Yohana 9:16 - Dadiya NT

¹⁶ Kaam nǝbɔ Farisaɨ gɔ, “Nʊ nɨ a jel bɔ a daagɔ Kwaamaɨ woi, jʊ a bwɨɨ a kɨla bɔ Kum Fǝbtǝmɔ.” Kaamɨ a maa bʌtʌm gɔ, “La maa nyǝn nǝ bwɨlangkɛl dwal maa kanjǝl laatǝm kang nɨ lɛɨ?” Nǝngɔ bʊʊlalɨ jinɔ a beli.

Yohana 9:16 Referans Kwoze

Yohana 10:19

A dul kɛl nɨ Yesu a sʊwa nyɨɨ, nǝngɔ Yahudawagɔ a dɔ gʊbkatǝm a kang bʊtɔ jini.

Yohana 7:43

Nǝngɔ nyiyo nǝbɨɨ a bel a dul Yesui.

Yohana 7:12

A mʊgɔ mʊrkatǝm nɨɨ, nǝbɔ sʊwaka kɛltɨn nɛ a kʊm jin a dul Yesui. Kaamɨ sʊwa lɛ daddad gɔ, “Nǝfili nyan.” Kaamɨ tag sʊwa lɛ gɔ, “Swagtǝm maa nǝbɔ gǝm lɛɨ.”

Yohana 3:2

Kaa kum a bɛ a daagɔ Yesu woi nǝn kum, nǝngɔ a sʊwa gǝn gɔ, “Feyi, nǝn nyǝm mʊ nǝ mɛlalɨ nɨ Kwaama twamɨ. Mɨ nǝn nʊ nɨ maa jǝ laatǝm kang nɨ mʊ maa lɛɨ, na Kwaama mɨ jǝbɔ gɨɨ.”

Matta 12:2

Nǝbɔ Farisaɨ a kuwo nyɨɨ, nǝngɔ ja sʊwa gǝn gɔ, “N wɔ, bɛtɔ mɛlalɨ mʊnɔ maa jʊ nɨ lɛ diilɔ a sʊwa gɔ ka ja maa lɛ nǝn Kum Fǝbtǝmɨ.”

Yohana 15:24

N maa kanjǝl nɨ mɨ nʊ nɨ wo a maaɨ. Na na mǝ maa bɔ kanjǝl nɨɨ, na ja nyǝm bɔ gɔ jʊ jǝ maaɨ, n bwɨlangkɛl. N wɔ kǝngkɔ ja kuwo kanjǝl nɨ mǝ maaɨ, kǝngkɔ ja kɔ ɨ, ja kɔ Tɛtɛ mɨ tag.

Yohana 14:11

Nǝn kwama mǝ sʊwa mǝʊ mǝ na a mʊgɔ Tɛtɛɨ, Tɛtɛ gǝ na a mʊgɔ mɨɨ, jǝ́ nǝ bɨlǝngkɛl a mǝ gǝm. Na mɨ nyɨɨ, jǝ́ nǝ bɨlǝngkɛl a daa mɨ woi a dul kanjǝl laatǝm kang nɨ mǝ maaɨ.

Yohana 9:24

Nǝngɔ nǝbɔ Farisaɨ a yǝla a jo bwɛ nɨ kuli galɨgǝnɨ, ja sʊwa gǝn gɔ, “Sʊwa bɨlǝngkɛl sǝ ń dʊʊl Kwaamagɔ. Nǝn nǝ nyǝm balɨ nɨ a gung ńi n nǝ bwɨlangkɛl.”

Yohana 6:52

Nǝngɔ Yahudawagɔ a tǝl bǝngkatǝmɔ nǝn diil a kʊm jini, jǝ sʊwa lɛ gɔ, “Bwɨ nyǝn nʊ nɨ dwal nǝ bǝn nam bʊtɔ gǝnɔ lɛ bǝ woi?”

Yohana 5:36

“Mǝ nǝngǝn nǝn nǝtǝm nyiyo a dul mɨ, wʊnɨ a laa a nɨ Yohana a nǝ a dul mɨɨ. Kanjǝl nɨ mǝ maa lɛɨ, wʊnɨ Tɛtɛ mɨ a nɨ ɨ gɔ n maaɨ, n jʊtǝb nɨ a yǝlam nʊngtǝm a dul mɨɨ, a nǝ nyiyo gɔ nǝn Tɛtɛ mɨ a twam ɨ.

Maajɨ Bɛtɔ Twamagɨɨ 14:4

Nǝb tuulɔ gɔ a bel lɔngɔ yo. Kaamɨ gǝ na a gul Yahudawagɨɨ, kaamɨ a gul bɛtɔ twamagɨɨ.

Matta 12:10

Kaa nǝl wo kangɔ a swam swamɨ, nǝngɔ ja bʌ Yesu gɔ, “A diilɔ gǝmɨ, a bʊm nyɔ ja gung nǝl nǝn Kum Fǝbtǝm ka?” Ja bʌ nyɔ, jʊ a bwɨɨ jǝ swɨ lɛ ja ka kɛl gǝnɔ.

Luka 13:14

Nǝl nǝ dʊʊ kan mɛlalɨ nɨ a kala a dul Yesui a kɛl gungtǝm nǝ bɔɔla nɨ nǝn Kum Fǝbtǝmɨ. “A sʊwa nǝbɔ gɔ kumɔ nukun na maatǝm maajɨ. Jǝ́ bɛ ja gung jen a kumtɨn gɔ. Ke bɔ a Kum Fǝbtǝm.”

Yohana 2:11

Wʊnɨ nǝn gɔ jǝ laatǝm kang tɨkǝgagɔ Yesu a tǝl maatǝmɔ a tuulɔ Kana nɨ a tǝm Galilii, wʊnɨ gǝ nʊng dʊʊlǝn gǝnɔ. Bɛtɔ mɛlalɨ gǝnɔ a nǝ bɨlǝngkɛl a daa gǝ woi.

Yohana 5:10

Yahudawagɔ a sʊwa nʊ nɨ ja gungi gɔ, “Dwiyen n Kum Fǝbtǝm. A diilɔ gǝmɨ a bʊm bɔ ń do kʌshen mʊnɔ.”

Yohana 7:23

Na jǝ́ biyo biyo bwɛsǝn gǝm mwɛn nǝn di Kum Fǝbtǝmɨ sǝ jǝ́ bwangtǝn diil Musaɨ, n wɛ a bwɨ jǝ́ maa nabwɨl lɛ jǝbɔ mǝ, mǝ gung bʊtɔ nǝlɨ gwam nǝn di Kum Fǝbtǝmɨ?