Yohana 4:34 - Dadiya NT

³⁴ Yesu gɔ, “Jǝjalǝn mǝndɨ nǝn gɔ sǝ n maa jʊ nɨ nʊ nɨ a twam ɨɨ swɨ lɛ gɔ n maaɨ, sǝ n tagǝm maatǝm maajɨ gǝnɔ.

Yohana 4:34 Referans Kwoze

Yohana 6:38

Jʊ a bwɨɨ, mǝ gǝla bɔ a kwama sǝ ba n maa jʊ nɨ nǝl mǝndɨ swɨ lɛɨ. Mǝ gǝla sǝ ba n maa jʊ nʊ nɨ a twam ɨɨ swɨ lɛɨ.

Yohana 5:30

Mɨsɔ mǝ dwal lɛ n maa jǝl kwaamɨ. Mǝ maa borangɔ kanga Kwaama a sʊwa ɨ gɔ n maaɨ. Borang mǝndɨ n dǝngdǝng, jʊ a bwɨɨ ke bɔ swɨtǝm dul mɨ mǝ bwangtǝn nɛɨ, n swɨtǝm dul nʊ nɨ a twam ɨɨ.

Yohana 17:4

N dʊʊl ń a yooli nǝn yiitǝm maajɨ nɨ mʊ nɨ ɨ mɔʊ n maaɨ.

Yohana 19:30

Yesu a twɨ mwɛ fwalɨ nɨ nyɨɨ, nǝngɔ a sʊwa gɔ, “A dɨɨ.” Nǝngɔ a sul dul gǝnɔ a dem kang a dʊʊmɨ gǝnɔ gǝmɨ.

Matta 26:39

A kʊwatǝn nǝn dǝm nyɨɨ, nǝngɔ a gǝla a jʊng, kǝga gǝnɔ a tǝm, a maa keligɨɨ gɔ, “Tɛtɛ mɨ, na daa daa tʌgo dǝngdǝngɨ, dem mɨ kʌshi gaalan nɨ mǝ nyʊwa lɛ nǝnɨ. Maa jʊ mʊ swɨ lɛɨ, ke bɔ jʊ mǝ swɨ lɛɨ.”

Yohana 5:36

“Mǝ nǝngǝn nǝn nǝtǝm nyiyo a dul mɨ, wʊnɨ a laa a nɨ Yohana a nǝ a dul mɨɨ. Kanjǝl nɨ mǝ maa lɛɨ, wʊnɨ Tɛtɛ mɨ a nɨ ɨ gɔ n maaɨ, n jʊtǝb nɨ a yǝlam nʊngtǝm a dul mɨɨ, a nǝ nyiyo gɔ nǝn Tɛtɛ mɨ a twam ɨ.

Yohana 4:32

Nǝngɔ Yesu a sʊwa ji gɔ, “Mǝ nǝn jǝjalǝn nɨ mǝ ja lɛɨ, wʊnɨ jǝ́ nyǝm bɔ jǝl a dul gǝnɨ.”

Luka 19:10

Bʊla Nǝlɨ a bɛ sǝ ba saa, sǝ a bʊʊ nǝn nǝb nɨ a lɛlaɨ.”

Ibranii 12:2

Bǝ ya nu bǝnɔ a daagɔ Yesu woi, gǝ nɨ n dʊʊ nǝb nǝtǝm bɨlǝngkɛlɨ, nǝn gɔ n nǝ yiitǝm gǝnɨ. Wʊnɨ n kɛl fulotǝm nǝl nɨ Kwaama a ya a kǝga gǝnɨ, a kʊ nǝl nǝn tɨya kʊʊtǝmɔ, n jǝ gunidul, a do bɔ nyɔ a dul gǝn. Kǝngkǝnɨ yǝm a kang jajǝng kotere fɔlɔn Kwaamaɨ.

Luka 15:10

Gǝ na nyɔ, bɛtɔ twama Kwaamaɨ maa maa bǝlátǝmɔ nyɔ a dul nǝ bwɨlangkɛl nɨ win a yǝla a bǝla bwɨlangkɛl gǝnɨ.”

Maajɨ Bɛtɔ Twamagɨɨ 20:35

A mʊgɔ kanjǝl nɨ gwam mǝ maaɨ, n sʊwa jen a mɛlalɨ nɨ mǝʊ, jǝ́ maa maajɨ nyɔ sǝ bǝ tɨka nǝb nɨ mɨ nǝn kwaanɨ. Jǝ́ bʊʊla nǝn kɛl nɨ Tɛlalɔ Yesu a sʊwa gɔ, ‘Nǝtǝmɔ a laa yotǝmɔ bwili.’ ”

Yohana 6:33

Jǝjalǝn Kwaamaɨ nʊ nɨ gǝla lɛ a dʌbʌli, wʊnɨ nǝ yooligɔ kʊlɨ lɛɨ.”

Matta 3:15

Nǝngɔ Yesu a jǝla gǝn gɔ, “Bɛ a yǝlam nyɔ kǝngkɔ. A bʊm nyɔ bǝ maa nyɔ sǝ bǝ yii kanjǝl dǝngdǝngɔ gwam Kwaama swɨ lɛɨ.” Nǝngɔ Yohana a jǝlaɨ.

Luka 2:49

Nǝngɔ a bʌ ji gɔ, “N wɛ a bwɨ jǝ́ saa ɨ lɛɨ? Jǝ́ nyǝm bɔ a yǝlam nyɔ n na a lɔ Tɛtɛ mɨɨ ka?”

Yohana 8:29

Nʊ nɨ a twam ɨɨ, gǝ na jǝbɔ mǝ. A bǝla ɨ bɔ kwaamɨ, jʊ a bwɨɨ mǝ maa jʊ nɨ gǝ swɨ lɛɨ kwangkwang.”

Yohana 19:28

Yesu a nyǝm gɔ ja dɨ kanjǝlɔ gwamɨ, sǝ ja yii jʊ nɨ mʊlalɨ kɛl Kwaama a sʊwaɨ, nǝngɔ a sʊwa gɔ, “Mǝ nyʊwa diil mwɛ lɛ.”

Matta 9:19

Yesu a gun a bwang gǝm jǝbɔ bɛtɔ mɛlalɨ gǝnɔ.