Yohana 17:6 - Dadiya NT

⁶ “N kwɛl n nʊng ń nʊng ńɨ nǝb nɨ mʊ nɨ ɨ a yooli nɨɨ. Galɨgǝn jǝ na a mɔ, ń nɨ ɨ ji, ja bwangtǝn kɛl mʊnɔ.

Yohana 17:6 Referans Kwoze

Yohana 17:26

N nʊng ji nʊngɨ mɔ, mǝ ja ja kǝga nǝn nʊngtǝm jinɔ tag, sǝ swɨtǝmɔ mʊ maa mɨ lɛɨ, a yɨ jǝbɔ ji, sǝ mǝ tǝmɨ n yɨ a kʊm jin.”

1 Yohana 5:20

Bǝ nyǝm Bʊla Kwaamaɨ a bɛ nǝngɔ a nǝ bǝn nyǝmtǝmɨ, sǝ bǝ nyǝm nʊ nɨ nǝn bɨlǝngkɛlɨ. Bǝn bǝ na a mʊgɔ gǝn, gǝ nɨ n nǝ bɨlǝngkɛlɨ, nǝn gɔ nǝn Bʊla gɔ Yesu Kiristii. Nǝn gɔ nǝn Kwaama nǝ bɨlǝngkɛlɨ, jǝbɔ kʊlɨ nɨ mɨ dɨtǝm woi.

Yohana 6:37

Pʌd nʊ nɨ Tɛtɛ a nɨ ɨɨ, jǝ bɛ bɛ a daa mɨ woi. Nʊ nɨ a bɛ a daa mǝ woi, mɨsɔ mǝ kaa gǝn nɛ.

Yohana 17:24

“Tɛtɛ, mǝ swɨ lɛ nǝb nɨ mʊ nɨ ɨɨ, ja yɨ jǝbɔ mǝ a daagɔ mɔ woi, sǝ ja kuwo dʊʊlǝn mǝndɨ, dʊʊlǝnɔ mʊ nɨ ɨ a dul swɨtǝmɔ mʊ maa mɨ lɛɨ na lǝga bɔ ja fwal yooligɨɨ.

Yohana 17:2

Ń kwɛl ń nǝ gǝn fɔlɔn a dul nǝfitʌmi gwam, sǝ a nǝ kʊlɨ nɨ mɨ dɨtǝm woi a nǝb nɨ gwam mʊ nǝ gǝnɨ.

2 Korinti 4:6

Kwaama nɨ a sʊwa gɔ, “Bɛ nyalǝmɔ a won a kʊm kumtojilii,” nǝn gɔ tag a dǝg nyalǝmɔ won nɛ a mʊgɔ nǝl nǝnɨ, sǝ a won nǝbɔ gǝm gwam sǝ ja nyǝm dʊʊlǝn gǝnɔ a kǝga Kiristii.

Yohana 15:19

Na na jǝ́ na a yooli nɨɨ, na yooli nɨ a swɨ jen kanga a swɨm nǝbam gǝnɨ. Jǝ́ ke bɔ na yooli nɨ, n kwɛl n jǝgǝm jen sǝ jǝ́ bǝla yooli nɨ, n jʊ a bwɨ yooligɔ a kɔ jeni.

Dʊgam Nyangnyang 3:8

N nyǝm maajɨtɨn mʊnɔ. N bǝla mʊn nyanga kanɔ a wumo wumoi, wʊnɨ mɨ nʊ nɨ wo nǝn kwaan nʊng lɛɨ. N nyǝm kwaan mʊnɔ dǝm sul, ń kɨla kɛl mǝndɨ, mʊ kana bɔ nyǝmtǝm dun mǝndɨ.

Ibranii 3:6

A Kiristii n nǝ yiitǝm swatǝm yaa, n bwɛ fɔlɔn a mʊgɔ lɔ Kwaamaɨ. Bǝn bǝ lɔ gɔ, na bǝ tɨɨ nǝn kwaan, bǝ dem bɔ yatǝm nǝlɨ.

Yohana 15:7

Na jǝ́ yɨ a mʊgɔ mɨɨ, kɛl mǝndɨ yǝm a nǝl jeni, jǝ́ kela kela jʊ nɨ pʌd jǝ́ swɨ lɛɨ, Kwaama maa jem maa.

Dʊgam Nyangnyang 2:13

N nyǝm daagɔ mʊ yǝm woi, n daagɔ Mammɔ maam fɔlɔn nɛɨ sul, ń nǝ bɨlǝngkɛl a dun mɨ gǝm. Mʊ bǝla bɔ nǝtǝm bɨlǝngkɛl a daa mɨ woi, a joltɨn Antibasɨ nǝ tatǝm swatǝm yaa, nǝ nǝtǝm nyiyo a kɛl dul mɨ. Wʊnɨ ja jʌ a kʊm jeni, a daagɔ Mammɔ yǝm woi.

Ibranii 2:12

A sʊwa gɔ, “Mǝ sʊwa sʊwa dun mʊnɔ a daa kɛtǝlam mǝndɨ woi. A tɨbǝl mʊrkalɨ nǝb bwangtǝm Kwaamaɨ, mǝ bǝlá ń bǝlá ń nǝn nafɨ.”

2 Timoti 1:13

Bɛ ń maa mɛlalɨ nǝn kɛl nyan nɨ mʊ nyʊwa a daa mǝ woi. Bɛ ń yɨ a mʊgɔ nǝtǝm bɨlǝngkɛl, jǝbɔ swɨkan a mʊgɔ Kiristi Yesui.

Kolosii 3:16

Bɛ kɛl Kiristii a yɨ a mʊgɔ nǝl jen a lada. Bɛ ya jǝ́ mɛlaka lɛ, bɛ ya jǝ́ mwɛka lɛ nǝn yʊlan a gola matǝm nafɨ Zaburaɨ, jǝbɔ nafɨ bǝlátǝm Kwaamaɨ, jǝbɔ nafɨtɨn nɨ Yʊwagɔ a bɛ nǝnɨ. Jǝ́ ma lɛ nǝn buutǝm kang a mʊgɔ nǝl jenɔ gǝm.

Roma 11:2

Mɨ wo dǝm Kwaama a yǝla bɔ nǝbam gǝnɔ a jǝgam galɨgǝnɨ gǝm gul. Jǝ́ nyǝm bɔ jʊ mʊlalɨ kɛl Kwaamaɨ a sʊwa a dul Iliyaɨ ka? A sʊwa kanga a yɔ nǝn wi gǝnɔ a daagɔ Kwaama woi a dul nǝbɔ Israilaɨ gɔ,

Maajɨ Bɛtɔ Twamagɨɨ 13:48

Nǝn kwama Bʌtʌbɔ a nyʊwa nyɨɨ, nǝngɔ ja nyʊwa lǝma nyangǝnɨ. Nǝngɔ jǝ bǝlá kɛl Tɛlalɔɨ lɛɨ. Nǝb nɨ Kwaama a jǝgǝm nya kʊlɨ lɛ mɨ dɨtǝm woi, nǝngɔ ja nǝ bɨlǝngkɛlɨ.

Yohana 18:9

Jʊ nɨ a bwɨ sǝ ja yii kɛl nɨ ga sʊwaɨ gɔ, “A mʊgɔ nǝb nɨ mʊ nɨ ɨɨ, a lɛ mɨ bɔ wo win swar.”

Yohana 17:16

Jǝ ke bɔ a yooli nɨ, kanga mǝ tǝmɨ mǝ ke bɔ a yooli nɨ.

Yohana 17:14

N sʊwa ji kɛl mʊnɔ, yooli nɨ a kɔ ji, jʊ a bwɨɨ jǝ ke bɔ a yooli nɨɨ, kanga mǝ tǝmɨ mǝ ke bɔ a yooli nɨɨ.

Yohana 15:3

Jʊ mǝ sʊwa jeni, nǝn gɔ a dǝg jen jǝ́ yǝlam nǝb sagsagɨ.

Yohana 12:28

Tɛtɛ, dʊʊl dun mʊnɔ.” Nǝngɔ kaa diilɔ a jel a dʌbʌl sʊwa lɛ gɔ, “N kwɛl n dʊʊl gǝn dʊʊlɨ, mǝ sʊtǝn sʊ dʊʊltǝm gǝnɔ tag.”

Yohana 6:39

Swɨtǝm nʊ nɨ a twam ɨɨ, gɔ bɛ ka n dǝg lɛ kaa nǝl win a lɛla a mʊgɔ nǝb nɨ ga nɨ ɨɨ. Bɛ n gung ji a kɔkɔ dɨltǝmɔ gǝm.

Yohana 1:18

Mɨ nǝn nǝfili nɨ a kuwo Kwaama woi, nǝn Bʊla gɔ kwaagɔ win, nǝn gɔ dakini jǝbɔ Tɛ bwɛɨ, nʊng bǝn jelkalǝng Kwaamaɨ lɛɨ.

1 Bitrus 1:1

Nǝmǝ mǝ Bitrus, bwɛ twama Yesu Kiristii. Mǝ mʊla langǝn bwangǝn nɨ mǝ tʊng a daagɔ nǝb nɨ Kwaama a jǝgǝm jǝgǝmɨ, nǝbɔ n Bʌtʌb a yoolii, ja kwɨya nǝn kwan a tǝm Fantasɨ, jǝbɔ Galatiyaɨ, jǝbɔ Kafadokiyaɨ, jǝbɔ Asiyaɨ, jǝbɔ Bitiniya tagɨ.

Yohana 8:51

N bɨlǝngkɛl mǝ sʊwa jen nɛɨ, nʊ nɨ bwangtǝn mɛlalɨ mǝndɨ lɛɨ, mɨsɔ bʊla lɛ wo.”

Yohana 8:52

Nǝngɔ Yahudawagɔ a sʊwa gǝn gɔ, “Kǝngkɔ nǝn nyǝm mʊ nǝngǝn nǝn yʊwa bwɨla. Ibrahim jǝbɔ nǝbkuwotǝmkǝgagɔ ja bʊlala. Mɔ ń sʊwa mɔʊ nʊ nɨ bwangtǝn mɛlalɨ mʊnɔ lɛɨ, mɔʊ mɨsɔ bʊla lɛ wo.

Yohana 17:7

Kǝngkɔ ja nyǝm kanjǝl nɨ gwam mʊ nɨ ɨɨ, a bɛ a daa mʊ woi.

Yohana 17:12

Kwama mǝ dakini nǝbɔ jii, n kɨla ji nǝn kwaan dun mʊnɔ nɨ mʊ nɨ ɨɨ. N kɨla ji, mɨ nʊ nɨ wo a lɛlaɨ, na ke bɔ nʊ a gola kalatǝmɨ, sǝ a yii jʊ mʊlalɨ kɛl Kwaamaɨ a sʊwaɨ.

Dʊgam Nyangnyang 3:10

Ń kɨla kɛlɔ mǝ sʊwa ń a dul kʊtǝm nǝlɨ, n jʊ a bwɨ mǝ tǝmɨ mǝ kɨla ń nɛ a jʊ nɨ bwɨ lɛ a kwama tɛltǝmɨ, wʊnɨ gǝla lɛ a dul yooli nɨɨ, sǝ ja tɛl nǝb nɨ yǝm a yooli nɨɨ.