Yohana 7:28 - Dadiya NT

²⁸ Yesu maa mɛlalɨgɔ lɛ a Kan Kwaaman, nǝngɔ a gung diilɔ a sʊwa gɔ, “Jen jǝ́ nyǝm ɨ, jǝ́ nyǝm daagɔ mǝ jelʌm woi. Mǝ bɛ bɔ nǝn fɔlɔn dul mɨ. Nʊ nɨ a twam ɨɨ n nǝ bɨlǝngkɛl, jǝ́ nyǝm gǝn bɔ.

Yohana 7:28 Referans Kwoze

Yohana 8:42

Yesu a sʊwa ji gɔ, “Na na Kwaama nǝn Tɨya jeni, na jǝ́ swɨ ɨ lɛ, jʊ a bwɨɨ mǝ jel a daa gǝ woi, kǝngkɔ mǝ wɔ. Ke bɔ mǝ mǝ bɛ nǝn kang mɨɨ. Nǝn Kwaama a twam ɨɨ.

Yohana 8:19

Nǝngɔ ja bʌ gɔ, “Tɛtɛ mɔ gǝ na a fee?” Yesu a jǝla ji gɔ, “Jǝ́ nyǝm ɨ bɔ. Jǝ́ nyǝm bɔ Tɛtɛ mɨ. Na na jǝ́ nyǝm ɨɨ, na jǝ́ nyǝm tɛtɛ mɨ tag.”

Yohana 8:26

Mǝ nǝn kanjǝl nɨ a lada mǝ sʊwa lɛ a dul jeni, sǝ n maa jem borang nǝn. Nʊ nɨ a twam ɨɨ n nǝ bɨlǝngkɛl. Jʊ mǝ nyʊwa a daa gǝ woi jʊ mǝ sʊwa yooligɔ lɛɨ.”

Yohana 8:14

Yesu a jǝla ji gɔ, “Na n nǝ nyiyo a dul mɨɨ, nǝtǝm nyiyo mǝndɨ n bɨlǝngkɛl, jʊ a bwɨɨ n nyǝm daagɔ mǝ jelʌmi jǝbɔ daagɔ mǝ yilomi. Jen jǝ́ nyǝm bɔ daagɔ mǝ jelʌmi jǝbɔ daagɔ mǝ yilom tagɨ.

Yohana 17:3

Kʊlɨ nɨ mɨ dɨtǝm woi sǝ nǝbɔ a nyǝm ń, nǝmɔ mʊ Kwaama mʊ nǝ bɨlǝngkɛl kwaamɔ wini, jǝbɔ Yesu Kiristi nɨ mʊ twamɨ.

Yohana 12:49

Kanjǝl nɨ mǝ mɛla jem lɛɨ, ke bɔ a daa mǝ woi. Tɛtɛ mɨ nɨ a twam ɨɨ, nǝn gɔ a nɨ ɨ diil nɨ gwam mǝ sʊwa lɛ, mǝ kiyo lɛɨ.

Yohana 5:43

Mǝ bɛ a mʊgɔ dun Tɛtɛ mɨɨ, jǝ́ yo i bɔ. Na kaa nǝl a bɛ a mʊgɔ dun gǝnɨ, jǝ́ yo gǝn yo.

Matta 11:27

“Kanjǝlɔ gwam Tɛtɛ mɨ a nɨ ɨ nɨ ɨɨ. Mɨ nǝn nʊ nɨ a nyǝm Bwɛɨ, na ke bɔ Tɛ bwɛɨ. Mɨ nǝn nʊ nɨ a nyǝm Tɛ bwɛɨ, na ke bɔ Bwɛɨ jǝbɔ nʊ nɨ Bwɛ swɨ lɛ a fɛta ji ja nyǝm Tɛ bwɛɨ.

1 Yohana 5:10

Gwam nʊ nɨ a nǝ bɨlǝngkɛl nǝn Bʊla Kwaamaɨ, nǝngǝn nǝn nǝtǝm nyiyo nɨ bɛ lɛ a daagɔ Kwaama woi a nǝl gǝn. Gwam nʊ nɨ a nǝ bɔ bɨlǝngkɛlɨ, a do Kwaama n nǝ gabakɛl, jʊ a bwɨɨ, ga nǝ bɔ bɨlǝngkɛl a nǝtǝm nyiyo Kwaamaɨ a maa Bʊla gɔ gǝmɨ.

Ibranii 6:18

Kanjǝl nɨ yoi mɨsɔ fʌto lɛ wo, swatǝm yaa jǝbɔ wɛɛlɨ nɨ Kwaama a maaɨ. Mɨsɔ bwɨ lɛ Kwaama a maa gabakɛl. A dul kɛl nɨ, bǝn nɨ bǝ mwala bǝ nya daa wuutǝmɨ bǝ nya kwaan dangǝn, bǝ ta jʊ nɨ bǝ ya nǝl wo a dul gǝn dangǝnɨ.

Titus 1:2

N gola nɨ jǝ́ ya nǝl lɛ a kʊlɨ nɨ mɨ dɨtǝm woi, wʊnɨ Kwaama a maa swatǝm yaa galɨgǝnɨ, gǝ nɨ mɨ gabakɛl wo a daa gǝ woi.

2 Korinti 4:6

Kwaama nɨ a sʊwa gɔ, “Bɛ nyalǝmɔ a won a kʊm kumtojilii,” nǝn gɔ tag a dǝg nyalǝmɔ won nɛ a mʊgɔ nǝl nǝnɨ, sǝ a won nǝbɔ gǝm gwam sǝ ja nyǝm dʊʊlǝn gǝnɔ a kǝga Kiristii.

2 Korinti 1:18

Kanga Kwaama n nǝ yiitǝm swatǝm yaaɨ, kɛl nǝnɔ a daa jen woi n ke bɔ, “Ɔɔ” jǝbɔ “Ɔ ɔ.”

Roma 3:4

Ɔ ɔ mɨ nyɔ! Bɨlǝngǝn Kwaama n Nǝ dǝngdǝng, mɨ nyǝmatǝm wo. Nǝbɔ gwam n nǝb gabakɛl. Kanga a mʊla mʊlaɨ gɔ, “Na ń sʊwa kɛlɨ, jǝ nya n bɨlǝngǝn, mʊ ja ja kɛl mʊnɔ na ja yɔ nǝn mɔ a kan borangɨ.”

Roma 1:28

Kanga ja kɔ jǝlatǝm nyǝmtǝm Kwaamaɨ, Kwaama a bǝla ji nǝn bʊʊlalɨ bwɨla jinɔ, sǝ ja maa jǝ gunidul.

Maajɨ Bɛtɔ Twamagɨɨ 17:23

Kwama mǝ kɛlam lɛ a mʊgɔ tuulɔ nɨɨ, n dʌng kanjǝl nɨ jǝ́ maa gǝm bǝlátǝm lɛɨ. N kuwo daa twɨtǝm yulʌn wʊnɨ ja mʊla a dʌbʌl gǝn gɔ, ‘kwaama nɨ bə nyəm bɨɨ.’ Nʊ nɨ nǝn gɔ jǝ́ maa gǝm bǝlátǝm lɛ jǝ́ nyǝm bɨɨ, nǝn gɔ nʊ mǝ sʊwa jen nɛɨ.

Yohana 17:25

“Tɛtɛ, nǝ dǝngdǝng, yooligɔ a nyǝm ń bɔ, mǝ, n nyǝm ń, nǝb nɨ a nyǝm nǝmɔ mʊ twam ɨɨ.

Yohana 16:3

Nǝbɔ maa jem maa jʊ nɨ, jʊ a bwɨɨ ja nyǝm bɔ Kwaamagɔ, ja nyǝm ɨ bɔ.

Yohana 14:31

Mǝ maa jʊ nɨ lɛ Tɛtɛ a sʊwa ɨ gɔ n maaɨ dǝngdǝng, sǝ yooligɔ a nyǝm mǝ swɨ Tɛtɛ lɛ. “Jǝ́ gun, bǝ bǝla daa nɨ.

Yohana 14:10

Mʊ nǝ bɔ bɨlǝngkɛl mɔʊ mǝ na a mʊgɔ Tɛ bwɛɨ, Tɛ bwɛ gǝn na a mʊgɔ mɨɨ ka? Kɛl nɨ mǝ sʊwa jen nɛɨ, ke bɔ fɔlɔn dul mɨ. Tɛ bwɛ nɨ a mʊgɔ mɨɨ, nǝn gɔ maa maajɨ gǝnɔ lɛɨ.

Yohana 10:36

N wɛ a bwɨ jǝ́ sʊwa jengɔ n soga Kwaama a kwama mǝ sʊwa mǝʊ mǝ nǝn bʊla Kwaamaɨ? Nǝn Tɛtɛ a jǝg ɨ a kɛl dul maajɨ nɨɨ. Nǝn gɔ tag a twam ɨ a yoolii.

Yohana 8:16

Na mǝ biyo biyo borangɨ, biyotǝm borang mǝndɨ n dǝngdǝng. Jʊ a bwɨɨ ke bɔ mǝ kwaamɨ mǝ maa lɛɨ, mǝ maa nǝbɔ Tɛtɛ mɨ nɨ a twam ɨɨ.

Yohana 5:32

Kaa nǝl wo nǝ nyiyo lɛ a dul mɨ. N nyǝm nǝtǝm nyiyo gǝnɔ a dul mɨɨ n bɨlǝngǝn.

Yohana 3:33

Na nʊ nɨ a yo kɛl nɨɨ, a nʊng gɔ Kwaama n nǝ bɨlǝngkɛl.

Yohana 3:2

Kaa kum a bɛ a daagɔ Yesu woi nǝn kum, nǝngɔ a sʊwa gǝn gɔ, “Feyi, nǝn nyǝm mʊ nǝ mɛlalɨ nɨ Kwaama twamɨ. Mɨ nǝn nʊ nɨ maa jǝ laatǝm kang nɨ mʊ maa lɛɨ, na Kwaama mɨ jǝbɔ gɨɨ.”

Yohana 1:46

Nǝngɔ Nataniyel a bʌ gǝn gɔ, “Mʊ kuwo lɛ jǝ nyan jel jel a Nazarat ka?” Nǝngɔ Filibus a sʊwa gǝn gɔ, “Bɛ ba kuwo.”

Luka 10:22

“Kanjǝlɔ gwam Tɛtɛ mɨ a nɨ ɨ nɨ ɨɨ. Mɨ nǝn nʊ nɨ a nyǝm Bwɛɨ, na ke bɔ Tɛ bwɛɨ. Mɨ nǝn nʊ nɨ a nyǝm Tɛ bwɛɨ, na ke bɔ Bwɛɨ jǝbɔ nʊ nɨ Bwɛ swɨ lɛ a fɛta ji ja nyǝm Tɛ bwɛɨ.”

Luka 2:51

A bwanga jǝbɔ ji ja yǝla a Nazarat dakini. Yesu bwangtǝn kɛl jinɔ lɛ. Nɛnɛ gɔ a ya kanjǝl nɨ gwam a nǝl gǝn.

Luka 2:39

Kwama nɨ ja dɨm kanjǝl nɨ jǝ maa gǝm lɛɨ kanga diil Tɛlalɔɨ a nʊng jii, nǝngɔ ja yǝla a lɔ ji a tuulɔ Nazarat nɨ a tǝm Galilii.

Luka 2:11

Dwiyen a mʊgɔ tuulɔ Daudaɨ ja bʌ jem Nǝbʊʊlɨ, nǝn gǝ nǝn Kiristi, Tɛlalɔ.

Luka 2:4

Yusufu tǝgǝn a gun a tuulɔ Nazarat a Galili, a shu tuulɔ Daudaɨ nɨ a Yahudiyaɨ wʊnɨ jǝ jo lɛ gɔ Baitalamii, a daa nǝbam gǝnɔ a jelʌmi,

Matta 2:23

A shu ya yɨ nǝn gɔ a kaa tuulɔ nɨ jǝ jo lɛ gɔ Nazaratɨ, sǝ a yii jʊ ja sʊwa a nyiyo nǝbkuwotǝmkǝgagɨɨ gɔ, “Jǝ jo gǝn gɔ Bwɛ Nazarat.”

Yohana 7:14

Kwama ja lam tɨbǝl dikulomi, nǝngɔ Yesu a dɔ mʊgɔ Kan Kwaamanɔ a tǝl mɛlatǝmɨ.

Matta 26:55

Nǝngɔ Yesu a bʌ mʊrkalɨ nǝbɨɨ gɔ, “N wɛ a bwɨ jǝ́ bɛ lɛ nǝn gulʌntɨn jǝbɔ dwamtɨn sǝ ba jǝ́ ta ɨɨ? Kwangkwang mǝ yɨ yɨ a talɨ Kan Kwaaman mǝ maa mɛlalɨ lɛ wo, jǝ́ ta ɨ bɔ.

Yohana 6:42

Nǝngɔ ja sʊwa gɔ, “Bwɛ nɨ ke bɔ Yesu bʊla Yusufui, wʊnɨ bǝ nyǝm nɛnɛ gɔ jǝbɔ tɛtɛ gɨɨ ka? A la a maa nyǝn sʊwa lɛ gɔ, ‘Mǝ gǝla a dʌbʌli?’ ”

Yohana 9:29

Nǝn, nǝn nyǝm Kwaama a sʊwa kɛl jǝbɔ Musa. A balɨ nɨɨ, nǝ nyǝm bɔ daagɔ a jelʌmi.”