Yohana 8:37 - Dadiya NT

³⁷ N nyǝm jǝ́ guu Ibrahimi sul, jǝ́ swɨ lɛ jǝ́ jʌ i, jʊ a bwɨɨ jǝ́ yo bɔ mɛlalɨ mǝndɨ.

Yohana 8:37 Referans Kwoze

1 Korinti 2:14

Nǝb nɨ mɨ nǝn Yʊwaɨ, jǝ kɔ kɔ kanjǝl Yʊwa Kwaamaɨ, jʊ a bwɨɨ n jǝ fʌmʌn a daa ji woi. Mɨsɔ jǝ dwal nyǝmtǝmɔ lɛ, jʊ a bwɨɨ n Yʊwa Kwaamaɨ gǝ fɛta ji lɛɨ.

Roma 9:7

Ke bɔ dʊʊm Ibrahimi gwam n bɛtɔ lɔ gɨɨ, Kwaama a sʊwa gɔ, “N daagɔ Ishaku woi, jǝ kiyo dʊʊm mʊnɔ lɛɨ.”

Yohana 7:1

A gulɔ gǝm Yesu a kɛla a mʊgɔ tǝm Galili. A swɨ bɔ a dɔ a mʊgɔ tǝm Yahudiya, jʊ a bwɨɨ Yahudawa nɨ fʌleni saa lɛ a jʌ gǝn.

Yohana 8:59

Yesu a sʊwa kɛl nɨ nyɨɨ, nǝngɔ ja wɔɔ tatǝnɔ jǝ swɨ lɛ ja mala gǝn ja jʌi. Nǝngɔ Yesu a waam, a jel a bǝla Kan Kwaamanɨ.

Maajɨ Bɛtɔ Twamagɨɨ 13:26

“Kambɔ, dʊʊm Ibrahimi jǝbɔ jen Bʌtʌbɔ nyʊwa taal Kwaamaɨ lɛɨ, n daagɔ bǝn woi ja twam kɛl bʊʊtǝm nɨɨ.

Yohana 8:43

N wɛ bwɨ jǝ́ nyǝm bɔ kɛl mǝndɨɨ? Jʊ a bwɨɨ jǝ́ dwal bɔ nyʊwatǝm mɛlalɨ mǝndɨ.

Yohana 11:53

Jʊ a ta a di gɨɨ ja mʊrkam nyiyo kanga jǝ jʌm Yesu lɛɨ.

Yohana 7:19

Ke bɔ Musa a nǝ jen diili ka? N wɛ a bwɨ mɨ nʊ nɨ wo bwangtǝn diilɔ lɛ a kʊm jeni? N wɛ bwɨ jǝ́ swɨ lɛ jǝ́ jʌ i?”

Yohana 10:31

Nǝngɔ Yahudawagɔ a yǝla tag ja wɔɔ tɛlɔ sǝ jǝ mala gǝn ja jʌi.

Yohana 8:6

Ja bʌ gǝn jʊ nɨ sǝ ja tɛl gǝn, sǝ ja nya gǝn nǝn bwɨlangkɛl nɨ jǝ yɔ lɛ nǝn gɔ a kan borangɨ. Nǝngɔ Yesu a lii, a maa mʊlalɨgɔ a tǝm nǝn bawuli kang gǝnɨ.

Yohana 7:25

Nǝngɔ kaam nǝbɔ Urushalimaɨ a sʊwa gɔ, “Ke bɔ nʊ nɨ jǝ saa lɛ ja jʌi ka?

Yohana 5:44

La jǝ́ nǝ bɨlǝngkɛlɔ nyǝn, na jǝ́ swɨ saatǝm bǝlátǝm a kʊm jen, mɨ jǝ́ saa bǝlátǝm nɨ lɛ jel lɛ a daagɔ Kwaama woi kwaagɔ wini?

Matta 13:15

Jʊ a bwɨɨ nǝl nǝb nɨ a kwam nyɔ, lɔl jinɔ mɨ nyʊwa lɛ, ja kʊmam nu jinɔ. Sǝ ka ja kuwo nǝn nu jin, ja nyʊwa nǝn lɔl jin, ja nyǝm a mʊgɔ nǝl jin, ja yǝla a daa mɨ woi, n gung ji.’

Yohana 8:33

Nǝngɔ ja jǝla gǝn gɔ, “Nǝn nǝn guu Ibrahimi. Nǝn yǝlam bɔ bwɛ jwaalɛ nǝlɨ wo. N wɛ bwɨ mʊ sʊwa mɔʊ nǝn nya nya jǝgtǝmɨ?”

Matta 3:9

Bɛ ka jǝ́ sʊwa lɛ jengɔ, ‘Ibrahim nǝn gɔ nǝn tɛtɛ bǝnɨ.’ Mǝ sʊwa jen nɛ, Kwaama a mʊgɔ kwaan gǝn gung gung Ibrahim gǝm bɛtɔ dwalǝn a mʊgɔ tatǝn nɨ.

Yohana 8:56

Tɛtɛ jen Ibrahim a maa fulotǝm nǝl nyangǝn, jʊ a bwɨɨ kuwo kuwo jol mǝndɨ. A kuwo, a maa fulotǝm nǝl.”

1 Yohana 2:14

Mǝ mʊla jem lɛ jǝ́ tɛbɔ, jʊ a bwɨɨ jǝ́ nyǝm gǝn wo nǝn tɨkǝga a fwaltǝm yooligɔ gǝm. Mǝ mʊla jem lɛ jǝ́ bayǝlǝmɔ, jʊ a bwɨɨ jen nǝn kwaan, kɛl Kwaamaɨ yǝm a mʊgɔ jen, jǝ́ ku jelʌn a dul nǝ bwɨla nɨ gǝm.