Yohana 20:1 - Dadiya NT

¹ Nǝn kumsʌl nǝn dibɨlɨ kwama nɨ tǝmɔ a lǝga bɔ a sɛlɨ, Maryamu bwɛn Magadaliyaɨ a yɔ a tuu Yesui, ya nya ja bʌlʌm dalɨ tɛlɔ ja swa a nyanga tuui.

Yohana 20:1 Referans Kwoze

Markus 16:9

Guntǝm Yesui a bwaa nǝn kumsʌl nǝn kɔkɔ dibɨlɨɨ, a tǝl a nʊng Maryamu bwɛn Magadaliyaɨ dul gǝnɔ, nɔɔlɨ nɨ Yesu a jǝg gǝm nǝblaamɔ nʌbʌli.

Matta 27:60

A ya gǝn a kaa tuu fɨ nɨ ga wʊ dul gǝnɔ gǝmɨ, nǝngɔ a bʌl gʌleng tɛlɔ a swa a nyanga tuui, nǝngɔ a shui.

Markus 15:46

Nǝngɔ Yusufu a ten dwang lilin fʌltǝm bʌlʌn Yesui, nǝngɔ a shig bʌlʌni, a kʊlʊm gǝn a dwang lilini, a ya gǝn a kaa tuu a bʊwa gam nɨ ja kʊʊ kʊʊɨ, nǝngɔ a bʌl kaa tɛl a swa tʌgo a nyanga tuugɔ gǝmɨ.

Yohana 20:26

Kum naalǝbɔ a yii, bɛtɔ mɛlalɨgɔ a mʊrka a mʊgɔ lɔngɨ, Toma wo jǝbɔ ji. Nyanga kanɔ a nʊng nʊngɨ, nǝngɔ Yesu a bɛ ba tɨ a tɨbǝl jini a sʊwa gɔ, “Bɛ yɨm kwamɨgǝnɔ a na jǝbɔ jen.”

Yohana 19:25

Nǝb nɨ tɨm nǝn dɔɔm jǝbɔ tɨya kʊʊtǝm Yesui, na bǝ nɛnɛ gǝ, jǝbɔ kɨla gǝ nɔɔlɨgɔ, jǝbɔ Maryamu nwala Kilofasɨ, jǝbɔ Maryamu bwɛn Magadaliya.

Dʊgam Nyangnyang 1:10

Nǝn di kɔkɔ bǝlátǝm Tɛlalɔɨ, mǝ na a mʊgɔ Yʊwa. Nǝngɔ mǝ nyʊwa kaa diil nǝn kwaan na guutǝm jum a gul mɨɨ.

Matta 27:64

A dul jʊ nɨ, sʊwa kɛl ya ja tɔɔ tɔɔɨ tuugɔ a la kumɔ taal, kage bɛtɔ mɛlalɨ gǝnɔ ba kuum bʌlʌnɔ sǝ ja sʊwa nǝbɔ gɔ a gun a bwaagɔ gǝm. Swagtǝm gulɔ laa laa na tɨkǝgagɔ bwɨlatǝm.”

1 Korinti 16:2

Na nǝn dibɨlɨɨ, bɛ gwam jenɔ jǝ́ saa kemʌn ya jǝ́ ya lɛ dǝngdǝng nyatǝm jenɔ. Ka jǝ́ yam lɛ na n bɛɨ, sǝla jǝ́ mʊr tɨkalɨ jenɔ.

Maajɨ Bɛtɔ Twamagɨɨ 20:7

Nǝn dibɨlɨ nǝn mʊrka sǝ nǝn tǝga jǝjalǝnɔ sǝ nǝn ja. Nǝngɔ Bulus a sʊwa ji kɛlɨ. Swɨ lɛ gǝ shu nǝn tǝmsɛlɨ, a sʊwa kɛlɔ dɨlagɔ a kan nǝn.

Matta 27:56

A kʊm jin Maryamu bwɛn Magadaliyaɨ, jǝbɔ Maryamu nyɨya Yakubui jǝbɔ Yusufui, jǝbɔ nyɨya bɛtɔ lɔ Zabadii.

Matta 27:66

Nǝngɔ ja shu ya ja tɔɔ tuugɨɨ, ja gatǝn mɛlɔ tʌgo a tɛlɔ gǝmɨ, ja dǝg sʊwajaamɔ tɔɔtǝmɔ.

Matta 28:1

Kum Fǝbtǝm Yahudawagɨɨ a shui, nǝn dibɨlɨ nǝn kumsʌl, nǝngɔ Maryamu bwɛn Magadaliyaɨ jǝbɔ Maryamu wini ja yɔ dʌngtǝm tuugɨɨ.

Matta 28:2

Tʌgo a kang, nǝngɔ ja maa kaa dalɨ mǝgtǝm tǝmɨ, jʊ a bwɨɨ kaa bwɛ twama Tɛlalɔɨ a gǝla a dʌbʌl a tʊngǝm tɛl nɨ ja swa a nyanga tuugɔ gǝmɨ, a yɨ a dʌbʌl gǝn.

Yohana 11:38

Yesu a maa komtǝm a nǝl gǝn dangǝn, ba la nǝn a tuu. Tuu nɨ bʊwa gǝnɔ n tɛl ja swa a nyanga gǝnɨ.

Yohana 11:41

Nǝngɔ ja tʊngǝm tɛlɨ. Yesu a gung dul gǝnɔ a dʌbʌl, a sʊwa gɔ, “Tɛtɛ, n buu mʊn kang mʊ nyʊwa ɨɨ.