Yohana 7:30 - Dadiya NT

³⁰ Yesu a sʊwa kɛl nɨɨ, nǝngɔ nǝbɔ saa lɛ sǝ jǝ ta gǝnɨ. Mɨ nʊ nɨ wo a ke gǝnɨ, jʊ a bwɨɨ kwama gǝnɔ a lǝga bɔ a la.

Yohana 7:30 Referans Kwoze

Yohana 10:39

Jǝ swɨ lɛ ja ta gǝn tag, nǝngɔ a mwal a bʊʊ jimi.

Yohana 8:20

Yesu a sʊwa kɛl nɨ nǝn kwama maam mɛlalɨ lɛ nǝn dɔɔm a gwanga daa nɨ jǝ yam kemʌn nɛ a Kan Kwaamanɨ. Mɨ nʊ nɨ a ta gǝnɨ, jʊ a bwɨɨ kwama gǝnɔ a la bɔ dɨn.

Yohana 7:6

Nǝngɔ Yesu a sʊwa ji gɔ, “Kwama mǝndɨ a lǝga bɔ a la dɨn. A daa jen woi, kwamagɔ pʌd dǝngdǝng.

Yohana 7:32

Nǝbɔ Farisaɨ a nyʊwa nǝbɔ sʊwa kɛl lɛ daddad a kʊm jin a dul Yesui, nǝngɔ dʊʊm nǝbkǝlamɔ jǝbɔ nǝbɔ Farisaɨ ja twam nǝb tɔɔtǝm Kan Kwaamanɔ gɔ ja ta gǝn.

Yohana 11:57

Ja bʌ jʊ nɨ, jʊ a bwɨɨ dʊʊm nǝbkǝlamɔ jǝbɔ nǝbɔ Farisaɨ ja kwɛl ja ga diil gɔ gwam nʊ nɨ a nyǝm daagɔ Yesu woi, a bɛ ba sʊwa ji, sǝ jǝ ta gǝn.

Yohana 9:4

A yǝlam nyɔ, bǝ ja ja kǝga nǝn maajɨ nʊ nɨ a twam ɨ, nǝn tangǝn kɔkɔ gǝn. Kumɔ bɛ lɛ wo, a kwama gɔ mɨ nʊ nɨ dwal maatǝm maajɨ lɛɨ.

Yohana 8:59

Yesu a sʊwa kɛl nɨ nyɨɨ, nǝngɔ ja wɔɔ tatǝnɔ jǝ swɨ lɛ ja mala gǝn ja jʌi. Nǝngɔ Yesu a waam, a jel a bǝla Kan Kwaamanɨ.

Yohana 8:37

N nyǝm jǝ́ guu Ibrahimi sul, jǝ́ swɨ lɛ jǝ́ jʌ i, jʊ a bwɨɨ jǝ́ yo bɔ mɛlalɨ mǝndɨ.

Yohana 7:19

Ke bɔ Musa a nǝ jen diili ka? N wɛ a bwɨ mɨ nʊ nɨ wo bwangtǝn diilɔ lɛ a kʊm jeni? N wɛ bwɨ jǝ́ swɨ lɛ jǝ́ jʌ i?”

Yohana 7:8

Jǝ́ yɔ dikulomɔ. Mɨsɔ mǝ shu dikulomɔ lɛ kǝngkɔ, jʊ a bwɨɨ kwama mǝndɨ a lǝga bɔ a la dɨn.”

Luka 22:53

Kwangkwang mǝ dakini nǝbɔ jen a Kan Kwaaman, jǝ́ ta ɨ bɔ. Wʊnɨ n kwama jen, n kwama maajɨ fɔlɔn kumtojili.”

Luka 20:19

Nǝb mɛlalɨ diilɔ jǝbɔ dʊʊm nǝbkǝlamɔ ja nyǝm Yesu a sʊwa mʊsǝn kɛl nɨ a dul jini, n jʊ a bwɨ jǝ swɨ lɛ ja ta Yesu tʌgo a kangɨ. Ja ta gǝn bɔ jʊ a bwɨɨ jǝ nyʊwa taal nǝbɨɨ lɛ.

Markus 11:18

Dʊʊm nǝbkǝlamɔ jǝbɔ nǝb mɛlalɨ diilɔ ja nyʊwa kɛl nɨɨ, nǝngɔ ja tǝl saatǝm gola nɨ jǝ jʌm gǝn nɛɨ, jǝ nyʊwa taal gǝnɔ lɛ, jʊ a bwɨɨ nǝb nɨ gwam a mʊrkaɨ ja ta kang a nyiyo nǝn mɛlatǝm gǝnɔ.

Matta 21:46

Jǝ swɨ lɛ ja ta gǝn sul, jǝ nyʊwa taal nǝbɨɨ lɛ, jʊ a bwɨɨ nǝbɔ a do gǝn gɔ n nǝkuwotǝmkǝga.

Yohana 10:31

Nǝngɔ Yahudawagɔ a yǝla tag ja wɔɔ tɛlɔ sǝ jǝ mala gǝn ja jʌi.

Matta 12:14

Nǝbɔ Farisaɨ a jel, ja kiyo kɛl a dul gǝn, kanga jǝ jʌm gǝn nɛɨ.