Yohana 15:8 - Dadiya NT

⁸ Jǝ́ maa maajɨtɨn nɨ Kwaama swɨ lɛɨ, sǝ a nʊng jǝ́ bɛtɔ mɛlalɨ mɨ. Jʊ nɨ nǝn gɔ bɛ lɛ nǝn dʊʊlǝn Tɛtɛ mɨɨ.

Yohana 15:8 Referans Kwoze

Yohana 8:31

Nǝngɔ Yesu a sʊwa Yahudawa nɨ a nǝ bɨlǝngkɛl a daa gɔ woi gɔ, “Na jǝ́ ja kǝga nǝn tatǝm mɛlalɨ mǝndɨ, jǝ́ bɛtɔ mɛlalɨ mɨ, nǝn bɨlǝngǝn.

Matta 5:16

A dul kɛl nɨ, jǝ́ bǝla nyalǝm jenɔ ya beta lɛ a kǝga nǝbɨɨ, sǝ ja kuwo maajɨ nyan jenɔ, sǝ ja dʊʊl Tɛtɛ jen nɨ a dʌbʌli.

Filibii 1:11

Jǝ́ yii tag nǝn maajɨ dǝngdǝng wʊnɨ jǝ́ nya lɛ a gola Yesu Kiristii. Wʊnɨ nǝn gɔ bɛ lɛ nǝn dʊʊlǝn Kwaamaɨ jǝbɔ bǝlátǝm gǝnɨ.

Yohana 15:5

“Nǝmǝ mǝ tɨya fogfogigɨɨ, nǝjen jǝ́ kang tɨyantɨnɨ. Nʊ nɨ a yɨ a mʊgɔ mɨɨ, mǝ tǝmɨ mǝ a mʊgɔ gǝnɨ, nǝn gɔ tʊʊ tʊʊl lɛ a ladaɨ. Na ke bɔ a mʊgɔ mɨɨ, mɨsɔ jǝ́ dwal lɛ jǝ́ maa kaa jǝl.

1 Bitrus 4:11

Pʌd nʊ nɨ nǝtǝm gǝnɔ n kiyotǝm kɛlɨ, bɛ ga kiyo kɛl Kwaamaɨ. Nʊ nɨ pʌd maa tɨkalɨ lɛɨ, bɛ ga maa nǝn kwaan nɨ Kwaama a nǝ gǝnɨ, sǝ a mʊgɔ kanjǝlɔ gǝm gwam jǝ́ dʊʊl Kwaama a gola Yesu Kiristii. Bɛ dʊʊlǝnɔ, jǝbɔ fɔlɔnɔ a ta tʌgo gwanggwang a daa gǝ woi mɨ dɨtǝm wo. A daa nyɔ!

Yohana 13:35

Na jǝ́ maa swɨkatǝm lɛɨ, n daagɔ nǝbɔ gwam nyǝm lɛ gɔ jǝ́ bɛtɔ mɛlalɨ mɨɨ.”

1 Korinti 10:31

Na n nɔɔtǝmɨ, na n jatǝmɨ, na na kaa jǝl jǝ́ maa lɛɨ, jǝ́ maa gǝn gwam nǝn dʊʊlǝn Kwaamaɨ.

1 Korinti 6:20

Kwaama a ten jen teni, a ywa jǝ tentǝm jenɔ a lada. A dul kɛl nɨɨ, bɛ jǝ́ dʊʊl Kwaama nǝn bʊtɔ jenɔ.

Luka 6:35

Jǝ́ swɨ nǝb kiim jenɔ, jǝ́ maa jim jǝ nya. Jǝ́ nǝ nǝbɔ naan ka jǝ́ bʊʊla lɛ ywatǝmɔ. Maatǝmɔ nyɨɨ jǝ́ nya nya bwili nɨ a ladaɨ a dʌbʌl. Jǝ́ yǝlam yǝlam bɛtɔ lɔ nʊ nɨ a Laa Dʊʊlǝnɨ. Nǝn gɔ maa jǝ nya lɛ a nǝb nɨ mɨ buu kang lɛɨ jǝbɔ nǝb bwɨlamɨ.

1 Bitrus 2:12

Bɛ jǝ́ yɨ yɨm nyan a kʊm Bʌtʌbiɨ, sǝ na jǝ tuwo jen nɛɨ gɔ jǝ́ nǝb bwɨlamɨ, jǝ kuwo kuwo maajɨ nyantɨn jenɔ, jǝ dʊʊl dʊʊl Kwaama nǝn kum nɨ bɛm lɛɨ.

Titus 2:10

ka ja kuu lɛ kuul. Bɛ ja nʊng tɛlalɔ jinɔ jǝla jǝla nǝn ji, sǝ ja dǝg nǝbɔ a nǝ dʊʊn a mɛlalɨ Kwaama Nǝbʊʊlɨ bǝnɨ a golantɨnɔ gǝm gwam.

Titus 2:5

Bɛ ja yǝlam nǝb tatǝm dul, nǝb nǝl sagsag, nǝb nɨ dʌng lɔ lɛɨ, nǝb maatǝm lǝma, nǝb nɨ nǝ batǝlam jinɔ dʊʊn nɛɨ, kage ja tuwo kɛl Kwaamaɨ.

Matta 5:44

Jʊ mǝ sʊwa jen nɛ kǝngkɨɨ, jǝ́ swɨ nǝb kiim jenɔ. Jǝ́ maa nǝb nɨ nǝ jen gaalan nɛɨ gǝm keli.

Matta 9:8

Nǝb nɨ a mʊrkaɨ a kuwo nyɨɨ, nǝngɔ taalɔ a ta jii, ja bǝlá Kwaama nɨ a nǝ nǝbɔ fɔlɔnɨ.