Biblia Todo Logo
Bib sou entènèt

- Piblisite -




Yohana 20:19 - Dadiya NT

19 Nǝn kwaamɨ nǝn dibɨlɨ, bɛtɔ mɛlalɨ Yesui yǝm daagɔ win. Ja nʊngalam nyanga kanɔ jʊ a bwɨɨ jǝ nyʊwa taal nǝb dʊʊm Yahudawagɨɨ lɛ. Nǝngɔ Yesu a bɛ ba tɨ a tɨbǝl jini, a sʊwa ji gɔ, “Bɛ yɨm kwamɨgǝnɔ a na jǝbɔ jen.”

Gade chapit la Kopi




Yohana 20:19
27 Referans Kwoze  

Kum naalǝbɔ a yii, bɛtɔ mɛlalɨgɔ a mʊrka a mʊgɔ lɔngɨ, Toma wo jǝbɔ ji. Nyanga kanɔ a nʊng nʊngɨ, nǝngɔ Yesu a bɛ ba tɨ a tɨbǝl jini a sʊwa gɔ, “Bɛ yɨm kwamɨgǝnɔ a na jǝbɔ jen.”


N bǝla jen nǝn yɨm kwamɨgǝn. N yɨm kwamɨgǝn mǝ nǝ jen nɛɨ. Ke bɔ a wʊnɨ yooligɔ nǝ jen nɛɨ mǝ nǝ jen nɛɨ. Ka jǝ́ kom lɛ dul jenɔ. Ka jǝ́ nyʊwa lɛ taal.


Nǝngɔ Yesu a yǝla sʊwa ji gɔ, “Bɛ yɨm kwamɨgǝnɔ a na jǝbɔ jen! Kanga Tɛ bwɛ nɨ a twam ɨɨ, mǝ tǝmɨ n twam jen.”


Jʊ a bwɨɨ, Kiristi nǝn gɔ yɨm kwamɨgǝn bǝnɨ, nʊ nɨ a mʊr Yahudawagɔ jǝbɔ Bʌtʌbɔ wini, a kʌbʌm kwalɨ kii nɨ a wʊlaka jii.


Bɛ Tɛlalɔ nɨ bɛ lɛ nǝn yɨm kwamɨgǝnɨ a nǝ jen yɨm kwamɨgǝn kwangkwang a daa nɨ jǝ́ nya dul jenɔ woi. Bɛ Tɛlalɔ a yɨ dakini jǝbɔ jen gwam.


Mɨ nʊ nɨ wo a nya kwaan sʊwatǝm kɛl a dul Yesui a talɨɨ, jʊ a bwɨɨ jǝ nyʊwa taal nǝb dʊʊm Yahudawagɨɨ lɛ.


Nǝn gul Yesu a nʊng dul gǝnɔ a daagɔ bɛtɔ mɛlalɨ gǝnɔ woi kʊb jeli wini, a kwama jǝ jam jǝjalǝn nɛɨ. A ga ji a dul nǝtǝm bɨlǝngkɛlɔ mɨ ji nǝnɨ jǝbɔ bǝngɨ lɔl jinɔ ja kɔ jǝlatǝm nǝn nǝbɔ a kuwo gǝnɨ a gul guntǝm gǝnɔ a bwaaɨ.


A daagɔ Yohana woi a yɔ nǝn a mʊrkalɨ nǝb bwangtǝm Kwaamaɨ nɨ daatɨnɔ nʌbʌl a tǝm Asiyaɨ. Bɛ lǝmagɔ jǝbɔ yɨm kwamɨgǝnɔ a ta tʌgo gwanggwang a daa jen woi, a daagɔ Kwaama woi, nʊ nɨ wo kǝngkɨɨ, nǝn gɔ galɨgǝnɨ, nǝn gɔ a kǝga nɨ, jǝbɔ daagɔ yʊwatɨnɔ nʌbʌl a kǝga kotere fɔlɔn gǝnɨ,


A nʊng Bitrus dul gǝnɔ, nǝngɔ la a nʊng bɛtɔ twama gǝnɔ nɨ kʊb jeli yoi.


“Mǝ sʊwa jen kanjǝl nɨ lɛ, sǝ jǝ́ nya lǝma a daa mɨ woi. A mʊgɔ yooli nɨ jǝ́ nyʊwa gaalan nɛ. Bɛ jǝ́ yɨ nǝn kwamǝn nǝl. N ku jelʌn a dul yooligɔ gǝm.”


Nǝngɔ Ibrahim a nǝ gǝn win a mʊgɔ kʊb a kanjǝlɔ gwamɨ. Nǝn tɨkǝga dun gǝnɔ gǝ nʊng, “Fɔlɔ nǝ dǝngdǝng.” Nǝn gɔ Fɔlɔ Shalimaɨ, gǝ nʊng, “Fɔlɔ yɨm kwamɨgǝn.”


Bɛ lǝmagɔ jǝbɔ yɨm kwamɨgǝn a yɨɨ jǝbɔ jen a daagɔ Tɛtɛ bǝn Kwaama woi jǝbɔ Tɛlalɔ Yesu Kiristi.


Yɨm kwamɨgǝnɔ, jǝbɔ swɨkanɔ, jǝbɔ nǝtǝm bɨlǝngkɛl a Kwaama Tɛtɛɨ jǝbɔ a Tɛlalɔ Yesu Kiristii a ta tʌgo gwanggwang a jen gǝm kambɔ.


Bɛ Kwaama nɨ nǝ yɨm kwamɨgǝn nɛɨ, a yɨ dakini jǝbɔ jen gwam. A daa nyɔ.


Gǝ na nyɔ a daa jen woi. Kǝngkǝnɨ jǝ́ na a bʊwaka nǝl. Mǝ yǝla yǝla n kuwo jen, la jǝ́ maa maa fulotǝm nǝl. Mɨ nǝn jʊ nɨ yem jem fulotǝm nǝl nɨ lɛɨ.


A daa nɨ nǝbɔ yo, a yɔ nǝn a taal, a mʊrka nǝn dun mɨɨ, mǝ tǝmɨ mǝ na a tɨbǝl jin.”


Na lɔ gɔ n lɔ nyanɨ, bɛ jǝ́ maa keli sǝ Kwaama a nǝ ji lǝma. Na ke bɔ lɔ nyanɨ, bɛ bwili jenɔ a yǝla a dul jen.


A gulɔ gǝm, Yesu a nʊng dul gǝnɔ a daa bɛtɔ mɛlalɨ gǝnɔ woi a kʌng wɨma Tibariya. A nʊng dul gǝnɔ nyɔ.


Wʊnɨ nʊngtǝm dul Yesui na taalɔ a daagɔ bɛtɔ mɛlalɨ gǝnɔ woi a kwamagɔ a gunʌm a bwaaɨ.


A gul bwaa gǝnɔ gǝm, a nʊng dul gǝnɔ a golantɨnɔ gǝm nǝn dʌmʌn naagɔ a gǝlala a daa ji woi, sǝ a nʊng ji gɔ, gǝ nǝn kʊlɨ. A maa kumɔ fʊltǝnaal nʊng dul gǝnɔ lɛ. Sʊwa kɛlɔ lɛ a dul kanjǝl fɔlɔn lɔ Kwaamaɨ.


Mǝ ya nǝl lɛ bǝ tǝgaka tǝgaka mɨsɔ kʊta lɛ, sǝ bǝ sʊwa kɛl kǝga jǝbɔ kǝga.


Swiv nou:

Piblisite


Piblisite