Yohana 18:20 - Dadiya NT

²⁰ Yesu a jǝla gǝn gɔ, “N sʊwa yooligɔ kɛl nɨ a talɨ, a nu nǝbɨɨ, mɛlatǝmɔ a kantɨn mɛlalɨɨ jǝbɔ Kan Kwaaman a daagɔ Yahudawagɔ woi gwam gǝ mʊrkam lɛɨ. Mǝ wuu bɔ wuui a sʊwatǝm kɛl.

Yohana 18:20 Referans Kwoze

Yohana 7:26

N wɔ sʊwa kɛlɔ lɛ a talɨ. Ja maa gǝm bɔ kaa jǝl. Jǝ́ kuwo lɛ nǝb dʊʊmɔ a nyǝm dangǝn gɔ nǝn gɔ nǝn Kiristi ka?

Matta 4:23

Yesu a bwangtǝn tǝm Galiligɔ gwam, mɛla nǝbɔ gǝm lɛ a kantɨn mɛlalɨ, kiyo jim fulon kɛl lǝmɨ fɔlɔn lɔ Kwaamaɨ lɛ, gung nǝb twɨlamɔ lɛ, jǝbɔ nǝb bɔɔlamɔ a kʊm nǝbɨɨ.

Luka 21:37

Kum jǝbɔ kum Yesu gǝ maa mɛlalɨgɔ a Kan Kwaaman. Na nǝn kwaamɨ, gǝ jel jel a shu a tuli nɨ jǝ jo lɛ gɔ Yem Zaituni, sǝ ya daa wo.

Yohana 7:4

Pʌd nʊ nɨ swɨ lɛ ja nyǝm gǝnɨ, mɨ gǝ yʊ jʊ nɨ lɛ gǝ maa lɛɨ. Kanjǝl nɨ mɔ maa lɛɨ, bɛ nʊng dul mʊnɔ sǝ yooligɔ a nyǝm ń.”

Luka 4:15

Mɛla jim lɛ a kantɨn mɛlalɨ. Nǝbɔ gwam bǝlá gǝn nɛ.

Matta 26:55

Nǝngɔ Yesu a bʌ mʊrkalɨ nǝbɨɨ gɔ, “N wɛ a bwɨ jǝ́ bɛ lɛ nǝn gulʌntɨn jǝbɔ dwamtɨn sǝ ba jǝ́ ta ɨɨ? Kwangkwang mǝ yɨ yɨ a talɨ Kan Kwaaman mǝ maa mɛlalɨ lɛ wo, jǝ́ ta ɨ bɔ.

Matta 9:35

Nǝngɔ Yesu a kɛla tuulɔngɔ jǝbɔ bɛlɨ tuulɔngɔ gwam mɛla jim lɛ a kantɨn mɛlalɨɨ, kiyo jim fulon kɛl lǝmɨgɔ lɛ a dul fɔlɔn lɔ Kwaamaɨ, gung nǝb twɨlamɔ lɛ jǝbɔ nǝb nɨ mɨ kwamɨgǝnɨ.

Yohana 8:26

Mǝ nǝn kanjǝl nɨ a lada mǝ sʊwa lɛ a dul jeni, sǝ n maa jem borang nǝn. Nʊ nɨ a twam ɨɨ n nǝ bɨlǝngkɛl. Jʊ mǝ nyʊwa a daa gǝ woi jʊ mǝ sʊwa yooligɔ lɛɨ.”

Yohana 8:2

Nǝn kumsʌl butʌb nǝngɔ Yesu a yǝla shu a talɨ Kan Kwaamanɨ. Nǝbɔ gwam a bɛ daa gǝ woi, nǝngɔ a yɨ mɛla jim lɛɨ.

Yohana 7:28

Yesu maa mɛlalɨgɔ lɛ a Kan Kwaaman, nǝngɔ a gung diilɔ a sʊwa gɔ, “Jen jǝ́ nyǝm ɨ, jǝ́ nyǝm daagɔ mǝ jelʌm woi. Mǝ bɛ bɔ nǝn fɔlɔn dul mɨ. Nʊ nɨ a twam ɨɨ n nǝ bɨlǝngkɛl, jǝ́ nyǝm gǝn bɔ.

Yohana 7:14

Kwama ja lam tɨbǝl dikulomi, nǝngɔ Yesu a dɔ mʊgɔ Kan Kwaamanɔ a tǝl mɛlatǝmɨ.

Matta 26:65

Nǝngɔ dalɨ nǝkǝla nɨ a wʊlala dwang malǝng gǝnɔ nǝn kaltǝm nǝl, a sʊwa gɔ, “N nǝb nǝtǝm nyiyo wɛ bǝ saa lɛ tagɨ? Kǝngkɔ jǝ́ nyʊwa kanga a kal dun Kwaamaɨ.

Maajɨ Bɛtɔ Twamagɨɨ 26:26

Fɔlɔgɔ a nyǝm katɨ nɨ. Mǝ sʊwa gǝn kɛlɔ mɨ taal wo. N nǝ bɨlǝngkɛl a nyʊwa jʊtǝb nɨ gwam, jʊ a bwɨɨ ke bɔ daddad ja maaɨ.

Matta 24:26

“A dul kɛl nɨ, na ja sʊwa jen gɔ, ‘Wulen a kuuli.’ Ka jǝ́ jel lɛ. Na ja sʊwa jen tag gɔ, ‘Wulen a mʊgɔ kan a wuu wuui.’ Ka jǝ́ jǝla lɛ.

Markus 8:32

A sʊwa kɛl nɨ a talɨ. Nǝngɔ Bitrus a gʊ gǝn gwanga win, a tǝl wɛla gǝm lɛɨ.

Yohana 6:59

Yesu a sʊwa kanjǝl nɨ gwam nǝn kwamagɔ maa mɛlalɨ lɛ a mʊgɔ kan mɛlalɨ a Kafarnahumi.

Yohana 18:21

N wɛ a bwɨ mʊ bʌ i lɛɨ? Bʌ nǝb nɨ a nyʊwa jʊ mǝ sʊwaɨ. Bɨlǝngǝn ja nyǝm jʊ nɨ mǝ sʊwaɨ.”