1 Korɛ̃tɩ 14:29 - A SƐB-SÕW

²⁹ A naaŋmɩn-ƴɛ̀r-manɛ ƴɛ̀rʋ ƴãw a, nɩbɛ ayi bɩɩ ata mɩ́ ƴɛ̀rɛ, ɛ́ a ŋmaarɛ jiele a bɛ ƴɛ̀rʋ.

1 Korɛ̃tɩ 14:29 Referans Kwoze

1 Korɛ̃tɩ 12:10

Kãw páw nɩ nɔ-ɓãa-yele maalʋ fãw, ƴen sob páw naaŋmɩn-ƴɛ̀r-manɛ tome maalʋ, ŋa sob ʋl páw nɩ maalʋ mɩ́ bãw a vʋʋr-bɛlɛbɛlɛ nɩ a Vʋʋrʋ Sõw tɔr za, kãw páw nɩ a ƴɛ̀r-pɛ-bʋʋrɛ ƴɛ̀rʋ fãw, ɛ́ kãw bãw a ƴɛ̀rʋ á ŋá pɛ́ɛ íru.

1 Korɛ̃tɩ 14:39

A na ɩ lɛ a, yɛbr i, nyɩ bɔbr kɛ́ nyɩ ɩ naaŋmɩn-ƴɛ̀r-manbɛ, ɛ́ ta diwr ƴɛ̀rʋ nɩr na bɛ wone a bɛrɛ ɩ,

Nɩ-toni 13:1

A Ãtɩɔsɩ Lãw-yir pʋɔ, naaŋmɩn-ƴɛ̀r-manbɛ nɩ kã-kanbɛ tɩ be n be: Banabasɩ nɩ Sɩmɩ̃ɔ bɛ na kpɔwrɛ bʋɔlɛ Nɩ-sɛbla a, Lisiisɩ na yi Sɩɩrɛn a, nɩ Manayɛn na ɩ a Galile tẽw nàle Erɔdɩ bibi-daarɩ tu-ta-tɔ a, pãa de nɩ Sol.

1 Korɛ̃tɩ 13:2

Mãa saa páw a naaŋmɩn-ƴɛ̀r-manɛ maalʋ, bãw a Naaŋmɩn yel-sɔwlɩ za, ɛ́ mɩ́ zànɩ bom za bãw a, mãa saa tɛr a naaŋmɩn-sàw-deb ʋ za, a ʋl na na tʋ̃ɔ́ ɓáw a tan tɩ bin zi-yoru a, mãa bɛ wa tɛr a nɔ̃wfʋ a, ɩ̃ bɛ ɩ bom za ɩ.

1 Korɛ̃tɩ 14:28

Nɩr bɛ wa ka be na íre a ƴɛ̀rʋ nɩr na bɛ wone a pɛ́ɛ a, a sob nɛ na ƴɛ̀rɛ a ƴɛ̀rʋ á ŋá a, ʋ zɩ̃ gbili a lãw pʋɔ, ʋ ƴɛ̀rɛ nɩ ʋ tʋɔra ɛ́ ƴɛ̀rɛ nɩ a Naaŋmɩn.

1 Korɛ̃tɩ 14:30

Nɩr kãw na be a lãw pʋɔ wa páw yel-sɔwla kãw bãwfʋ a, a fɛr'a k'aa ʋlɩ sob na tɩ ƴɛ̀rɛ a, ŋmãa a ʋ ƴɛ̀rʋ bɛr.

1 Korɛ̃tɩ 14:32

A naaŋmɩn-ƴɛ̀r-manɛ so a naaŋmɩn-ƴɛ̀r-manɛ tɩɛrʋ na ƴãw ʋ ƴɛ̀rɛ a.

1 Korɛ̃tɩ 14:37

Nɩr wa tɩɛr k'ʋʋ ɩ n naaŋmɩn-ƴɛ̀r-manɛ bɩɩ k'ʋʋ tɛr'ɩ Vʋʋrʋ Sõw maalʋ kãw a, a fɛr'a k'ʋʋ nyɛ̃ Sore nɔ-ƴãwna a sɛbrʋ á ŋá ɩ̃ na kʋ̀rɛ nyɩ a pʋɔ.