Yohana 18:11 - Dadiya NT

¹¹ Nǝngɔ Yesu a sʊwa Bitrus gɔ, “Dǝgtǝn gulʌnɔ tʌgo a laa gǝnɔ gǝm. Mɨsɔ mǝ nɔɔ lɛ a mʊgɔ bɛ kʌshi gaalan nɨ Tɛtɛ a nɨ ɨ gɔ n nɔɔɨ ka?”

Yohana 18:11 Referans Kwoze

Matta 26:39

A kʊwatǝn nǝn dǝm nyɨɨ, nǝngɔ a gǝla a jʊng, kǝga gǝnɔ a tǝm, a maa keligɨɨ gɔ, “Tɛtɛ mɨ, na daa daa tʌgo dǝngdǝngɨ, dem mɨ kʌshi gaalan nɨ mǝ nyʊwa lɛ nǝnɨ. Maa jʊ mʊ swɨ lɛɨ, ke bɔ jʊ mǝ swɨ lɛɨ.”

Matta 20:22

Nǝngɔ Yesu a jǝla gɔ, “Jǝ́ nyǝm bɔ jʊ jǝ́ kela lɛɨ. Jǝ́ mwɨ mwɨ jǝ́ nɔɔ gaalan nɨ mǝ nɔɔ lɛɨ ka?” Nǝngɔ ja jǝla gǝn gɔ, “Nǝn mwɨ mwɨ.”

Yohana 20:17

Yesu a sʊwa gǝn gɔ, “Ka ń ta ɨ lɛ, jʊ a bwɨɨ mǝ gwi bɔ n yɔ a daa Tɛtɛ mɨ woi dɨn. Yɔ a daa kɛtǝlam mɨ woi ya ń sʊwa ji mɔʊ, ‘Mǝ yi a daa Tɛtɛ mɨ woi jǝbɔ Tɛtɛ jen, Kwaama mɨ jǝbɔ Kwaama jen.’ ”

Yohana 15:10

Mǝ, n bwangtǝn diil Tɛtɛ mɨɨ. N yɨ a mʊgɔ swɨtǝm gǝn. Jen tʌjen, na jǝ́ bwangtǝn diil mǝndɨ, jǝ́ yɨ yɨ a mʊgɔ swɨtǝm mɨ.

Ibranii 12:2

Bǝ ya nu bǝnɔ a daagɔ Yesu woi, gǝ nɨ n dʊʊ nǝb nǝtǝm bɨlǝngkɛlɨ, nǝn gɔ n nǝ yiitǝm gǝnɨ. Wʊnɨ n kɛl fulotǝm nǝl nɨ Kwaama a ya a kǝga gǝnɨ, a kʊ nǝl nǝn tɨya kʊʊtǝmɔ, n jǝ gunidul, a do bɔ nyɔ a dul gǝn. Kǝngkǝnɨ yǝm a kang jajǝng kotere fɔlɔn Kwaamaɨ.

2 Korinti 10:4

Kanjǝl tatǝm kun nǝnɔ n ke bɔ a yooli. N kwaan Kwaamaɨ, wʊnɨ gǝ kʌb kanjǝl kwaan Mammɨ lɛɨ.

Luka 22:42

a sʊwa gɔ, “Tɛtɛ, na ń jǝlaɨ, dem mɨ bɛ kʌshi gaalan nɨ. Wʊnɨ ke bɔ swɨtǝm mɨ, n swɨtǝm mʊn.”

Matta 26:42

Nǝngɔ a yǝla a shu ya maa keli na yogɨɨ gɔ, “Tɛtɛ mɨ, na mɨsɔ mʊ dem mɨ kʌshi nɨ lɛ a dul mɨɨ, mʊ swɨ lɛ n nɔɔ mwɛ nɨ a mʊgɔ gǝnɨ, maa kanga mʊ swɨ lɛɨ.”

2 Korinti 6:7

Nǝn sʊwa bɨlǝngkɛl, kwaan Kwaamaɨ maa maajɨ lɛ nǝn nǝn. Maatǝm jǝ dǝngdǝngɔ a maa na kanjǝl tatǝm kun a kang jajǝng jǝbɔ kang fɔlɔng nǝn.

Yohana 18:36

Yesu a jǝla gɔ, “Fɔlɔn mǝndɨ ke bɔ na yooli nɨɨ. Na na fɔlɔn mǝndɨ na yooli nɨɨ, na bɛtɔ jwaalɛn mǝndɨ ta ta kun kage Yahudawagɔ a ta ɨ. N bɨlǝngǝn fɔlɔn mǝndɨ mɨ a daa nɨ gǝm.”

Yohana 17:24

“Tɛtɛ, mǝ swɨ lɛ nǝb nɨ mʊ nɨ ɨɨ, ja yɨ jǝbɔ mǝ a daagɔ mɔ woi, sǝ ja kuwo dʊʊlǝn mǝndɨ, dʊʊlǝnɔ mʊ nɨ ɨ a dul swɨtǝmɔ mʊ maa mɨ lɛɨ na lǝga bɔ ja fwal yooligɨɨ.

Luka 12:30

Nǝb nɨ a yooli nɨ a nyǝm bɔ Kwaamaɨ, jǝ saa kanjǝl gɔ. Tɨya jen nɨ a kwamaɨ a nyǝm komʌn jenɔ.