW

³⁷ Nɩr wa tɩɛr k'ʋʋ ɩ n naaŋmɩn-ƴɛ̀r-manɛ bɩɩ k'ʋʋ tɛr'ɩ Vʋʋrʋ Sõw maalʋ kãw a, a fɛr'a k'ʋʋ nyɛ̃ Sore nɔ-ƴãwna a sɛbrʋ á ŋá ɩ̃ na kʋ̀rɛ nyɩ a pʋɔ.

1 Korɛ̃tɩ 14:37 Referans Kwoze

1 Zã 4:6

Ɛcɛ a tɩɩm a, Naaŋmɩn so tɩ. Sob nɛ na bãw a Naaŋmɩn a mɩ́ bɛrɛ na wone a tɩ ƴɛ̀rʋ. Ɛ́ sob nɛ a Naaŋmɩn na bɛ so a bɛ mɩ́ bɛrɛ wone a tɩ ƴɛ̀rʋ ɛ. À ŋá n'a tɩ mɩ́ bãw a yel-mɩŋa Vʋʋrʋ nɩ a tulu vʋʋrʋ.

2 Korɛ̃tɩ 10:7

Nyɩ jɩ́rɛ a lɛ a yele na sɩrɩ ŋmɛ̃ a: nɩr wa bãw k'aa Kɩrɩta so ʋ a, ʋ páw bãwnɩ a: a Kɩrɩta wa so ʋ a, a Kɩrɩta mɩ̀ so tɩ.

A sɛb-tʋɔla a Zid na sɛb kʋ̀ a Naaŋmɩn nɩ-bʋʋrɛ a 1:17

Ɛ́ a nyɩɩm, ɩ̃ bá mɩnɛ ɛ, nyɩ lɛb tɩɛrɩ a ƴɛ̀rʋ al a tɩ Sore Yeezu Kɩrɩta nɩ-toni na tɩ dãw ƴɛ̀r kʋ̀ nyɩ a.

2 Pɩɛr 3:2

Nyɩ lɛb tɩɛrɩ a ƴɛ̀rʋ al a naaŋmɩn-ƴɛ̀r-man-son na tɩ dãw ƴɛ̀r a, nɩ a Sore nɩ a Faarɛ nɔ-ƴãwna a nyɩ nɩ-toni na lʋɔrɩ kʋ̀ nyɩ a.

Galasi 6:8

Sob nɛ na bʋ̀rɛ a alɩ bome nɛ a nɩsaalʋ na bɔbr a, ʋ na cɛ n a wɔmɛ a nɩsaalʋ na waar'ɩ a, a pɛr lɛ k'aa kũu. Ɛcɛ sob nɛ na bʋ̀rɛ a alɩ bome nɛ a Vʋʋrʋ Sõw na bɔbr a, ʋ na cɛ n a wɔmɛ a Vʋʋrʋ na waar'ɩ a, a pɛr lɛ k'aa nyɔ-vʋʋrʋ na be kʋralɛ a.

2 Korɛ̃tɩ 11:4

Bʋ̃ʋ n'ʋ vɛ̃, nyɩ mɩ́ sàw na de nɩ-sãsaralɛ na hiere yere Yeezu-yũo na bɛ ɩ a ʋl tɩ na hieri yel kʋ̀ nyɩ a ɩ, ɛ́ sàw de yã-yũo nɩ wul-yũo na bɛ ɩ a Vʋʋrʋ Sõw nɩ a Yel-nʋ̃ɔ̀ nyɩ na páw a tɩ zie a dem a ɩ.

2 Korɛ̃tɩ 10:12

Tɩ kʋ̃ kpɛ pʋra yel kɛ́ tɩɩm nɩ a nɩbɛ bɛ mɩnɛ kãw, na mɩ́ manɛ a bɛ tʋɔra ɩ-vɩɛlɩ a, sɛw nɩ taa a ɩ, bɩɩ tɩ kʋ̃ de tɩ tʋɔra manɛ nɩ bɛ ɩ. Dãbole nɛbɛ, bɛ na de bɛ tʋɔra bɛ lɩɛbɩ bʋ̃-mána bɛ manɛ nɩ bɛ tʋɔra a ƴãw.

1 Korɛ̃tɩ 8:2

Nɩr wa tɩɛrɛ k'ʋʋ bãw nɩ bom kãw a, ʋ cãà bɛ bãw mɛ̃ a lɛ a na sɛw k'ʋʋ bãw a ɩ.

1 Korɛ̃tɩ 7:40

Ɛcɛ mãa zie a, ʋlɛ wa be be mɛ̃ a lɛ ʋ na ŋmɛ̃ a, ʋ na wone nɩ nʋ̃ɔ̀ zuo. À ŋá n'a ɩ̃ nyɛ̃, ɩ̃ɩ tɩɛr bãw k'ɩ̃ɩ mɩ̀ tɛr'ɩ a Naaŋmɩn Vʋʋrʋ.

1 Korɛ̃tɩ 7:25

A bɛlɩ dem na bɛ kul taa a, ɩ̃ bɛ tɛr wulu na yi a Sore zie a, na yel kɛ́ bɛ tuur ɛ. Lɛ mãa na nyɛ̃ a n'a ɩ̃ yere, mãa nɩsaal na sɛwnɩ kɛ́ nɩbɛ ta bʋ́nɛ nɩ mɛ̃ a Sore su-ɓaarʋ zũú a.

Ʋrɔm 12:3

A maalʋ a Naaŋmɩn na kʋ̀ m a zũú, ɩ̃ yere na kʋ̀rɛ nyɩ za: nyɩ ta mɩ́ tɩɛrɛ kɛ́ nyɩ zuo nɩ za ɩ, nyɩ nɩ̃ɛ mɩ́ vɛ̃ kɛ́ tɛr tʋɔra-siwru tɩɛrʋ, mɛ̃ a lɛ a Naaŋmɩn na põ a sàw-deb kʋ̀ ŋa za a.

Luka 10:16

A Yeezu tɩ cãà na lɛb yel a ʋ po-tuurbɛ: «Sob nɛ na bɛrɛ wone a nyɩ ƴɛ̀rʋ a, a ɩ̃ ƴɛ̀rʋ n'a ʋ bɛrɛ wone, ɛ́ sob nɛ na zawrɩ nyɩ bɛr a, mãa n'ʋ ʋ zawrɩ bɛr. Ɛcɛ sob nɛ na zawrɩ mɛ̃ bɛr a, a sob nɛ na tõ m a n'ʋ ʋ zawrɩ bɛr.»

Sɔr-nɛ́ɛ 24:16

À ŋá n'a ɩ̃ yere, mãa na mɩ́ wõ a Naaŋmɩn ƴɛ̀rʋ a, mãa na bãw a Naaŋmɩn-na-do-saa-bɛ-pɩɛl-a yel-sɔwlɩ, ɛ́ nyɛrɛ a bʋ̃-nyɛrɩ a Kpɛnʋ-za-sob na mɩ́ bɛr a wa a. Ʋ mɩ́ sɩrɩ na ɩ ɩ̃ nyɛ̃ ʋ, a lɛn daar ɩ̃ na mɩ́ puore ʋ nɩ ɩ̃ tʋɔra-siwru a.

1 Korɛ̃tɩ 2:15

Ɛcɛ nɩr na tɛr a Naaŋmɩn Vʋʋrʋ a, ʋ mɩ́ bãwnɛ nɩ yele za, ɛ́ nɩr za kʋ̃ tʋ̃ɔ́ bãw a ʋ yele ɩ.

1 Korɛ̃tɩ 3:1

Yɛbr i, ɩ̃ bɛ tʋ̃ɔ́ ƴɛ̀r a nyɩ zie mɛ̃ nɩbɛ na tɛr a Naaŋmɩn Vʋʋrʋ a ɩ. Ɩ̃ ƴɛ̀r'ɩ a nyɩ zie mɛ̃ nɩbɛ na ɩ nɩsaalbɛ tɛwr a, mɛ̃ bibi-pʋrmɛ a naaŋmɩn-sàw-deb pʋɔ a.

1 Korɛ̃tɩ 14:29

A naaŋmɩn-ƴɛ̀r-manɛ ƴɛ̀rʋ ƴãw a, nɩbɛ ayi bɩɩ ata mɩ́ ƴɛ̀rɛ, ɛ́ a ŋmaarɛ jiele a bɛ ƴɛ̀rʋ.

1 Korɛ̃tɩ 14:36

Nyɩɩm zie n'a a Naaŋmɩn ƴɛ̀rʋ tĩ bɩɩ? Nyɩɩm tɛwr nɛbɛ páw ʋ bɩɩ?

1 Korɛ̃tɩ 14:38

Nɩr bɛ wa nyɛ̃ Sore nɔ-ƴãwna a pʋɔ a, a wul'a kɛ́ Naaŋmɩn mɩ̀ bɛ bãw ʋ ɛ.