Yohana 7:32 - Dadiya NT

³² Nǝbɔ Farisaɨ a nyʊwa nǝbɔ sʊwa kɛl lɛ daddad a kʊm jin a dul Yesui, nǝngɔ dʊʊm nǝbkǝlamɔ jǝbɔ nǝbɔ Farisaɨ ja twam nǝb tɔɔtǝm Kan Kwaamanɔ gɔ ja ta gǝn.

Yohana 7:32 Referans Kwoze

Maajɨ Bɛtɔ Twamagɨɨ 5:26

Nǝngɔ nǝ dʊʊ nǝb tɔɔtǝm Kan Kwaamanɔ jǝbɔ nǝb dʊʊmɔ ya ja bɛ nǝn bɛtɔ twamagɨɨ. Ja bɛ nǝn ji a jǝlatǝm ji, jʊ a bwɨɨ, jǝ sa lɛ gɔ ka nǝbɔ a jʌbo ji nǝn malatǝm tɛl.

Yohana 18:3

Yahuza a do sʊwajaamtɨnɔ jǝbɔ kaam nǝb dʌngtǝm Kan Kwaamanɔ a daagɔ dʊʊm nǝbkǝlamɔ woi jǝbɔ nǝbɔ Farisaɨ. Ja bɛ a daagɔ nǝn kʊʊnɨ kǝla, jǝbɔ fitilatɨn jǝbɔ kanjǝl tatǝm kun.

Yohana 12:19

Nǝngɔ nǝbɔ Farisaɨ sʊwaka lɛ a bʊtɔ jin gɔ, “Jǝ́ dʌng, mɨ bǝ nya jatǝm kǝga lɛ. N wo yooligɔ gwam bwang gǝm lɛɨ.”

Matta 23:13

“N mwɛ jen, jǝ́ nǝb mɛlalɨ diilɔ jǝbɔ nǝbɔ Farisaɨ, nǝb fento nǝn kwan! Jǝ́ nʊngǝm nyanga dɔtǝm fɔlɔn lɔ Kwaamaɨ a kǝga nǝbɨɨ. Jen tʌjen jǝ́ dɔ bɔ, jǝ́ kaa nǝbɔ swɨ lɛ a dɔɨ, dɔtǝmɔ. [

Matta 12:14

Nǝbɔ Farisaɨ a jel, ja kiyo kɛl a dul gǝn, kanga jǝ jʌm gǝn nɛɨ.

Matta 26:58

Bitrus bwang gǝm lɛ a gul a kʊta, ba la a talɨ lɔngɔ dalɨ nǝkǝlagɔ yɨm lɛɨ. Nǝngɔ a dɔ a gǝla a yɨ wo jǝbɔ nǝb tɔɔtǝm Kan Kwaamanɨ, sǝ gǝ kuwo jʊ bwɨ lɛɨ.

Yohana 7:30

Yesu a sʊwa kɛl nɨɨ, nǝngɔ nǝbɔ saa lɛ sǝ jǝ ta gǝnɨ. Mɨ nʊ nɨ wo a ke gǝnɨ, jʊ a bwɨɨ kwama gǝnɔ a lǝga bɔ a la.

Yohana 11:46

Kaamɨ a shu a daagɔ nǝbɔ Farisaɨ woi, ya ja sʊwa ji jʊ nɨ Yesu a maaɨ.