Ka jǝ́ gaala lɛ a dul jǝjalǝn nɨ kala lɛɨ. Bɛ jǝ́ gaala a dul jǝjalǝn nɨ mɨsɔ kala lɛ woi, wʊnɨ nǝ kʊlɨ lɛ mɨ dɨtǝm woi. Wʊnɨ nǝn gɔ jǝjalǝnɔ Bʊla Nǝlɨ nǝ jen nɛɨ. A dul Bʊla Nǝlɨ Kwaama Tɛtɛ a kwɛl a gatǝn mɛl gǝnɔ tʌgoi, a jǝla nǝnɨ.”
Mǝ nǝn kanjǝl nɨ a lada mǝ sʊwa lɛ a dul jeni, sǝ n maa jem borang nǝn. Nʊ nɨ a twam ɨɨ n nǝ bɨlǝngkɛl. Jʊ mǝ nyʊwa a daa gǝ woi jʊ mǝ sʊwa yooligɔ lɛɨ.”
Biyotǝm mwɛn nɨ ja maa gǝmɨ, gǝ nʊng dǝgtǝm kang gǝ ga yǝlam dǝngdǝng a gola nǝtǝm bɨlǝngkɛl nɨ gǝ nǝngǝn na lǝga bɔ ja biyo gǝm mwɛnɨ. N jʊ nɨ a dǝg gǝn ga yǝlam tɛ bwɛ a nʊ nɨ gwam a nǝ bɨlǝngkɛlɨ, ja biyo bɔ mwɛn, ja kiyo ji a mʊgɔ nǝb dǝngdǝng.
Fʌlʌm kan nyan mɔtǝm a Kwaamaɨ a ta tʌgo gwanggwang. Mɛl nɨ a bʊtɔ gǝnɨ sʊwa lɛ gɔ, “Tɛlalɔ a nyǝm nǝbam gǝnɔ,” jǝbɔ, “Pʌd nʊ nɨ a nʊng jǝlatǝm nǝn dun Tɛlalɔɨ, bɛ a bǝla maatǝm shilɔ wo.”
