Yohana 5:19 - Dadiya NT

¹⁹ Nǝngɔ Yesu a jǝla ji gɔ, “N bɨlǝngkɛl mǝ sʊwa jen nɛɨ, Bwɛ mɨ gɔ maa jǝl lɛ kwaagɔ. Gǝ maa jʊ ga kuwo Tɛ bwɛ maa lɛɨ. Jʊ a bwɨɨ gwam jʊ nɨ Tɛ bwɛ maa lɛɨ, n jʊ Bwɛ maa lɛɨ.

Yohana 5:19 Referans Kwoze

Yohana 12:49

Kanjǝl nɨ mǝ mɛla jem lɛɨ, ke bɔ a daa mǝ woi. Tɛtɛ mɨ nɨ a twam ɨɨ, nǝn gɔ a nɨ ɨ diil nɨ gwam mǝ sʊwa lɛ, mǝ kiyo lɛɨ.

Yohana 8:28

N jʊ a bwɨ Yesu a sʊwa ji gɔ, “Nǝn kwama jǝ́ gung Bʊla Nǝlɨ lɛɨ a dʌbʌl tɨyaɨ, n kwama jǝ́ nyǝm lɛ nǝmǝ mǝ nʊ nɨ mǝ sʊwa jen mǝʊ nǝmɨɨ. Jǝ́ nyǝm nyǝm jengɔ kanjǝlɔ mǝ maa lɛɨ, ke bɔ nǝn fɔlɔn mɨ. Mǝ sʊwa jʊ nɨ Tɛtɛ a mɛla mɨɨ.

Yohana 14:10

Mʊ nǝ bɔ bɨlǝngkɛl mɔʊ mǝ na a mʊgɔ Tɛ bwɛɨ, Tɛ bwɛ gǝn na a mʊgɔ mɨɨ ka? Kɛl nɨ mǝ sʊwa jen nɛɨ, ke bɔ fɔlɔn dul mɨ. Tɛ bwɛ nɨ a mʊgɔ mɨɨ, nǝn gɔ maa maajɨ gǝnɔ lɛɨ.

Yohana 10:18

Mɨ nʊ nɨ wo do mɨ kʊlɨ lɛɨ. Nǝmǝ nǝn kang mɨ mǝ nǝ lɛɨ. Mǝ nǝn fɔlɔn nɨ mǝ nǝ lɛɨ. Mǝ nǝn fɔlɔn nɨ mǝ do lɛ tagɨ. N diilɔ Tɛtɛ mɨ a sʊwa ɨ gɔ n maaɨ.”

Roma 8:11

Na Yʊwa nɨ a gung Yesu a bwaaɨ yǝm a nǝl jeni, nʊ nɨ a gung Kiristi Yesu a bwaaɨ fulo fulo nǝn bʊtɔ jenɔ nɨ n bwaaɨ, a gola Yʊwa gǝnɔ nɨ yǝm a nǝl jeni.

Yohana 9:4

A yǝlam nyɔ, bǝ ja ja kǝga nǝn maajɨ nʊ nɨ a twam ɨ, nǝn tangǝn kɔkɔ gǝn. Kumɔ bɛ lɛ wo, a kwama gɔ mɨ nʊ nɨ dwal maatǝm maajɨ lɛɨ.

Luka 21:15

Mǝ nǝ jen nǝ kɛlɔ jǝbɔ yʊlanɔ jǝ́ kʌshi dul jenɔ lɛ nǝnɨ, sǝ a yǝlam mɨ nǝ kii jenɔ nɨ wo nya gola tuwol jenɔ lɛɨ.

Yohana 5:21

Kanga Tɛ bwɛ gǝ gung bʌlʌnɔ lɛ nǝn kʊlɨɨ, gǝ na nyɔ Bwɛ nǝ nǝ kʊlɨ a nʊ nɨ gwam a swɨɨ.

2 Korinti 5:10

Gwam bǝnɔ bǝ tɨ tɨ a kǝga Kiristii sǝ a maa bǝm borang, sǝ bǝ nya ywatǝm maajɨgɔ bǝ maaɨ, nǝn kwama bǝn a mʊgɔ bʊtɔ nɨɨ, kɛna na a nyaɨ, kɛna ke bɔ a nyaɨ.

Yohana 3:3

Nǝngɔ Yesu a sʊwa gǝn gɔ, “N bɨlǝngkɛl mǝ sʊwa ń nɛɨ, mɨ nǝn nʊ nɨ kuwo fɔlɔn lɔ Kwaamaɨ lɛ, na ja yǝla bɔ ja bʌ gǝn tʌgoi.”

Dʊgam Nyangnyang 2:23

Mǝ jʌbo jʌbo bɛtɔ lɔ gɨɨ, dɨsɔ daatɨn mʊrkalɨ nǝb bwangtǝm Kwaamaɨ ja nyǝm gɔ, nǝmǝ mǝ sǝb nǝlɔ lɛɨ jǝbɔ bʊʊlalɨ jini. Mǝ ywa ywa maajɨ jenɔ dǝngdǝng kanga jǝ́ maaɨ.

1 Bitrus 3:18

A Kiristii a bʊla naa win swar, mɨ sʊtǝm wo, sǝ a tʊngǝm bwɨlangkɛltɨn bǝnɔ. Nǝ dǝngdǝngɔ a bʊla a kɛl dul nǝb nɨ ke bɔ nǝb dǝngdǝngɨ, sǝ a yɔ nǝn bǝn a daagɔ Kwaama woi. Ja jʌ gǝn a bʊtɔ, a gung gǝn a Yʊwa.

Kolosii 1:16

N daa gǝ woi Kwaama a fwal kanjǝlɔ gwamɨ, kanjǝl nɨ a dʌbʌli jǝbɔ kanjǝl nɨ a tǝmɨ, kanjǝl nɨ bǝ kuwo lɛɨ, jǝbɔ a wʊnɨ mɨ bǝ kuwo lɛɨ, nǝb nɨ maa fɔlɔn nɛɨ jǝbɔ nǝbɔ nǝn kwaan fɔlɔnɨ. Kanjǝlɔ gwam Kwaama a fwalɨ. A fwal ji a gola gǝn. A fwal ji a kɛl dul gǝn tag.

Filibii 4:13

Mǝ dwal dwal n maa kanjǝlɔ gwam a dul nʊ nɨ nɨ ɨ kwaan nɛɨ.

Filibii 3:21

Nǝn gɔ fʌto bʊtɔ bǝnɔ nɨ lɛ a gɨya gɨyaɨ, sǝ a fʌto nǝn bʊtɔ dʊʊlǝn na gǝnɔ. Maa nyɔ nǝn kwaan gǝnɔ wʊnɨ bɛ lɛ nǝn kanjǝlɔ gwam a fɔlɔn gǝnɨ.

Afisa 3:16

N maa keli mǝʊ a mʊgɔ dʊʊlǝn shilo gǝnɔ gǝm bɛ ga sʊ jem kwaan a gola Yʊwa gǝn a nǝl jen,

Afisa 2:5

A kwama nɨ bǝ bʌlʌntɨn a mʊgɔ bwɨlangkɛl bǝnɔ gǝmɨ, nǝn gɔ a nǝ bǝn kʊlɨ jǝbɔ Kiristii. (N gola lǝma Kwaamaɨ a bʊʊ nǝn bǝnɨ!)

2 Korinti 4:14

Nǝ nyǝm nyɔ Kwaama nɨ a gung Tɛlalɔ Yesu a bwaaɨ, gǝ tǝgǝn gung nǝn gung a gola Yesui. Bɛ bɛ nǝn nǝn jǝbɔ jen a kǝga gǝn.

1 Korinti 15:12

Jǝ kiyo fulon kɛl lǝmɨ Kiristii lɛ gɔ, Kwaama a gung gǝn a bwaaɨ, a maa nyǝn tangǝn jenɔ sʊwa lɛ gɔ, mɨ guntǝm bwaa woi?

Roma 6:4

Ja fʌl bǝn bǝnɔ gɔ a gola yʊtǝm mwɛ sagsag a mʊgɔ bwaa gǝnɔ gǝm, sǝ bǝ yɨ yɨm fɨ kanga ja gung Kiristi a bwaaɨ a gola dʊʊlǝn Tɛtɛɨ.

Maajɨ Bɛtɔ Twamagɨɨ 2:24

Nǝngɔ Kwaama a gung gǝn nǝn kʊlɨɨ, a jǝg gǝn a kwaan bwaagɔ gǝmɨ. Bwaagɔ a dwal bɔ a ta gǝn.

Yohana 2:19

Nǝngɔ Yesu a sʊwa ji gɔ, “Jǝ́ wul Kan Kwaaman nɨ, mǝ gung gung tʌgo a mʊgɔ kumɔ taal.”

1 Tasalonikaɨ 4:14

Kanga bǝ nǝ bɨlǝngkɛl bǝngɔ Yesu a bʊla, a guni, bǝ nǝ bɨlǝngkɛl bǝngɔ nǝbɔ a bʊla a bwangtǝm Yesui, Kwaama yǝla yǝla nǝn ji jǝbɔ gɔ.

Kolosii 1:11

Bɛ Kwaama a kwam jem nǝl nǝn kwaan dʊʊn gǝnɔ, sǝ jǝ́ bwa nǝl, jǝ́ kʊ nǝl nǝn fulotǝm nǝl.

Matta 26:39

A kʊwatǝn nǝn dǝm nyɨɨ, nǝngɔ a gǝla a jʊng, kǝga gǝnɔ a tǝm, a maa keligɨɨ gɔ, “Tɛtɛ mɨ, na daa daa tʌgo dǝngdǝngɨ, dem mɨ kʌshi gaalan nɨ mǝ nyʊwa lɛ nǝnɨ. Maa jʊ mʊ swɨ lɛɨ, ke bɔ jʊ mǝ swɨ lɛɨ.”

Yohana 6:38

Jʊ a bwɨɨ, mǝ gǝla bɔ a kwama sǝ ba n maa jʊ nɨ nǝl mǝndɨ swɨ lɛɨ. Mǝ gǝla sǝ ba n maa jʊ nʊ nɨ a twam ɨɨ swɨ lɛɨ.

Yohana 12:50

N nyǝm diil gǝnɔ bɛ bɛ nǝn nyatǝm kʊlɨ nɨ mɨ dɨtǝm woi. Jʊ mǝ sʊwa gwamɨ, n jʊ Tɛtɛ a sʊwa ɨ gɔ n sʊwaɨ.”