Yohana 5:36 - Dadiya NT

³⁶ “Mǝ nǝngǝn nǝn nǝtǝm nyiyo a dul mɨ, wʊnɨ a laa a nɨ Yohana a nǝ a dul mɨɨ. Kanjǝl nɨ mǝ maa lɛɨ, wʊnɨ Tɛtɛ mɨ a nɨ ɨ gɔ n maaɨ, n jʊtǝb nɨ a yǝlam nʊngtǝm a dul mɨɨ, a nǝ nyiyo gɔ nǝn Tɛtɛ mɨ a twam ɨ.

Yohana 5:36 Referans Kwoze

Yohana 10:25

Yesu a jǝla ji gɔ, “N kwɛl n sʊwa jen, jǝ́ nǝ bɔ bɨlǝngkɛl. Kanjǝl laatǝm kang nɨ mǝ maa lɛ a mʊgɔ dun Tɛtɛ mɨɨ, nǝn gɔ nʊng lɛ mǝ nǝn nuwoi.

Yohana 15:24

N maa kanjǝl nɨ mɨ nʊ nɨ wo a maaɨ. Na na mǝ maa bɔ kanjǝl nɨɨ, na ja nyǝm bɔ gɔ jʊ jǝ maaɨ, n bwɨlangkɛl. N wɔ kǝngkɔ ja kuwo kanjǝl nɨ mǝ maaɨ, kǝngkɔ ja kɔ ɨ, ja kɔ Tɛtɛ mɨ tag.

Yohana 2:23

Nǝn kwama Yesu a mʊgɔ Urushalimaɨ a di Dikulom Yabtǝmɨ, nǝbɔ a lada a nǝ bɨlǝngkɛl a daa gǝ woi a dul kanjǝl laatǝm kang nɨ ga maa a nu jini.

1 Yohana 5:9

Kanga bǝ jǝla nǝn nǝtǝm nyiyo nǝbɨɨ, bɛ bǝ jǝla nǝn nǝtǝm nyiyo Kwaamaɨ, nǝtǝm nyiyo Kwaamaɨ a laa kwaan. Nǝn gɔ n nǝtǝm nyiyo a kanjǝl nɨ gǝm a dul Bʊla gɨɨ.

Yohana 3:2

Kaa kum a bɛ a daagɔ Yesu woi nǝn kum, nǝngɔ a sʊwa gǝn gɔ, “Feyi, nǝn nyǝm mʊ nǝ mɛlalɨ nɨ Kwaama twamɨ. Mɨ nǝn nʊ nɨ maa jǝ laatǝm kang nɨ mʊ maa lɛɨ, na Kwaama mɨ jǝbɔ gɨɨ.”

Yohana 3:17

Kwaama a twam bɔ Bʊla gɔ a yooli nɨ sǝ a mwatɨ yooli nɨ gǝm borang. A twam gǝn sǝ a bʊʊ nǝn yooligɔ a gola gǝn.

Matta 11:4

Yesu a jǝla ji gɔ, “Ya jǝ́ sʊwa Yohana jʊ jǝ́ kuwo, jǝ́ nyʊwaɨ.

Maajɨ Bɛtɔ Twamagɨɨ 2:22

“Jǝ́ kɛtǝlam mɨ nǝbɔ Israilaɨ, jǝ́ nyʊwa kɛl nɨ. Yesu Bwɛ Nazarat nǝn gɔ nʊ nɨ Kwaama a nʊng gɔ nǝn gɔ gǝ jǝla nǝn gɨɨ. Kwaama a nʊng jʊ nɨ a kanjǝl laatǝm kang, jǝbɔ kanjǝl tatǝm kang a nyiyo, jǝbɔ kanjǝl nʊngtǝm wʊnɨ ga maa a gola Yesui a kʊm jeni, kanga jen tʌjen jǝ́ nyǝmɨ.

Yohana 5:32

Kaa nǝl wo nǝ nyiyo lɛ a dul mɨ. N nyǝm nǝtǝm nyiyo gǝnɔ a dul mɨɨ n bɨlǝngǝn.

Yohana 4:34

Yesu gɔ, “Jǝjalǝn mǝndɨ nǝn gɔ sǝ n maa jʊ nɨ nʊ nɨ a twam ɨɨ swɨ lɛ gɔ n maaɨ, sǝ n tagǝm maatǝm maajɨ gǝnɔ.

Yohana 17:4

N dʊʊl ń a yooli nǝn yiitǝm maajɨ nɨ mʊ nɨ ɨ mɔʊ n maaɨ.

Yohana 11:37

Kaamɨ a kʊm ji a sʊwa gɔ, “A wum nu kuligɨɨ, n wɛ bwɨ mɨsɔ gǝ maa kaa jǝl lɛɨ, wʊnɨ balɨ nɨ mɨsɔ bʊla lɛɨ?”

Luka 2:49

Nǝngɔ a bʌ ji gɔ, “N wɛ a bwɨ jǝ́ saa ɨ lɛɨ? Jǝ́ nyǝm bɔ a yǝlam nyɔ n na a lɔ Tɛtɛ mɨɨ ka?”