Yohana 21:17 - Dadiya NT

¹⁷ Nǝngɔ Yesu a bʌ gǝn na taalɔ gɔ, “Saminu bʊla Yohanaɨ, mʊ swɨ ɨ lɛ ka?” Nǝngɔ Bitrus a maa fitǝm nǝl jǝbɔ bʌtʌm na taal nɨ Yesu a maa gǝmɨ gɔ, “Mʊ swɨ ɨ lɛ ka?” Nǝngɔ Bitrus a jǝla gǝn gɔ, “Tɛlalɔ, ń nyǝm kanjǝlɔ gwam. Ń nyǝm nyɔ mǝ swɨ ń nɛ.” Yesu a sʊwa gǝn gɔ, “Ja nǝn kwamɨtɨn mǝndɨ.

Yohana 21:17 Referans Kwoze

Yohana 13:38

Nǝngɔ Yesu a jǝla gǝn gɔ, “Bɨlǝngkɛl, mʊ nǝ nǝ kʊlɨ mʊnɔ a kɛl dul mɨ ka? Bɨlǝngkɛl mǝ sʊwa ń nɛɨ, mʊ kana kana nyǝmtǝm mǝndɨ naagɔ taal sǝla kwalɨ jangagɔ a ma kamɨ.

Markus 14:72

A kʊta bɔ nǝngɔ kwalɨ jangagɔ a ma kamɨ na yogɨɨ. Bitrus a bʊʊla kɛl nɨ Yesu a sʊwa gǝnɨ gɔ, “Mʊ kana kana nyǝmtǝm mǝndɨ naagɔ taal sǝla kwalɨ jangagɔ a ma kamɨ na yogɔ.” Kwama a bʊʊlam kɛl nɨɨ, nǝngɔ a dem nyiyo nǝn wii.

Yohana 16:30

Kǝngkǝnɨ nǝn nyǝm nǝngɔ ń nyǝm kanjǝlɔ gwam. Ń nyǝm gartǝm kɛlɔ na kaa nǝl dɨ bʌtʌmɔ lɛɨ. Wʊnɨ a dǝg nǝn nǝn nǝ bɨlǝngkɛl mʊ jel a daa Kwaama woi.”

Dʊgam Nyangnyang 2:23

Mǝ jʌbo jʌbo bɛtɔ lɔ gɨɨ, dɨsɔ daatɨn mʊrkalɨ nǝb bwangtǝm Kwaamaɨ ja nyǝm gɔ, nǝmǝ mǝ sǝb nǝlɔ lɛɨ jǝbɔ bʊʊlalɨ jini. Mǝ ywa ywa maajɨ jenɔ dǝngdǝng kanga jǝ́ maaɨ.

Afisa 4:30

Ka jǝ́ dǝg lɛ Yʊwa Kwaamaɨ fitǝm nǝl, wʊnɨ ja ka jem kwatɨ sǝ a nʊng bʊʊtǝm jenɔ a kɔkɔ jǝgtǝmɨ.

Maajɨ Bɛtɔ Twamagɨɨ 15:8

Kwaama wʊnɨ a nyǝm nǝl nǝbɨɨ, a nʊng gɔ gǝ yo ji. A nǝ ji Yʊwa Kwaamaɨ kanga a nǝ bǝnɨ.

Yohana 15:10

Mǝ, n bwangtǝn diil Tɛtɛ mɨɨ. N yɨ a mʊgɔ swɨtǝm gǝn. Jen tʌjen, na jǝ́ bwangtǝn diil mǝndɨ, jǝ́ yɨ yɨ a mʊgɔ swɨtǝm mɨ.

Yohana 14:15

“Na jǝ́ maa mɨ swɨtǝm lɛɨ, jǝ́ bwangtǝn bwang diil mǝndɨ.

2 Bitrus 3:1

Kɛtǝlam mɨ nɨ mǝ swɨ lɛɨ, wʊnɨ nǝn gǝ langǝn bwangǝn na yogɔ mǝ mʊla jemi. A mʊgɔ jin gwam mǝ maa jem bʊʊlalɨ a nǝl jen sǝ a dǝg jen jǝ́ bwangtǝn Kwaama dǝngdǝng.

1 Bitrus 1:6

N kɛl dul jʊ nɨ jǝ́ nya fulotǝm nǝl nyangǝnɨ. Nɔɔtǝm gaalan jenɔ nɨ jǝ́ nyʊwa lɛ kǝngkɨɨ, mɨsɔ kʊta lɛ.

2 Korinti 1:12

Lɨyal nǝnɔ nǝn gɔ, nǝl nǝnɔ a nʊng gɔ nǝn yɨ yɨm sagsag a yooli nɨ mɨ swɨtǝm dul wo, a bɛ a daagɔ Kwaama woi, a laa nyɔ jǝbɔ jen. Ke bɔ a yʊlan nǝfilii, n yɨm dul a lǝma Kwaamaɨ.

Maajɨ Bɛtɔ Twamagɨɨ 1:24

Nǝngɔ bɛtɔ twama gǝnɔ a maa keli gɔ, “Tɛlalɔ, ń nyǝm nǝl nǝbɨɨ gwam. Nʊng bǝn nʊ mʊ jǝgǝm a kʊm nǝb nɨ yoi,

Yohana 18:27

Nǝngɔ Bitrus a yǝla kana tagɨ. Tʌgo a kang, nǝngɔ kwalɨ jangagɔ a ma kamɨɨ.

Yohana 18:4

Yesu a nyǝm jʊ nɨ nya gǝn nɛ gwamɨ, nǝngɔ a jel a bʌ ji gɔ, “Jǝ́ saa wo?”

Yohana 12:8

Nǝb bʊnǝnɔ kwangkwang jǝbɔ jen. Ke bɔ kwangkwang mǝ nǝbɔ jeni.”

Matta 25:40

Fɔlɔgɔ jǝla ji gɔ, ‘Bɨlǝngǝn mǝ sʊwa jen nɛ, jʊ nɨ win a mʊgɔ kanjǝl nɨ jǝ́ maa kɛtǝlam mǝndɨ gǝmɨ, jǝ́ maam mǝ.’

Dʊgam Nyangnyang 3:19

“Nǝbɔ mǝ swɨ lɛɨ, n nǝbɔ mǝ gʊ jim lɔl lɛɨ, n nǝbɔ mǝ mwɛ ji lɛɨ. Maa kwaan bʊtɔ, ń yǝla ń bǝla bwɨlangkɛl mʊnɔ.

Yohana 21:18

N bɨlǝngkɛl mǝ sʊwa ń nɛɨ, kwama nɨ mɔ a lɔ bwɛsǝnɨ, mʊ dʊʊ dʊʊ dwang ń yɔ a daa nɨ mʊ swɨ lɛɨ. A kwama mʊ gʌloi, mɔ mal mal kang mʊnɔ, sǝ kaa nǝl a dʊʊ mʊn dʊʊlɔ, sǝ a do ń a yɔ nǝn mɔ a daa nɨ mʊ swɨ bɔ ń yɔ woi.”

Yohana 4:16

Nǝngɔ Yesu a sʊwa gǝn gɔ, “Yɔ ya ń jo bwɨla mɔ, sǝ jǝ́ bɛ.”

Maajɨ Bɛtɔ Twamagɨɨ 11:10

Ja maa jʊ nɨ naagɔ taal. Nǝngɔ ja gʊm jʊgɔ a dʌbʌli.