Yohana 7:31 - Dadiya NT

³¹ Nǝbɔ a lada tag a kʊm nǝbɨɨ a nǝ bɨlǝngkɛl nǝn Yesu, jǝ sʊwa lɛ gɔ, “Nǝn kwama Kiristi bɛm lɛɨ, maa maa kanjǝl laatǝm kang nɨ shu shui a wʊnɨ nʊ nɨ a maaɨ ka?”

Yohana 7:31 Referans Kwoze

Yohana 12:42

A kaa gola, Yahudawagɔ a lada a nǝ bɨlǝngkɛl a daa Yesu woi, nǝb dʊʊm jinɔ wo a mʊgɔ jinɔ gǝm. N nyʊwatǝm taal nǝbɔ Farisaɨ ja sʊwa bɔ gɔ jǝ nǝ bɨlǝngkɛlɨ, kage ja kaa ji yɔtǝmɔ a kan mɛlalɨ.

Matta 12:23

Nǝbɔ gwam a ta kang a nyiyo gɔ, “Nʊ nɨ nǝn bʊla Daudaɨ ka?”

Maajɨ Bɛtɔ Twamagɨɨ 8:13

Saminu nǝn kang gǝn a nǝ bɨlǝngkɛl, ja yʊ gǝn mwɛ sagsagɔ. Nǝngɔ a mʊrka dul jǝbɔ Filibusi. A kuwo Filibus maa daltɔ kanjǝl laatǝm kang lɛɨ, nǝngɔ a ta kang a nyiyoi.

Yohana 11:45

Yahudawagɔ a lada nyɔ wʊnɨ ja bɛ yaltǝm Maryamui, ja kuwo jʊ nɨ Yesu a maaɨ, nǝngɔ ja nǝ bɨlǝngkɛl a daa gǝ woi.

Yohana 9:16

Kaam nǝbɔ Farisaɨ gɔ, “Nʊ nɨ a jel bɔ a daagɔ Kwaamaɨ woi, jʊ a bwɨɨ a kɨla bɔ Kum Fǝbtǝmɔ.” Kaamɨ a maa bʌtʌm gɔ, “La maa nyǝn nǝ bwɨlangkɛl dwal maa kanjǝl laatǝm kang nɨ lɛɨ?” Nǝngɔ bʊʊlalɨ jinɔ a beli.

Yakubu 2:26

Kanga bʊtɔ nǝlɨ mɨ nǝn kʊlɨ n bʌlʌni, nǝtǝm bɨlǝngkɛl nɨ mɨ nǝn maajɨ nyantɨnɨ, gǝ na na bʌlʌn.

Yohana 12:11

Jʊ a bwɨɨ, n kɛl dul Liazarui, Yahudawagɔ a lada nyɔ jǝ wʊlaka lɛ jǝbɔ dʊʊm nǝbkǝlamɔ, jǝ nǝ bɨlǝngkɛl lɛ a daa Yesu woi.

Yohana 6:2

Nǝbɔ a lada nyɔ na a bwang gǝmɨ, jʊ a bwɨɨ, ja kuwo jǝ laatǝm kang nɨ gǝ maa nǝb bɔɔlamɔ gǝm lɛɨ.

Yohana 4:39

Nǝbɔ Samariyaɨ a lada a tuulɔ gɔ ja nǝ bɨlǝngkɛl a daagɔ Yesu woi, a dul kɛlɔ nɔɔlɨ a sʊwa ji gɔ, “A sʊwa ɨ kanjǝl nɨ gwam mǝ maa woi.”

Yohana 3:2

Kaa kum a bɛ a daagɔ Yesu woi nǝn kum, nǝngɔ a sʊwa gǝn gɔ, “Feyi, nǝn nyǝm mʊ nǝ mɛlalɨ nɨ Kwaama twamɨ. Mɨ nǝn nʊ nɨ maa jǝ laatǝm kang nɨ mʊ maa lɛɨ, na Kwaama mɨ jǝbɔ gɨɨ.”

Yohana 2:11

Wʊnɨ nǝn gɔ jǝ laatǝm kang tɨkǝgagɔ Yesu a tǝl maatǝmɔ a tuulɔ Kana nɨ a tǝm Galilii, wʊnɨ gǝ nʊng dʊʊlǝn gǝnɔ. Bɛtɔ mɛlalɨ gǝnɔ a nǝ bɨlǝngkɛl a daa gǝ woi.

Luka 8:13

Dʊʊm nɨ a tǝla a daa tatǝnɨ, n nǝbɔ gǝ yo kɛl Kwaamaɨ lɛ nǝn fulotǝm nǝlɨ. Na ja nyʊwaɨ, mɨ ji nǝn nʌl. Jǝ nǝ bɨlǝngkɛlɔ nǝn dǝm nyɔ. Na ja tɛl jii, mɨ jǝ tɨm bǝlatǝm kɛl Kwaamaɨ lɛ.

Yohana 4:29

“Jǝ́ bɛ ba jǝ́ kuwo nʊ nɨ a sʊwa ɨ kanjǝl nɨ gwam mǝ maa woi! Kɛna nǝn gɔ nǝn Kiristii?”

Yohana 7:26

N wɔ sʊwa kɛlɔ lɛ a talɨ. Ja maa gǝm bɔ kaa jǝl. Jǝ́ kuwo lɛ nǝb dʊʊmɔ a nyǝm dangǝn gɔ nǝn gɔ nǝn Kiristi ka?