Yohana 15:24 - Dadiya NT

²⁴ N maa kanjǝl nɨ mɨ nʊ nɨ wo a maaɨ. Na na mǝ maa bɔ kanjǝl nɨɨ, na ja nyǝm bɔ gɔ jʊ jǝ maaɨ, n bwɨlangkɛl. N wɔ kǝngkɔ ja kuwo kanjǝl nɨ mǝ maaɨ, kǝngkɔ ja kɔ ɨ, ja kɔ Tɛtɛ mɨ tag.

Yohana 15:24 Referans Kwoze

Yohana 14:9

Yesu a jǝla gǝn gɔ, “Filibus, n yɨ nǝbɔ jen fanga kǝrnɨ, mʊ nyǝm ɨ bɔ ka? Gwam nʊ nɨ a kuwo ii, a kuwo Tɛ bwɛ. Wɛ mʊ sʊwa lɛ mɔʊ, ‘Nʊng nǝn Tɛ bwɛɨ’?

Yohana 5:36

“Mǝ nǝngǝn nǝn nǝtǝm nyiyo a dul mɨ, wʊnɨ a laa a nɨ Yohana a nǝ a dul mɨɨ. Kanjǝl nɨ mǝ maa lɛɨ, wʊnɨ Tɛtɛ mɨ a nɨ ɨ gɔ n maaɨ, n jʊtǝb nɨ a yǝlam nʊngtǝm a dul mɨɨ, a nǝ nyiyo gɔ nǝn Tɛtɛ mɨ a twam ɨ.

Yohana 10:37

Na ke bɔ maajɨ gɔ Tɛtɛ mɨ maa lɛɨ, nǝn gɔ mǝ maa lɛɨ, ka jǝ́ nǝ lɛ bɨlǝngkɛl a daa mɨ woi.

Yohana 10:32

Nǝngɔ Yesu a jǝla ji gɔ, “N maa jem kanjǝl nyantɨnɔ a lada a daagɔ Tɛtɛ woi. Nʊ won a kʊm ji, jǝ́ swɨ lɛ jǝ́ mala ɨ nǝn tɛl sǝ jǝ́ jʌ ii?”

Yohana 9:32

A tǝltǝm yooli nɨ a bɛ nǝn a dwiyeni, bǝ nyʊwa bɔ kaa nǝl wo a wum nu nʊ nɨ ja bʌ gǝn n kulii.

Yohana 7:31

Nǝbɔ a lada tag a kʊm nǝbɨɨ a nǝ bɨlǝngkɛl nǝn Yesu, jǝ sʊwa lɛ gɔ, “Nǝn kwama Kiristi bɛm lɛɨ, maa maa kanjǝl laatǝm kang nɨ shu shui a wʊnɨ nʊ nɨ a maaɨ ka?”

Yohana 3:2

Kaa kum a bɛ a daagɔ Yesu woi nǝn kum, nǝngɔ a sʊwa gǝn gɔ, “Feyi, nǝn nyǝm mʊ nǝ mɛlalɨ nɨ Kwaama twamɨ. Mɨ nǝn nʊ nɨ maa jǝ laatǝm kang nɨ mʊ maa lɛɨ, na Kwaama mɨ jǝbɔ gɨɨ.”

Matta 9:33

Kwama nɨ a jǝgǝm bwɛlaagɨɨ, nǝngɔ nʊ nɨ a sʊwa kɛlɨ, mʊrkalɨ nǝbɨɨ a ta kang a nyiyo, nǝngɔ ja sʊwa gɔ, “Bǝ kuwo bɔ jǝ laatǝm kang nɨ wo nyɔ a mʊgɔ Israila.”

Yakubu 4:4

Jǝ́ na na nǝb bulon! Jǝ́ nyǝm bɔ yǝlamtǝm fwalɨ yooligɨɨ win jǝbɔ maatǝm kii jǝbɔ Kwaamaɨ ka? A dul kɛl nɨ, nʊ nɨ a do swɨtǝm yoolii, a do dul gǝnɔ gǝ nǝ kii Kwaamaɨ.

2 Timoti 3:4

jǝbɔ nǝb katǝm naa, jǝbɔ nǝbɔ mɨ nǝn bʊʊlalɨɨ, jǝbɔ nǝb sogan, jǝbɔ nǝbɔ swɨ lǝma lɛ a laa jim swɨtǝm Kwaamaɨ.

Roma 1:30

jǝbɔ nǝb kalkan, jǝbɔ nǝb kɔtǝm Kwaamaɨ, jǝbɔ nǝb gungtǝm dul, jǝbɔ nʊngtǝm latǝm nyɔ, jǝbɔ nǝb fɛkalɨ maatǝm shil, jǝbɔ nǝb nɨ mɨ bwangtǝn tɛb lɛɨ,

Maajɨ Bɛtɔ Twamagɨɨ 10:38

Jǝ́ nyǝm fulon kɛl Yesu Bwɛ Nazaratɨ, kanga Kwaama a gul gǝm bwiyel Yʊwa gǝnɨ jǝbɔ kwaanɨ. Jǝ́ nyǝm kanga kɛla lɛ maa maajɨ lǝma lɛɨ, gung nǝb nɨ lɛ Mammɔ nǝ ji gaalan nɛɨ, jʊ a bwɨɨ Kwaama gǝ na dakini jǝbɔ gɔ.

Maajɨ Bɛtɔ Twamagɨɨ 2:22

“Jǝ́ kɛtǝlam mɨ nǝbɔ Israilaɨ, jǝ́ nyʊwa kɛl nɨ. Yesu Bwɛ Nazarat nǝn gɔ nʊ nɨ Kwaama a nʊng gɔ nǝn gɔ gǝ jǝla nǝn gɨɨ. Kwaama a nʊng jʊ nɨ a kanjǝl laatǝm kang, jǝbɔ kanjǝl tatǝm kang a nyiyo, jǝbɔ kanjǝl nʊngtǝm wʊnɨ ga maa a gola Yesui a kʊm jeni, kanga jen tʌjen jǝ́ nyǝmɨ.

Yohana 12:45

Gwam nʊ nɨ dʌng ii, gǝ dʌng nʊ nɨ a twam ɨɨ.

Yohana 6:36

Kanga mǝ sʊwa jen galɨgǝnɨ, jǝ́ kuwo i, jǝ́ nǝ bɔ bɨlǝngkɛl.

Luka 24:19

Nǝngɔ Yesu a bʌ ji gɔ, “N wɛ a bwɨɨ?” Ja jǝla gǝn gɔ, “Kɛlɔ nǝ sʊwa lɛɨ gǝ na a jʊ nɨ a bwɨ nǝn Yesu bwɛ Nazaratɨ. N nǝkuwotǝmkǝga, nǝn kwaan a sʊwatǝm kɛl jǝbɔ maatǝm maajɨ a kǝga Kwaamaɨ jǝbɔ nǝbɔ gwam.

Markus 2:12

Nǝngɔ a gun tʌgo a kang dangǝn a do wɨlǝn gǝnɔ a jeli. Nǝbɔ woi dʌng gǝn nɛɨ, ja ta kang a nyiyo, jǝ bǝlá Kwaama lɛ jǝ sʊwa lɛ gɔ, “Bǝ kuwo bɔ kaa jǝl wo na jʊ nɨ a bwɨɨ.”

Matta 21:32

Yohana ba nʊng jen gola dǝngdǝngɔ, jǝ́ nǝ bɔ bɨlǝngkɛl nǝn gɔ. Nǝb yotǝm kemʌn tǝmɔ jǝbɔ nɔɔtǝm bulonɔ ja nǝ bɨlǝngkɛl nǝn kɛl Yohanaɨ. Jǝ́ kuwo nyɨɨ, jǝ́ yǝla bɔ jǝ́ bǝla bwɨlangkɛl jenɔ, jǝ́ nǝ bɨlǝngkɛl nǝn gɔ.

Matta 11:5

Kululʌmɔ kuwo daagɔ lɛ, nǝbɔ bʊtɔgɔ a swam swamɨ, yɔ yɔm lɛ, nǝbɔ a mwata mwataɨ a nya lǝma, nǝb nɨ mɨ jǝ nyʊwa lɔl lɛɨ, jǝ nyʊwa kɛlɔ lɛ, nǝbɔ a bʊlaɨ, ja gun, ja kiyo nǝb bʊnǝnɔ gǝm fulon kɛl lǝmɨgɔ.

Yohana 12:10

Nǝngɔ dʊʊm nǝbkǝlamɔ ja kiyo kanga jǝ jʌm Liazaru lɛ tǝgǝnɨ.

Yohana 9:41

Nǝngɔ Yesu a sʊwa ji gɔ, “Na na jǝ́ jǝla jǝ́ kululʌmi, na mɨ jen nǝn bwɨlangkɛl. A sʊwatǝm jenɔ jengɔ jǝ́ kuwo daagɔ lɛɨ, bwɨlangkɛl jenɔ a dul jen.”

Yohana 15:21

Jǝ maa jem maa kanjǝl nɨ gwam a kɛl dun mɨ, jʊ a bwɨɨ ja nyǝm bɔ nʊ nɨ a twam ɨɨ.

Yohana 15:22

Na na mǝ bɛ bɔ ba n sʊwa ji kɛlɨ, na mɨsɔ jǝ nyǝm lɛ gɔ ji nǝn bwɨlangkɛl. Kǝngkɔ mɨ ji nǝn tatǝm fɨɨ a bwɨlangkɛl jinɔ gǝm.

Yohana 15:23

Nʊ nɨ a kɔ ɨɨ, a kɔ Tɛtɛ mɨ tǝgǝn.

Yohana 16:9

Bʊʊlalɨ jinɔ mɨ dǝngdǝng a bwɨlangkɛlɔ gǝm, jʊ a bwɨɨ ja nǝ bɔ bɨlǝngkɛl a daa mɨ woi.