Yohana 3:13 - Dadiya NT

¹³ Mɨ nǝn nʊ nɨ wo gwi a yɔ a dʌbʌli, na ke bɔ Bʊla Nǝlɨ, wʊnɨ a gǝla a dʌbʌl a bɛɨ.

Yohana 3:13 Referans Kwoze

Yohana 6:38

Jʊ a bwɨɨ, mǝ gǝla bɔ a kwama sǝ ba n maa jʊ nɨ nǝl mǝndɨ swɨ lɛɨ. Mǝ gǝla sǝ ba n maa jʊ nʊ nɨ a twam ɨɨ swɨ lɛɨ.

Maajɨ Bɛtɔ Twamagɨɨ 2:34

Ke bɔ Dauda a gwi dʌbʌl kwamaɨ, jʊ a sʊwa nǝn kang gǝnɨ n wɔ, “ ‘Tɛlalɔ a sʊwa Tɛlalɔ mɨ gɔ, “Yɨ fɔ a kang jajǝng mɨ,

Yohana 1:18

Mɨ nǝn nǝfili nɨ a kuwo Kwaama woi, nǝn Bʊla gɔ kwaagɔ win, nǝn gɔ dakini jǝbɔ Tɛ bwɛɨ, nʊng bǝn jelkalǝng Kwaamaɨ lɛɨ.

1 Korinti 15:47

Nǝfili na tɨkǝgagɔ a jel a tǝm, n boli. Na yogɔ a jel a dʌbʌl.

Yohana 13:3

Yesu a nyǝm Tɛtɛ a kwɛl a dǝg kanjǝlɔ gwam a kang gǝn. A nyǝm tag gǝ jel a daagɔ Kwaama woi, n daagɔ Kwaama woi gǝ yǝla gǝ shu lɛ woi.

Roma 10:6

A kaa gola, yɨm dǝngdǝng nɨ a gola nǝtǝm bɨlǝngkɛlɨ a sʊwa gɔ, “Bɛ ka ń sʊwa lɛ a mʊgɔ nǝl mʊn mɔʊ, ‘Nuwo gwi dʌbʌl kwama lɛɨ?’ ” (Sǝ a shig Kiristi woi).

Yohana 6:62

La nǝl jenɔ yǝlam nyǝn na jǝ́ kuwo Bʊla Nǝlɨ gwi shu lɛ a daagɔ a jelʌmi?

Yohana 3:31

“Nʊ nɨ a bɛ a dʌbʌli a laa nǝbɔ gwam. Nʊ nɨ a jel a yooli nɨɨ, na a yooli nɨɨ, gǝ sʊwa kɛl gǝnɔ a kanjǝl yooli nɨ. Nʊ nɨ a jel a dʌbʌli a laa nǝbɔ gwam.

Yohana 6:46

Mɨ nǝn nʊ nɨ a kuwo Tɛtɛɨ, na ke bɔ nʊ nɨ a gǝla a daagɔ Kwaama woi, nǝn gɔ kwaagɔ win a kuwo Tɛtɛɨ.

Yohana 6:42

Nǝngɔ ja sʊwa gɔ, “Bwɛ nɨ ke bɔ Yesu bʊla Yusufui, wʊnɨ bǝ nyǝm nɛnɛ gɔ jǝbɔ tɛtɛ gɨɨ ka? A la a maa nyǝn sʊwa lɛ gɔ, ‘Mǝ gǝla a dʌbʌli?’ ”

Yohana 17:5

Kǝngkɔ, Tɛtɛ, dʊʊlɨ ɨ a kǝga mʊn nǝn dʊʊlǝn nɨ mǝ nǝn nǝbɔ mɔ nǝn tɨkǝga na lǝga bɔ ń fwal yooligɨɨ.

Yohana 8:42

Yesu a sʊwa ji gɔ, “Na na Kwaama nǝn Tɨya jeni, na jǝ́ swɨ ɨ lɛ, jʊ a bwɨɨ mǝ jel a daa gǝ woi, kǝngkɔ mǝ wɔ. Ke bɔ mǝ mǝ bɛ nǝn kang mɨɨ. Nǝn Kwaama a twam ɨɨ.

Yohana 6:51

Nǝmǝ mǝ jǝjalǝn kʊlɨ nɨ a gǝla a dʌbʌli. Na nʊ nɨ a ja jǝjalǝn nɨ, yɨ yɨ nǝn kʊlɨ mɨ dɨltǝm wo. Jǝjalǝn nɨ n nam bʊtɔ mɨ, wʊnɨ mǝ nǝ lɛɨ sǝ yooli nɨ a nya kʊlɨɨ.”

Yohana 6:33

Jǝjalǝn Kwaamaɨ nʊ nɨ gǝla lɛ a dʌbʌli, wʊnɨ nǝ yooligɔ kʊlɨ lɛɨ.”

Maajɨ Bɛtɔ Twamagɨɨ 20:28

Jǝ́ kɨla dul jenɔ jǝbɔ kʌm nɨ Yʊwa Kwaamaɨ a dǝg jǝ́ yǝlam nǝb tɔɔtǝmɨ. Jǝ́ ja kǝga nǝn tɔɔtǝm mʊrkalɨ nǝb bwangtǝm Kwaamaɨ, wʊnɨ a ten dul gǝnɔ gǝm nǝn tʊʊm Bʊla gɨɨ.

Matta 28:20

Jǝ́ mɛla jim ja bwangtǝn kanjǝl nɨ gwam mǝ sʊwa jeni. Jǝ́ nyǝm mǝ na dakini nǝbɔ jen kwangkwang a yɔ nǝn a dɨltǝm yooli.”

Afisa 1:23

Mʊrkalɨ nǝb bwangtǝm Kwaamaɨ nǝn gɔ n bʊtɔ Kiristii, a yii nǝn Kiristii, Kiristi a yiilo kanjǝlɔ gwamɨ.

Matta 8:20

Yesu a sʊwa gǝn gɔ, “Fʌlʌmtɨnɔ nǝn bʊwantɨn, lǝbɨtɨnɔ nǝn lɔtɨn. A Bʊla Nǝlɨ mɨ nǝn daa nɨ yam dul gǝnɔ lɛɨ.”

Yohana 3:12

Na n sʊwa jen kɛl tǝm nɨɨ jǝ́ jǝla bɔ nǝn, la jǝ́ jǝla nyǝn nǝn kɛl dʌbʌlɔ, na n sʊwa jeni?