Yohana 16:33 - Dadiya NT

³³ “Mǝ sʊwa jen kanjǝl nɨ lɛ, sǝ jǝ́ nya lǝma a daa mɨ woi. A mʊgɔ yooli nɨ jǝ́ nyʊwa gaalan nɛ. Bɛ jǝ́ yɨ nǝn kwamǝn nǝl. N ku jelʌn a dul yooligɔ gǝm.”

Yohana 16:33 Referans Kwoze

Yohana 14:27

N bǝla jen nǝn yɨm kwamɨgǝn. N yɨm kwamɨgǝn mǝ nǝ jen nɛɨ. Ke bɔ a wʊnɨ yooligɔ nǝ jen nɛɨ mǝ nǝ jen nɛɨ. Ka jǝ́ kom lɛ dul jenɔ. Ka jǝ́ nyʊwa lɛ taal.

1 Yohana 5:4

Nʊ nɨ n bʌtʌm Kwaamaɨ, a ku jelʌn yooligɔ. Nǝtǝm bɨlǝngkɛl bǝnɔ nǝn gɔ a dǝg bǝn bǝ ku jelʌn yooligɨɨ.

2 Tasalonikaɨ 3:16

Bɛ Tɛlalɔ nɨ bɛ lɛ nǝn yɨm kwamɨgǝnɨ a nǝ jen yɨm kwamɨgǝn kwangkwang a daa nɨ jǝ́ nya dul jenɔ woi. Bɛ Tɛlalɔ a yɨ dakini jǝbɔ jen gwam.

1 Yohana 4:4

Jǝ́ bɛtɔ dwalǝnɔ, jen jǝ́ na a Kwaamaɨ, jǝ́ ku jelʌn a dul nǝb nɨɨ, jʊ a bwɨɨ nʊ nɨ a mʊgɔ nǝl jeni a laa kwaan nʊ nɨ a yooli nɨɨ.

Filibii 4:7

Dɨsɔ lǝma Kwaamaɨ wʊnɨ a laa nyǝmtǝm bǝnɔ gwamɨ, a tɔɔ nǝl jenɔ jǝbɔ bʊʊlalɨ jenɔ a mʊgɔ Kiristi Yesui.

1 Bitrus 5:9

Bɛ jǝ́ kɔ gǝn, jǝ́ tɨ nǝn kwaan a nǝtǝm bɨlǝngkɛl jenɔ gǝm. Jǝ́ kwɛl jǝ́ nyǝm nyǝmɨ kɛtǝlam jenɔ a yooli nɨɨ pʌd, ja kwɛl ja ya jim yaɨ nɔɔtǝm gaalanɔ.

Yohana 14:1

“Ka jǝ́ kom lɛ dul jenɔ. Bɛ jǝ́ nǝ bɨlǝngkɛl a daa Kwaama woi, jǝ́ nǝ bɨlǝngkɛl a daa mǝ woi tag.

2 Timoti 3:12

A na nyɔ, gwam nǝb nɨ swɨ lɛ a yɨ nǝn kʊlɨ a mʊgɔ Kiristi Yesui, jǝ nɔɔ nɔɔ gaalan.

Maajɨ Bɛtɔ Twamagɨɨ 14:22

Jǝ kwam nǝb bwangtǝm Kwaamaɨ gǝm nǝl lɛ gɔ ja tɨ a nǝtǝm bɨlǝngkɛl. Jǝ sʊwa lɛ gɔ, “Nǝn nɔɔtǝm gaalanɔ a lada bǝ dɔ fɔlɔn lɔ Kwaamaɨ lɛɨ.”

Dʊgam Nyangnyang 3:21

“Nʊ nɨ a ku jelʌni, mǝ nǝ gǝn nǝ gola a yɨ jǝbɔ mǝ a dʌbʌl kotere fɔlɔn mǝndɨ, kanga mǝ tǝmɨ mǝ ku jelʌni, mǝ yɨ dakini nǝbɔ Tɛtɛ mɨ a dʌbʌl kotere fɔlɔn gǝnɨ.

Ibranii 11:25

A kuwo a laa gǝm jǝl gǝ nɔɔ gaalan jǝbɔ nǝbam Kwaamaɨ a dul lǝma bwɨlangkɛl nɨ mɨsɔ tɨm dɨtǝm lɛɨ.

Dʊgam Nyangnyang 7:14

Nǝngɔ mǝ jǝla gǝn mǝʊ, “Nǝ dʊʊ, ń nyǝm nyǝmɨ.” Nǝngɔ a sʊwa ɨ gɔ, “N nǝb nɨ a jel a gaalan bwɨlaɨ, ja galam dwang malǝng jinɔ a yǝla fulola nǝn fǝbfǝb nyɨɨ, nǝn tʊʊm Bɛ Gal nɨ.

1 Tasalonikaɨ 3:7

A na nyɔ kambɔ, a mʊgɔ gʌtǝm nǝnɔ gǝm, jǝbɔ gaalanɔ nǝn nɔɔɨ, nǝn kʊʊ nǝl a dul jen a kɛl nǝtǝm bɨlǝngkɛl jenɔ gǝm.

Dʊgam Nyangnyang 12:11

Ja ku jelʌn a dul gǝn a gola tʊʊm Bɛ Gal nɨ, jǝbɔ nǝtǝm nyiyo nɨ ja sʊwaɨ, jʊ a bwɨɨ, ja swɨ jǝ nǝ kʊlɨtɨn jinɔ a yɔ nǝn a bwaa.

Kolosii 1:20

N gola Kiristii a dɔ kʊm kanjǝlɔ gwam a fɛka nǝn kang gǝnɨ, kanjǝl nɨ gwam a dʌbʌli jǝbɔ kanjǝl nɨ a tǝmɨ. N gola tǝlatǝm tʊʊm gǝn a dʌbʌl tɨya kʊʊtǝm a bɛ nǝn yɨm kwamɨgǝnɨ.

2 Korinti 1:3

Bɛ buutǝm kangɔ a ta tʌgo gwanggwang a daagɔ Kwaama woi wʊnɨ nǝn Tɛtɛ a Tɛlalɔ bǝn Yesu Kiristii, Tɛtɛ nɨ ji bʊnǝn nɛɨ jǝbɔ Kwaama nɨ nǝ bǝn yʌbtǝm nǝl lɛ gwamɨ.

2 Korinti 13:11

A dɨltǝmɔ gǝmɨ, kambɔ, bǝ kuwoka kaa di. Jǝ́ yii nǝl jenɔ dangǝn. Jǝ́ nyʊwa keli mǝndɨ. Jǝ́ yɨ yɨm kwamɨgǝn a bʊtɔ jen. Jǝ́ yɨ nǝn yʌbtǝm nǝl. Kwaama n nǝ nǝtǝm yɨm swɨkan jǝbɔ yʌbtǝm nǝl, yɨ yɨ dakini jǝbɔ jen.

1 Tasalonikaɨ 3:4

Nǝn kwama nǝnɔ jeni nǝn sʊwa jen nɛ nǝn gɔ, bǝ nɔɔ nɔɔ gaalan. A ba yǝlam nyɔ kanga jǝ́ nyǝmɨ.

Galatiya 6:14

Mɨsɔ mǝ maa sʊtɔ lɛ wo, na ke bɔ a dul kʊʊtǝm Tɛlalɔ bǝn Yesu Kiristii, wʊnɨ a dul bwaa gǝn a tɨya kʊʊtǝm mǝ tǝlam kanjǝl yooli nɨɨ, yooli nɨ a tǝlam kanjǝl mǝndɨ.

2 Korinti 7:4

N jǝla nǝn jen dangǝn. Mǝ maa lɨyal lɛ nǝn jen dangǝn. Jǝ́ kʊʊ mɨ nǝl lɛ dangǝn. A mʊgɔ gaalan nǝnɔ gǝm gwam, mǝ maa fulotǝm nǝl lɛ dangǝn.

Maajɨ Bɛtɔ Twamagɨɨ 27:25

A dul kɛl nɨ, jǝ́ kʊ nǝl nǝfitʌm, jʊ a bwɨɨ n nǝ bɨlǝngkɛl a daa Kwaama woi kanga a sʊwa ɨɨ, bwɨ bwɨ nyɔ.

Galatiya 1:4

Yesu Kiristi a nǝ dul gǝnɔ a dul bwɨlangkɛl bǝn, sǝ a jǝg bǝn a mʊgɔ bwɨlan yooli nɨ gǝm. Wʊnɨ nǝn gɔ swɨtǝm Kwaama Tɛtɛ bǝnɨ.

Maajɨ Bɛtɔ Twamagɨɨ 9:31

Nǝngɔ la mʊrkalɨ nǝb bwangtǝm Kwaamaɨ nɨ a Yahudiyaɨ, jǝbɔ Galilii, jǝbɔ Samariyaɨ, ja nya lǝma yɨmɔ, ja nya kwaan ja ja kǝga dangǝn, jǝ yɔ lɛ nǝn maajɨ jinɔ jǝ dʊʊl Tɛlalɔ lɛ, Yʊwa Kwaamaɨ tɨka ji lɛ, jǝ bwi lɛ.

Yohana 12:31

Kǝngkɔ Kwaama mwatɨ yooli nɨ gǝm borang lɛɨ, n kǝngkɔ jǝ kaam nǝ fɔlɔn yooli nɨ lɛɨ.

Luka 2:14

“Dʊʊlǝnɔ na a Kwaama nɨ a dʌbʌli, yɨm kwamɨgǝnɔ na a nǝb nɨ Kwaama a nyʊwa lǝma nǝn ji a yooli nɨɨ.”

Maajɨ Bɛtɔ Twamagɨɨ 27:22

Mǝ gʊ lɔl jenɔ lɛ kǝngkɔ, jǝ́ kʊ nǝl. Jʊ a bwɨɨ mɨ nʊ nɨ wo lɛ kʊlɨ gǝnɔ lɛ a kʊm jeni, n tɨyamwɛngɔ lɛ lɛ kwaagɨɨ.

Luka 19:38

Jǝ sʊwa lɛ gɔ, “Bwiligɔ n fɔlɔ nɨ a bɛ a dun Tɛlalɔɨ. Yɨm kwamɨgǝnɔ a lada a dʌbʌl. Dʊʊlǝnɔ na a Kwaamaɨ.”

Maajɨ Bɛtɔ Twamagɨɨ 23:11

Kumɔ a fii, nǝngɔ Tɛlalɔ a tɨ nǝn dɔɔm a daa Bulus woi, a sʊwa gǝn gɔ, “Ja kǝga nǝn kʊtǝm nǝlɔ. Kanga mʊ maa nǝtǝm nyiyo a dul mɨ a Urushalimaɨ, n kanga mʊ nǝ nyiyo lɛ a dul mɨ a Romaɨ.”

Ibranii 7:2

Nǝngɔ Ibrahim a nǝ gǝn win a mʊgɔ kʊb a kanjǝlɔ gwamɨ. Nǝn tɨkǝga dun gǝnɔ gǝ nʊng, “Fɔlɔ nǝ dǝngdǝng.” Nǝn gɔ Fɔlɔ Shalimaɨ, gǝ nʊng, “Fɔlɔ yɨm kwamɨgǝn.”

Yohana 16:11

Bʊʊlalɨ jinɔ mɨ dǝngdǝng a borangɔ gǝm, jʊ a bwɨɨ a kwɛl a maa fɔlɔ yooli nɨ gǝm borang.

Matta 9:2

Nǝngɔ ja bɛ gǝm nǝn nʊ nɨ bʊtɔgɔ a swam swamɨ, daam a wɨlǝn. Yesu a kuwo nǝtǝm bɨlǝngkɛl jini, nǝngɔ a sʊwa nʊ nɨ a swam swamɨ gɔ, “Bʊla mɨ, maa fulotǝm nǝl. N kǝlǝm mʊn bwɨlangkɛl mʊnɔ.”

2 Korinti 2:14

Bɛ buutǝm kangɔ a yǝlam nyɔ a daagɔ Kwaama woi, wʊnɨ bwangtǝn nɛ jǝbɔ nǝn kwangkwang nǝ ku jelʌn nɛ a gola Kiristii. Nǝn gɔ maa maajɨ lɛ nǝn nǝn sǝ nǝn wa kɛl nyǝmtǝm Kiristii wʊnɨ na kunʌn lǝmɨ a tǝmɔ gǝm gwamɨ.

2 Korinti 4:7

Shilo nɨ nǝn nǝnɨ, gǝ na a mʊgɔ suubʌl boli, sǝ ja nʊng gʌleng kwaan nɨ na a Kwaamaɨ, ke bɔ a nǝn.

2 Korinti 6:4

A kanjǝlɔ gǝm gwam nǝn maa lɛɨ, nǝn maa sǝ nǝn nʊng nǝn nǝb maajɨ Kwaamaɨ. Nǝn kʊ nǝl, nǝn nɔɔ gaalan, nǝn gʌ, nǝn nya komʌn bwɨla.

1 Yohana 2:13

Mǝ mʊla jem lɛ jǝ́ tɛbɔ, jʊ a bwɨɨ jǝ́ nyǝm gǝn wo nǝn tɨkǝga a fwaltǝm yooligɔ gǝm. Mǝ mʊla jem lɛ jǝ́ bayǝlǝmɔ, jʊ a bwɨɨ jǝ́ ku jelʌn a dul nǝ bwɨla nɨ. Mǝ mʊla jem lɛ jǝ́ bɛtɔ dwalǝnɔ, jʊ a bwɨɨ jǝ́ nyǝm Tɛtɛ.