1 Korɛ̃tɩ 14:15 - A SƐB-SÕW

¹⁵ A na ɩ à ŋá a, ɩ̃ ɩ ŋmɩn? Ɩ̃ na puore nɩ nɩ a Vʋʋrʋ Sõw, ɛ́ mɩ̀ puore nɩ a ɩ̃ yã. Ɩ̃ na yiele na nɩ a Vʋʋrʋ Sõw, ɛ́ mɩ̀ yiele nɩ a ɩ̃ yã.

1 Korɛ̃tɩ 14:15 Referans Kwoze

Kɔlɔsɩ 3:16

A Kɩrɩta ƴɛ̀rʋ, ʋ be a nyɩ pʋɔ yaga za. Nyɩ wule taa ɛ́ kpaalɛ taa nɩ yã-bãwfʋ. Nyɩ yiele puore nɩ a Naaŋmɩn yãanɩ nɩ nyɩ pʋɔ za, nɩ Sɛb-sõw yielu, nɩ danʋ, nɩ yielu Vʋʋrʋ Sõw na waalɩ kʋ̀ nyɩ a.

Efɛɛzɩ 6:18

Nyɩ puore zɛlɛ à á ŋá za a Naaŋmɩn zie. A Vʋʋrʋ Sõw, ʋ sõwne nyɩ nyɩ puore kʋralɛ. A lɛ ƴãw a, nyɩ bɛr gʋ̃ɔ ɛ́ taa lɛbr pùor ɛ. Nyɩ puore kʋ̀rɛ a Naaŋmɩn nɩ-bʋʋrɛ za.

A sɛb-tʋɔla a Zid na sɛb kʋ̀ a Naaŋmɩn nɩ-bʋʋrɛ a 1:20

Ɛcɛ, nyɩɩm ɩ̃ bá mɩnɛ ɛ, nyɩ cãà de a nyɩ nyɔ-vʋʋrʋ tu n a nyɩ naaŋmɩn-sàw-deb na ɩ sõw yaga za a. Nyɩ puore nɩ a Vʋʋrʋ Sõw fãw.

Sɛb-sõw yielu 47:7

Nyɩ yiele danɛ nɩ a Naaŋmɩn, nyɩ yiele, nyɩ yiele danɛ nɩ a tɩ nãà, nyɩ yiele!

1 Korɛ̃tɩ 14:19

Ɛcɛ a lãw nɩbɛ sɔgɔ, ɩ̃ mɩ́ nyɛ̃ na ƴɛ̀r-bie anũu na tɛr wob a nɩbɛ zie, ɩ̃ na na ƴɛ̀r wul'ɩ bɛ a, a sa ƴɛ̀r-bie tùr-pie (10 000) ɩ̃ na na ƴɛ̀r'ɩ ƴɛ̀rʋ nɩr na bɛ wone a.

1 Korɛ̃tɩ 10:19

Bʋ̃ʋ n'ʋ ɩ̃ bɔbr k'ɩ̃ɩ yel? K'aa nɛn bɛ na kʋ ƴãw a tɩɩb ƴãw a, bɩɩ k'aa tɩɩb ɩ n bʋ̃-sɩza bɩɩ?

Ʋrɔm 3:5

Ɛcɛ a tɩ yel-mɩŋa bɛ-tɛrʋ mɩ́ wa ɩ a Naaŋmɩn yel-mɩŋa sãá a, tɩ lɛb yel kɛ́ bo? A wul'a kɛ́ a Naaŋmɩn bɛ tɛr yel-mɩŋa ʋ na mɩ́ nyɛ̃ nɩ tɩ suur a bɩɩ? (Ɩ̃ ƴɛ̀rɛ na mɛ̃ nɩsaalbɛ a.)

Ʋrɔm 1:9

Naaŋmɩn n'ɩ a ɩ̃ yel-mɩŋa sob, ʋl ɩ̃ na puore nɩ ɩ̃ pʋɔ za ɛ́ hiere a ʋ Bie Yel-nʋ̃ɔ̀ a. Ɩ̃ mɩ́ tɛr'ɩ a nyɩ tɩɛrʋ kʋralɛ,

Filib 1:18

Ɛcɛ, a na ɩ m'ɩ ŋmɩn? Alɛ saa ŋmɛ̃ ŋmɩŋmɩn za a, tɩɛr-faar'a bɛ tɛr, bɩɩ yel-mɩŋa pʋɔ n'a bɛ be a, bɛ hier'ɩ a Kɩrɩta, ɛ́ nʋ̃ɔ̀ kpɩɛr mɛ̃ a al ƴãw. Mɔ̃ mɩ̀, ɩ̃ na cãà na cɩlɛ a al ƴãw.

Ʋrɔm 8:31

A na ɩ à ŋá a, tɩ na lɛb yel a kɛ́ bʋnʋ a yel ŋa ƴãw? A Naaŋmɩn wa kpɛ tɩ a, ãa n'ʋ na dɩ n tɩ ƴɛ̀rʋ?

Nɩ-toni 21:22

Ŋmɩŋmɩn za n'a tɩ na ɩ? Bʋnʋ bɛ ka be ɩ, bɛ na wõ na kɛ́ fʋ be n ka.

1 Korɛ̃tɩ 14:14

Mãa wa puore ƴɛ̀rɛ ƴɛ̀rʋ nɩr na bɛ wone a, a ɩ̃ tɩɛrʋ mɩ́ sɩrɩ na puore, ɛcɛ a ɩ̃ yã bɛ ɩrɛ bom za ɩ.

1 Korɛ̃tɩ 14:26

Yɛbr i, a na ɩ à ŋá a, ɩ̃ ɩ ŋmɩn? Nyɩ na mɩ́ wa ɓã taa a, a nyɩ kãw na mɩ́ tʋ̃ɔ́ na yiele yielu, kãw tɩrɛ wulu bɩɩ yel-sɔwla kãw, kãw ƴɛ̀rɛ ƴɛ̀rʋ nɩr na bɛ wone a ɛ́ íre a pɛ́ɛ. Ɛcɛ à á ŋá za a, a ɩrɛ a lãw ʋ kɛrɛ.

Zakɩ 5:13

A nyɩ kãw wone nɩ tuo bɩɩ? Ʋ puore. Ʋ wone nɩ nʋ̃ɔ̀ bɩɩ? Ʋ yiele danʋ yielu.