Yohana 6:35 - Dadiya NT

³⁵ Nǝngɔ Yesu a jǝla ji gɔ, “Nǝmǝ mǝ jǝjalǝn kʊlɨgɨɨ. Nʊ nɨ a bɛ daa mǝ woi, mɨsɔ nyʊwa jʊwan nɛ wo. Nʊ nɨ a nǝ bɨlǝngkɛl a daa mǝ woi, mɨsɔ yǝla lɛ a nyʊwa diil mwɛn wo tag.

Yohana 6:35 Referans Kwoze

Dʊgam Nyangnyang 22:17

Yʊwagɔ jǝbɔ nɔɔgwaalɨgɔ a sʊwa gɔ, “Bɛ!” Nǝb nɨ gwam a nyʊwaɨ, bɛ ja sʊwa gɔ, “Bɛ!” Nǝb nɨ gwam nyʊwa diil mwɛ lɛɨ, bɛ ja bɛ. Nǝb nɨ swɨ mwɛ kʊlɨgɔ lɛɨ, ba ja yo lǝma mwɛ kʊlɨgɔ.

Yohana 6:41

Nǝngɔ Yahudawagɔ a maa kʊngatǝm a dul Yesui, jʊ a bwɨɨ, a sʊwa gɔ, “Nǝmǝ mǝ jǝjalǝn nɨ a gǝla a dʌbʌli.”

Dʊgam Nyangnyang 7:16

Mɨsɔ jǝ nyʊwa jʊwan nɛ tag, mɨsɔ jǝ nyʊwa diil mwɛ lɛ wo tag. Mɨsɔ kɔkɔ ga dul jinɔ lɛ, mɨ kaa twɨtǝm kɔkɔ wo.

Yohana 6:37

Pʌd nʊ nɨ Tɛtɛ a nɨ ɨɨ, jǝ bɛ bɛ a daa mɨ woi. Nʊ nɨ a bɛ a daa mǝ woi, mɨsɔ mǝ kaa gǝn nɛ.

Matta 11:28

“Jǝ́ bɛ a daa mɨ woi gwam jǝ́ nǝb nɨ jǝ́ dɔta lɛ, jǝ́ gʌ lɛ nǝn kʊlǝn nɨ a tuu tuui a dul jeni, mǝ nǝ jen nǝ fǝbtǝm.

Luka 6:25

N mwɛ jen, jen nɨ jǝ́ boba kǝngkɨɨ, jǝ́ nyʊwa nyʊwa jʊwan. N mwɛ jen, jen nɨ jǝ́ dǝg dǝgɨ lɛ kǝngkɨɨ, jǝ́ ji ji wi bwaa nǝn mwɛ num!

Yohana 6:65

Nǝngɔ Yesu a sʊtǝn sʊwatǝmɔ gɔ, “N jʊ a bwɨ mǝ sʊwa jen nɛ mǝʊ, ‘Mɨ nʊ nɨ wo dwal lɛ a bɛ a daa mǝ woi, na Tɛtɛ a jǝla gǝm bɨɨ.’ ”

Yohana 5:40

Jǝ́ kɔ bɛtǝmɔ a daa mɨ woi sǝ jǝ́ nya kʊlɨ.

Yohana 4:15

Nǝngɔ nɔɔlɨ nɨ gɔ, “Nǝ dʊʊ, nɨ ɨ mwɛ gɔ, kage n yǝla n nyʊwa kaa diil mwɛ wo tag, mɨsɔ mǝ yǝla lɛ ba n tʊwa mwɛ fɔ tag.”