1 Korɛ̃tɩ 14:20 - A SƐB-SÕW

²⁰ Yɛbr i, nyɩ ta tɛr bibi-yã a yele bãwfʋ ƴãw ɛ. Nyɩ ɩ bibiir a yel-faa maalʋ ƴãw, ɛcɛ a yele bãwfʋ ƴãw a, nyɩ ɩ nɩ-bɛrɛ.

1 Korɛ̃tɩ 14:20 Referans Kwoze

1 Pɩɛr 2:2

Nyɩ bɔbr a Naaŋmɩn ƴɛ̀rʋ bʋ̀r-kʋ̃ɔ tɛwr mɛ̃ bi-pɩɩlɛ a, k'ʋʋ tʋ̃ɔ́ mɩ́ ɩ nyɩ kɛrɛ tɩ páw a faafʋ.

Ʋrɔm 16:19

A Sore nʋɔr nyɩ na sàwr a, a nɩbɛ za wõ n a yele. Lɛ so nʋ̃ɔ̀ ɩrɛ mɛ̃ a nyɩ ƴãw, ɛcɛ ɩ̃ bɔbr'a kɛ́ nyɩ ɩ yã-bãwnbɛ ɩrɛ a vla, ɛ́ vɩɛl dɛrɛ a faa.

1 Korɛ̃tɩ 13:11

Ɩ̃ na tɩ ɩ bibile a, ɩ̃ tɩ ƴɛ̀rɛ na mɛ̃ bibile a, ɩ̃ tɩ tɩɛrɛ na mɛ̃ bibile a, ɛ́ a ɩ̃ yã tɩ ɩ bibi-yã. Ɛcɛ, ɩ̃ na wa ɩ nɩ-kpɛ̃ɛ baar'a, ɩ̃ bɛr'ɩ a bibi-ɩb.

Matie 18:3

ɛ́ yel: «Yel-mɩŋa sɩza, ɩ̃ yere na kʋ̀rɛ nyɩ, nyɩmɛ bɛ wa lɩɛbɩ a nyɩ ɩb ŋmɛ̃ mɛ̃ a bibi-cãpili a, nyɩ kʋ̃ kpɛ a tẽ-vla Naalʋ pʋɔ ɩ.

1 Korɛ̃tɩ 2:6

Yã-bãwfʋ ƴɛ̀rʋ n'a tɩ sɩrɩ ƴɛ̀rɛ a kɩrɩta-nɩbɛ bɛl na bɩ nɩbɛ a bɛ naaŋmɩn-sàw-deb pʋɔ a sɔgɔ, yã-bãwfʋ na bɛ ɩ tẽw ŋa zu dem, bɛ lɛb ɩ tẽw ŋa zu na-mɩnɛ dem a n'ʋ, bɛl be n kũu ƴãw.

2 Pɩɛr 3:18

Ɛcɛ nyɩ kɛrɛ a tɩ Sore nɩ a tɩ Faarɛ Yeezu Kɩrɩta maalʋ nɩ a ʋ bãwfʋ pʋɔ. Ʋlɛ so yúor-vɩɛlʋ-danʋ ƴɛrɛŋa nɩ kʋralɛ. Amɛn.

Filib 1:9

Ɛ́ a ɩ̃ puoru n'ɩ ŋa: kɛ́ a nyɩ nɔ̃wfʋ kɛrɛ dɔwlɛ nɩ bãwfʋ mɩŋa nɩ nyɛrʋ na vɩɛl ʋ za a,

Markɩ 10:15

Yel-mɩŋa sɩza, ɩ̃ yere na kʋ̀rɛ nyɩ, nɩr bɛ wa dier a Naaŋmɩn Naalʋ yele mɛ̃ bibile a, ʋ bɛ be na kpɛ ʋ pʋɔ ɩ.»

Filib 3:15

A na ɩ à ŋá a, tɩɩm za na bɩ nɩbɛ baarɩ a Kɩrɩta sɔ́r pʋɔ a, tɩ ɩrɛ à à ŋá, ɛ́ yel kãw ƴãw nyɩmɛ bɛ wa ɩrɛ à à ŋá a, Naaŋmɩn na cãà na caalɩ a nyɩ yã a al ƴãw.

Matie 11:25

A lɛn daar, a Yeezu tɩ de nɩ a ƴɛ̀rʋ yel: «Ɩ̃ danɛ fʋ na, ɩ̃ Sãà a, salom nɩ tẽw za Sore e, fʋ na sɔwlɩ a yele á ŋá a yã-bãwnbɛ nɩ a bãw-bãwnbɛ zie, ɛ́ wul a a bibi-cãpili a.

Ɩzayi 11:3

A Sore zɔba n'a na ɩ a ʋ yã-nɔn. Ʋ kʋ̃ mɩ́ dɩ a ƴɛ̀rʋ tu n a lɛ ʋ na nyɛ̃ a ɩ, ʋ kʋ̃ mɩ́ yel a lɛ na be be a, tu n a lɛ ʋ na wone bɛ yere a ɩ.

Sɛb-sõw yielu 119:99

Ɩ̃ bãw a na zuo a ɩ̃ wul-wulbɛ za, ɩ̃ na mɩ́ tɛr a lɛ fʋ na yel a tɩɛrɛ a ƴãw.

Matie 19:4

A Yeezu sɔw: «Nyɩ bɛ kanɩ a Sɛb-sõw pʋɔ kɛ́: “A pɛr-tib daar a, a bome za Íre ír bɛ nɩ dɛb nɩ pɔw ɛ?”

Zeremi 4:22

A Sore yere n'a: «A ɩ̃ nɩbɛ bol'a, bɛ bɛ bãw mɛ̃ ɩ. Bibiir na bɛ tɛr yã a nɛbɛ, bɛ bɛ bãw bom za ɩ. Bɛ bãw nɩ a faa maalʋ vla ɛ́ bɛ bãw a vla maalʋ ɛ.»

Matie 19:14

Lɛ n'a a Yeezu tɩ yel: «Nyɩ bɛr a bibiir bɛ wa a ɩ̃ zie, ɛ́ ta diwr bɛ bɛrɛ ɩ, bʋ̃ʋ n'ʋ vɛ̃, a bɛlɩ dem na ŋmɛ̃ taa nɩ bɛ a, bɛlɛ so a tẽ-vla Naalʋ.»

Luka 18:17

Yel-mɩŋa sɩza, ɩ̃ yere na kʋ̀rɛ nyɩ: nɩr bɛ wa sàw de a Naaŋmɩn Naalʋ mɛ̃ bibile a, ʋ kʋ̃ kpɛ a ʋ pʋɔ ɩ.»

Ʋrɔm 1:13

Yɛbr i, ɩ̃ bɔbr'a kɛ́ nyɩ bãwnɩ a, kʋralɛ n'a ɩ̃ tɩɛrɛ a nyɩ zie waa, k'ɩ̃ɩ wa páw a ɩ̃ tome tɔnɛ a nyɩ zie, mɛ̃ a lɛ ɩ̃ na páw a a nɩ-bʋʋr-yoru bɛ mɩnɛ zie a. Ɛcɛ ɩ̃ cãà bɛ nyɛ̃ vuo wa tɔ dɩ̃a ɩ.

1 Korɛ̃tɩ 14:19

Ɛcɛ a lãw nɩbɛ sɔgɔ, ɩ̃ mɩ́ nyɛ̃ na ƴɛ̀r-bie anũu na tɛr wob a nɩbɛ zie, ɩ̃ na na ƴɛ̀r wul'ɩ bɛ a, a sa ƴɛ̀r-bie tùr-pie (10 000) ɩ̃ na na ƴɛ̀r'ɩ ƴɛ̀rʋ nɩr na bɛ wone a.

Efɛɛzɩ 4:13

gùre nɩ a lɛn daar tɩ za na na lãw taa ɩ been a naaŋmɩn-sàwfʋ pʋɔ ɛ́ bãw a Naaŋmɩn Bie a, a lɛn daar tɩ na na ɩ nɩ-bɛrɛ, ta mɛ̃ a Kɩrɩta na ta a ʋ tab za a.

Neemi 4:13

Ɩ̃ tɩ yel'a kʋ̀ a nɩ-yée, a nɩ-bɛrɛ nɩ a bɛlɩ dem za na tɩ be be a: «A dacĩ-kpɛ̃ɛ tome cãà na yãwmɛ, ɛ́ tɩ be zi-yaga zãá taa.