Yohana 21:22 - Dadiya NT

²² Nǝngɔ Yesu a sʊwa gǝn gɔ, “Na n jǝla nʊ nɨ a yɨ nǝn kʊlɨ ba la nǝn kwama mǝ bɛm lɛɨ, n wɛ a dǝg ń woi? Mɔ, bɛ ń bwang mɨ!”

Yohana 21:22 Referans Kwoze

Markus 9:1

Nǝngɔ a sʊwa ji gɔ, “Bɨlǝngkɛl mǝ sʊwa jen nɛɨ, kaam nǝb nɨ tɨlam fǝɨ, mɨsɔ jǝ bʊla lɛ na ja kuwo bɔ fɔlɔn lɔ Kwaamaɨ a bɛ nǝn kwaanɨ.”

Dʊgam Nyangnyang 2:25

Bɛ jǝ́ ta jʊ jǝ́ nǝngǝnɨ gwanggwang, sǝ ba la nǝn kwama mǝ bɛm lɛɨ.

1 Korinti 4:5

A dul kɛl nɨɨ, ka jǝ́ biyo lɛ kaa borang kwama gǝnɔ a lǝga bɔ a la. Ka jǝ́ biyo lɛ borang sǝla Tɛlalɔ a bɛ, nʊ nɨ wʊ kanjǝl nɨ lɛ ja yʊ yʊɨ a mʊgɔ duddugi, sǝ a nʊng jʊ nǝlɔ swɨ lɛɨ. Nǝn kwama gɨɨ, Kwaama maa maa bǝlátǝm jinɔ gwam dǝngdǝng.

Dʊgam Nyangnyang 3:11

“Mǝ bɛ lɛ mɨsɔ kʊta lɛ. Bɛ ń ta nǝtǝm bɨlǝngkɛl mʊnɔ gwanggwang, kage kaa nǝl a yem mʊn dwang dul fɔlɔn mʊnɔ.

Yakubu 5:7

A dul kɛl nɨ kambɔ, jǝ́ yɨ yɨm kʊtǝm nǝl a yɔ nǝn a kwama Tɛlalɔ bɛm lɛɨ. Jǝ́ dʌng kʊtǝm nǝlɔ nǝ jʊngtǝm twamɔ gǝ maa lɛɨ, a yɔ nǝn a kwama nɨ twam gǝnɔ gǝ jǝgǝm dul lɛɨ. N kʊtǝm nǝl gǝ yam mwɛ kwala lɛ jǝbɔ mwɛ guli.

1 Korinti 11:26

Kwama nɨ gwam jǝ́ jam kʊkkʊm nɨ lɛ, jǝ́ nɔɔm lɛ a kʌshi nɨɨ, jǝ́ sʊwa bwaa Tɛlalɔɨ ba la nǝn bɛtǝm gǝnɔ.

Yohana 21:19

(Yesu a sʊwa kɛl nɨ nyɔ, sǝ a nʊng bwaa nɨ Bitrus bʊla lɛɨ, wʊnɨ nʊng dʊʊlǝn Kwaamaɨ lɛɨ.) Nǝn kwama Yesu a sʊwa Bitrus kɛl nɨɨ, nǝngɔ a sʊwa gǝn gɔ, “Bwang mɨ.”

Matta 24:44

Gǝ na nyɔ jen tʌjen bɛ jǝ́ fɛka yɨm jenɔ, Bʊla Nǝlɨ bɛ lɛ nǝn kwama nɨ jǝ́ maa bɔ bʊʊlalɨ.

Dʊgam Nyangnyang 22:20

Nʊ nɨ a nǝ nyiyo a dul kanjǝl nɨ, a sʊwa gɔ, “Bɨlǝngǝn, mǝ bɛ lɛ mɨsɔ kʊta lɛ.” A daa nyɔ. Bɛ, Tɛlalɔ Yesu.

Dʊgam Nyangnyang 22:7

“N wɔ mǝ bɛ lɛ mɨsɔ kʊta lɛ! Bwiligɔ na a nǝb nɨ bwangtǝn kɛltɨn kuwotǝmkǝga langǝn bwangǝn nɨ lɛɨ.”

Dʊgam Nyangnyang 1:7

N wɔ bɛ lɛ a mʊgɔ lul. Nǝbɔ pʌd kuwo gǝn kuwo, gwam jǝbɔ nǝb nɨ a kul gǝn nǝn yaaɨ. Pʌd nyiyotɨn yooli nɨ tag jǝ ji ji wi a kɛl dul gǝn. Bɛ a yǝlam nyɔ! A daa nyɔ.

Matta 25:31

“Nǝn kwama Bʊla Nǝlɨ bɛm lɛ a mʊgɔ dʊʊn gǝnɔ gǝm jǝbɔ bɛtɔ twama Kwaamaɨ gwamɨ, yɨ yɨ a kotere dʊʊlǝn fɔlɔn gǝnɔ gǝm.

Matta 24:27

Kanga kwamagɔ gǝ beta lɛ a twal a yɔ nǝn a diyengi, bɛtǝm Bʊla Nǝlɨ yǝlam nyɔ.

Matta 24:3

Kwama Yesu yǝm a dʌbʌl Yem Zaituni, nǝngɔ bɛtɔ mɛlalɨ gǝnɔ ba nya gǝn kwaaji gɔ, “Sʊwa nǝn, kanjǝl nɨ bwɨ fɨyang? N wɛ nʊng bɛtǝm mʊnɔ lɛɨ, jǝbɔ dɨltǝm yooli nɨ?”

Matta 8:22

Nǝngɔ Yesu a sʊwa gǝn gɔ, “Bwang mɨ. Bǝla bʌlʌntɨnɔ ya fʌl bʌlʌn jinɔ.”

Matta 16:24

Nǝngɔ Yesu a sʊwa bɛtɔ mɛlalɨ gǝnɨ gɔ, “Na nʊ nɨ swɨ lɛ a bwang mɨɨ, bɛ ga kɔ dul gǝnɔ, ga do tɨya kʊʊtǝm gǝnɔ, ga bwang mɨ.

Yohana 21:21

Nǝn kwama Bitrus a kuwo gǝnɨ, nǝngɔ a bʌ Yesu gɔ, “Tɛlalɔ, n wɛ bwɨ lɛ nǝn nʊ nɨɨ?”

1 Tasalonikaɨ 2:19

N wɛ nyɨɨ n jǝ yatǝm nǝl nǝnɨ, jǝbɔ jǝ fulotǝm nǝl nǝnɨ, jǝbɔ dwang dul lɨyal nǝnɔ a kǝga Tɛlalɔ bǝn Yesui a di yǝlatǝm gǝnɨ? N ke bɔ jen ka?

Yakubu 5:8

Jen tʌjen bɛ jǝ́ yɨ nǝn bwatǝm nǝl, jǝ́ kʊʊ nǝl, jʊ a bwɨɨ bɛtǝm Tɛlalɔɨ a dwama.