Yohana 9:29 - Dadiya NT

²⁹ Nǝn, nǝn nyǝm Kwaama a sʊwa kɛl jǝbɔ Musa. A balɨ nɨɨ, nǝ nyǝm bɔ daagɔ a jelʌmi.”

Yohana 9:29 Referans Kwoze

Yohana 8:14

Yesu a jǝla ji gɔ, “Na n nǝ nyiyo a dul mɨɨ, nǝtǝm nyiyo mǝndɨ n bɨlǝngkɛl, jʊ a bwɨɨ n nyǝm daagɔ mǝ jelʌmi jǝbɔ daagɔ mǝ yilomi. Jen jǝ́ nyǝm bɔ daagɔ mǝ jelʌmi jǝbɔ daagɔ mǝ yilom tagɨ.

Maajɨ Bɛtɔ Twamagɨɨ 26:22

Kwaama a tɨka ɨ a ba la nǝn dwiyeni, n jʊ a bwɨ mǝ fɔ mǝ sʊwa dʊʊmɔ lɛ jǝbɔ bɛtɨɨ. Ke bɔ kaa jǝl nǝn kwan mǝ sʊwa lɛɨ. N jʊ nǝbkuwotǝmkǝgagɔ jǝbɔ Musa ja sʊwa gɔ bwɨ bwɨɨ.

Maajɨ Bɛtɔ Twamagɨɨ 22:22

Mʊrkalɨ nǝbɨɨ nyʊwa Bulus lɛ ba la kɛl nɨ. Nǝngɔ jǝ gaba wulongɔ lɛ gɔ, “Jǝ́ jʌ gǝn! Jǝ́ wʊlaka nʊ nɨ jǝbɔ yooligɔ! A bʊm bɔ a maa dʊʊmɨ!”

Maajɨ Bɛtɔ Twamagɨɨ 7:35

“Musa nɨ ja kɔɨ, ja sʊwa gɔ, ‘Nuwo a dǝg ń gɔ ń yǝlam nǝ dʊʊ jǝbɔ nǝ mwatɨtǝm borangɨ?’ N nʊ Kwaama a twam sǝ a yǝlam nǝ dʊʊ jǝbɔ nǝ jǝgtǝm a gola tɨkalɨ bwɛ twama Kwaamaɨ nɨ a nʊng dul gǝnɔ a daa gǝ woi a kʊm bɛ tɨya nɨɨ.

Yohana 9:24

Nǝngɔ nǝbɔ Farisaɨ a yǝla a jo bwɛ nɨ kuli galɨgǝnɨ, ja sʊwa gǝn gɔ, “Sʊwa bɨlǝngkɛl sǝ ń dʊʊl Kwaamagɔ. Nǝn nǝ nyǝm balɨ nɨ a gung ńi n nǝ bwɨlangkɛl.”

Yohana 9:16

Kaam nǝbɔ Farisaɨ gɔ, “Nʊ nɨ a jel bɔ a daagɔ Kwaamaɨ woi, jʊ a bwɨɨ a kɨla bɔ Kum Fǝbtǝmɔ.” Kaamɨ a maa bʌtʌm gɔ, “La maa nyǝn nǝ bwɨlangkɛl dwal maa kanjǝl laatǝm kang nɨ lɛɨ?” Nǝngɔ bʊʊlalɨ jinɔ a beli.

Yohana 7:27

N wɔ bǝ nyǝm daagɔ nʊ nɨ a jelʌmi. Na nǝn Kiristi bɨlǝngǝn a bɛɨ, mɨ nʊ nɨ wo nyǝm daa nɨ lɛ ga jelʌm woi.”

Yohana 1:17

Kwaama a nǝ bǝn diilɔ a kang Musaɨ, a nǝ bǝn lǝmagɔ jǝbɔ bɨlǝngkɛlɔ a kang Yesu Kiristii.

Luka 23:2

Nǝngɔ ja tǝl jǝ tuwo gǝn nɛ gɔ, “Nǝn nya balɨ nɨ kal nǝbɔ lɛ gɔ ka ja nyʊwa lɛ nǝb tǝmɔ. A kaa nǝbɔ gɔ ka ja ywa lɛ Kaisar kemʌn tǝm. Nʊng dul gǝnɔ lɛ gɔ gǝ nǝn Kiristi, fɔlɔ.”

Matta 26:61

a sʊwa ji gɔ, “Balɨ nɨ a sʊwa gɔ gǝ nǝn kwaan gǝ kʌb Kan Kwaaman Kwaamaɨ, sǝ gǝ yǝla gǝ mɔ tʌgo a mʊgɔ kumɔ taal.”

Matta 12:24

Nǝbɔ Farisaɨ a nyʊwa nyɨɨ, nǝngɔ ja sʊwa gɔ, “Nǝn Baalzabul fɔlɔ nǝblaamɨ, a nǝ gǝn kwaan jǝgtǝm nǝblaamɨ.”

Yohana 7:28

Yesu maa mɛlalɨgɔ lɛ a Kan Kwaaman, nǝngɔ a gung diilɔ a sʊwa gɔ, “Jen jǝ́ nyǝm ɨ, jǝ́ nyǝm daagɔ mǝ jelʌm woi. Mǝ bɛ bɔ nǝn fɔlɔn dul mɨ. Nʊ nɨ a twam ɨɨ n nǝ bɨlǝngkɛl, jǝ́ nyǝm gǝn bɔ.

Yohana 9:30

Nǝngɔ balɨ nɨ a jǝla ji gɔ, “Jǝ laatǝm kanga n wo dwiyen! Jǝ́ nyǝm bɔ daagɔ a jelʌmi. N wo a wum mɨ nu!

Ibranii 1:1

Nǝn galɨgǝn, Kwaama a sʊwa tʊgam tʊgalam bǝnɨ kɛl naagɔ a gǝlala, a golantɨnɔ gǝm a lada nǝn dʌmʌn a nyiyo nǝbkuwotǝmkǝgagɨɨ.

Ibranii 1:2

A kumtɨn dɨltǝmɔ gǝmɨ, nǝngɔ a sʊwa bǝn kɛl a daagɔ Bʊla gǝ woi, wʊnɨ a ya gǝn nǝn gɔ nǝ kʊla kanjǝlɔ gwamɨ, wʊnɨ n daa gǝ woi a fwal yooligɨɨ.