Yohana 19:30 - Dadiya NT

³⁰ Yesu a twɨ mwɛ fwalɨ nɨ nyɨɨ, nǝngɔ a sʊwa gɔ, “A dɨɨ.” Nǝngɔ a sul dul gǝnɔ a dem kang a dʊʊmɨ gǝnɔ gǝmɨ.

Yohana 19:30 Referans Kwoze

Yohana 17:4

N dʊʊl ń a yooli nǝn yiitǝm maajɨ nɨ mʊ nɨ ɨ mɔʊ n maaɨ.

Filibii 2:8

A yǝlam nǝfili, a shig dul gǝnɔ. A bwangtǝn Kwaama. A yɔ nǝn gɔ a bwaa. A bʊla bwaa na nǝ bwɨlangkɛl a dʌbʌl tɨya kʊʊtǝm!

Ibranii 12:2

Bǝ ya nu bǝnɔ a daagɔ Yesu woi, gǝ nɨ n dʊʊ nǝb nǝtǝm bɨlǝngkɛlɨ, nǝn gɔ n nǝ yiitǝm gǝnɨ. Wʊnɨ n kɛl fulotǝm nǝl nɨ Kwaama a ya a kǝga gǝnɨ, a kʊ nǝl nǝn tɨya kʊʊtǝmɔ, n jǝ gunidul, a do bɔ nyɔ a dul gǝn. Kǝngkǝnɨ yǝm a kang jajǝng kotere fɔlɔn Kwaamaɨ.

Yohana 10:11

“Nǝmǝ mǝ nǝ tɔɔtǝm kwamɨ nyaɨ. Nǝ tɔɔtǝm kwamɨ nyagɔ, gǝ nǝ nǝ kʊlɨ gǝnɔ a dul kwamɨtɨn.

Luka 23:46

Nǝngɔ Yesu a jo jangajǝl nǝn diil gɔ, “Tɛtɛ, mǝ bǝla kʊlɨ mǝndɨ a kang mʊn.” Kwama nɨ ga sʊwam kɛl nɨɨ, nǝngɔ a bʊlaɨ.

Roma 10:4

Kiristi nǝn gɔ a bɛ nǝn dɨltǝm diili, sǝ nʊ nɨ a nǝ bɨlǝngkɛlɨ a nya yɨm dǝngdǝng a kǝga Kwaamaɨ.

Yohana 19:28

Yesu a nyǝm gɔ ja dɨ kanjǝlɔ gwamɨ, sǝ ja yii jʊ nɨ mʊlalɨ kɛl Kwaama a sʊwaɨ, nǝngɔ a sʊwa gɔ, “Mǝ nyʊwa diil mwɛ lɛ.”

Markus 15:37

Nǝngɔ Yesu a gung diilɔ nǝn kwaan, nǝngɔ a bʊlaɨ.

Yohana 10:18

Mɨ nʊ nɨ wo do mɨ kʊlɨ lɛɨ. Nǝmǝ nǝn kang mɨ mǝ nǝ lɛɨ. Mǝ nǝn fɔlɔn nɨ mǝ nǝ lɛɨ. Mǝ nǝn fɔlɔn nɨ mǝ do lɛ tagɨ. N diilɔ Tɛtɛ mɨ a sʊwa ɨ gɔ n maaɨ.”

Yohana 4:34

Yesu gɔ, “Jǝjalǝn mǝndɨ nǝn gɔ sǝ n maa jʊ nɨ nʊ nɨ a twam ɨɨ swɨ lɛ gɔ n maaɨ, sǝ n tagǝm maatǝm maajɨ gǝnɔ.

Matta 20:28

A na nyɔ Bʊla Nǝlɨ a bɛ bɔ sǝ ja nǝ gǝn dʊʊn, a bɛ sǝ ba jʊng, sǝ a nǝ kʊlɨ gǝnɔ sǝ a jǝg nǝbɔ a lada.”

Matta 27:50

Nǝngɔ Yesu a yǝla gung diilɔ nǝn kwaan, nǝngɔ a dem kang a kʊlɨ gǝnɔ gǝmɨ.

Ibranii 9:22

N bɨlǝngǝn, kanga diilɔ a nʊngɨ, kanjǝlɔ gwam ja saalǝm nǝn tʊʊm. Na ke bɔ tǝlatǝm tʊʊmɨ, na mɨ kǝlǝmtǝm bwɨlangkɛl wo.

Roma 3:25

Kwaama a tʊng Yesu Kiristi, a yǝlam tǝlatǝm tʊʊm twama na kǝlǝmtǝm bwɨlangkɛl. N gola nǝtǝm bɨlǝngkɛl a daa gǝ woi. Kwaama a maa nyɔ sǝ a nʊng dǝngdǝng gǝnɔ, jʊ a bwɨɨ galɨgǝn n bwatǝm nǝl gǝnɔ a mam nu a bwɨlangkɛltɨn nɨ ja kwɛl ja maaɨ.

Matta 3:15

Nǝngɔ Yesu a jǝla gǝn gɔ, “Bɛ a yǝlam nyɔ kǝngkɔ. A bʊm nyɔ bǝ maa nyɔ sǝ bǝ yii kanjǝl dǝngdǝngɔ gwam Kwaama swɨ lɛɨ.” Nǝngɔ Yohana a jǝlaɨ.

1 Korinti 5:7

Bɛ jǝ́ jǝgǝm yisti galɨ nɨ, sǝ jǝ́ yǝlam bʊtɔ fɨ, maamɔ n bɨlǝngǝn jǝ́ na nyɔ. Jʊ a bwɨɨ ja kwɛl ja biyo Bɛ Gal bǝnɔ a Dikulom Yabtǝm, wʊnɨ nǝn Kiristii.

Luka 22:37

Mǝ sʊwa jen nɛ, jʊ ja mʊla a kɛl Kwaamaɨ yii yii a dul mɨ gɔ, ‘Ja mʊr gǝn a mʊgɔ nǝb bwɨlangkɛl.’ Jʊ ja sʊwa a dul mɨɨ, kwama yiitǝm gǝnɔ a la.”