Yohana 14:6 - Dadiya NT

⁶ Yesu a jǝla gǝn gɔ, “Nǝmǝ mǝ golaɨ, nǝmǝ mǝ bɨlǝngkɛlɨ, nǝmǝ mǝ kʊlɨ tagɨ. Mɨ nʊ nɨ wo yɔ lɛ a daagɔ Tɛtɛ woi, na ke bɔ a gola mɨɨ.

Yohana 14:6 Referans Kwoze

Maajɨ Bɛtɔ Twamagɨɨ 4:12

Mɨ nyatǝm bʊʊlɨ wo a daa kaa nǝl woi, a mʊgɔ duntɨn nɨ gwam ja nǝ nǝbɨɨ, a dʌbʌl jǝbɔ tǝmɨ, na ke bɔ dun gǝn kwaagɔ bǝ nya bʊʊtǝm lɛɨ.”

Yohana 10:9

Nǝmǝ mǝ nyangagɨɨ, nʊ nɨ a dɔ a gola mɨɨ, bʊʊ bʊʊ. Gǝ dɔ dɔ, sǝ a jel, ya saa jǝjalǝn.

Afisa 2:18

N daa gǝ woi gwam bǝnɔ yo bǝ nya bɛtǝm a daagɔ Tɛtɛ woi a gola Yʊwagɔ wini.

Yohana 1:4

A daa gǝ woi kʊlɨgɔ wo, kʊlɨ nɨ nǝn gɔ a bɛ nǝn nyalǝm a nǝbɔ gǝmɨ.

1 Yohana 5:20

Bǝ nyǝm Bʊla Kwaamaɨ a bɛ nǝngɔ a nǝ bǝn nyǝmtǝmɨ, sǝ bǝ nyǝm nʊ nɨ nǝn bɨlǝngkɛlɨ. Bǝn bǝ na a mʊgɔ gǝn, gǝ nɨ n nǝ bɨlǝngkɛlɨ, nǝn gɔ nǝn Bʊla gɔ Yesu Kiristii. Nǝn gɔ nǝn Kwaama nǝ bɨlǝngkɛlɨ, jǝbɔ kʊlɨ nɨ mɨ dɨtǝm woi.

Yohana 1:14

Kɛl nɨ a yǝlam nǝfili, a yɨɨ jǝbɔ nǝn. Nǝn kuwo dʊʊlǝn gǝnɔ, dʊʊlǝn nɨ ja maa Bwɛ gǝm win swarɨ, a jel a daagɔ Tɛ bwɛ woi, wʊnɨ a yii nǝn lǝma jǝbɔ bɨlǝngkɛlɨ.

Yohana 1:17

Kwaama a nǝ bǝn diilɔ a kang Musaɨ, a nǝ bǝn lǝmagɔ jǝbɔ bɨlǝngkɛlɔ a kang Yesu Kiristii.

Ibranii 7:25

Gǝ na nyɔ nǝn kwaan bʊʊtǝm nǝn nǝb nɨ bɛ lɛ nǝn dɔɔm a daagɔ Kwaama woi a gola gǝn, bʊʊtǝm nɨ mɨ dɨtǝm woi, kanga nɨ kwangkwang nǝn kʊlɨɨ, kela Kwaama lɛ a kɛl dul jin.

Yohana 8:32

Jǝ́ nyǝm nyǝm bɨlǝngkɛlɔ, bɨlǝngkɛlɔ nǝn gɔ jǝg jen nɛɨ.”

1 Bitrus 3:18

A Kiristii a bʊla naa win swar, mɨ sʊtǝm wo, sǝ a tʊngǝm bwɨlangkɛltɨn bǝnɔ. Nǝ dǝngdǝngɔ a bʊla a kɛl dul nǝb nɨ ke bɔ nǝb dǝngdǝngɨ, sǝ a yɔ nǝn bǝn a daagɔ Kwaama woi. Ja jʌ gǝn a bʊtɔ, a gung gǝn a Yʊwa.

Yohana 5:21

Kanga Tɛ bwɛ gǝ gung bʌlʌnɔ lɛ nǝn kʊlɨɨ, gǝ na nyɔ Bwɛ nǝ nǝ kʊlɨ a nʊ nɨ gwam a swɨɨ.

2 Yohana 1:9

Nʊ nɨ a tɨ bɔ a mɛlalɨ Kiristii, a sʊtǝn kaa jǝl woi, Kwaama mɨ dakini jǝbɔ gɔ. Nʊ nɨ a tɨ a mɛlalɨ nɨɨ, nǝngǝn nǝn Tɛ bwɛɨ jǝbɔ Bwɛ.

Dʊgam Nyangnyang 20:15

Nʊ nɨ ja mʊla bɔ dun gǝnɔ a mʊgɔ langǝn bwangǝn kʊlɨɨ, jǝ mam gǝn fʌlen a mʊgɔ gʌto kǝla.

Yohana 15:1

“Nǝmǝ mǝ tɨya fogfogi nyagɨɨ, Tɛtɛ mɨ nǝn gɔ nǝ jʊngtǝmɨ.

Matta 11:27

“Kanjǝlɔ gwam Tɛtɛ mɨ a nɨ ɨ nɨ ɨɨ. Mɨ nǝn nʊ nɨ a nyǝm Bwɛɨ, na ke bɔ Tɛ bwɛɨ. Mɨ nǝn nʊ nɨ a nyǝm Tɛ bwɛɨ, na ke bɔ Bwɛɨ jǝbɔ nʊ nɨ Bwɛ swɨ lɛ a fɛta ji ja nyǝm Tɛ bwɛɨ.

Yohana 6:51

Nǝmǝ mǝ jǝjalǝn kʊlɨ nɨ a gǝla a dʌbʌli. Na nʊ nɨ a ja jǝjalǝn nɨ, yɨ yɨ nǝn kʊlɨ mɨ dɨltǝm wo. Jǝjalǝn nɨ n nam bʊtɔ mɨ, wʊnɨ mǝ nǝ lɛɨ sǝ yooli nɨ a nya kʊlɨɨ.”

Dʊgam Nyangnyang 22:17

Yʊwagɔ jǝbɔ nɔɔgwaalɨgɔ a sʊwa gɔ, “Bɛ!” Nǝb nɨ gwam a nyʊwaɨ, bɛ ja sʊwa gɔ, “Bɛ!” Nǝb nɨ gwam nyʊwa diil mwɛ lɛɨ, bɛ ja bɛ. Nǝb nɨ swɨ mwɛ kʊlɨgɔ lɛɨ, ba ja yo lǝma mwɛ kʊlɨgɔ.

Yohana 8:51

N bɨlǝngkɛl mǝ sʊwa jen nɛɨ, nʊ nɨ bwangtǝn mɛlalɨ mǝndɨ lɛɨ, mɨsɔ bʊla lɛ wo.”

1 Yohana 2:23

Mɨ nʊ nɨ wo kana Bwɛ lɛɨ, a nya Tɛ bwɛɨ. Nʊ nɨ a yo Bwɛɨ, a yo Tɛ bwɛ tǝgǝn.

Yohana 10:28

Mǝ nǝ ji kʊlɨ nɨ lɛ mɨ dɨtǝm woi. Mɨsɔ jǝ bʊla lɛ wo tag. Mɨ nʊ nɨ wo dwal lɛ a yem ji a kang mɨɨ.

Yohana 18:37

Nǝngɔ Bilatus a sʊwa gǝn gɔ, “Mʊ fɔlɔ ka?” Nǝngɔ Yesu a jǝla gǝn gɔ, “Kanga mʊ sʊwaɨ mɔʊ, mǝ fɔlɔɨ. N jʊ a bwɨ ja bʌ ii, n jʊ a bwɨ mǝ bɛ a yooli nɨɨ, sǝ n nʊng bɨlǝngkɛl. Gwam nʊ nɨ n nǝ nǝtǝm bɨlǝngkɛlɨ, gǝ nyʊwa nyʊwa diil mǝndɨ.”

Yohana 6:33

Jǝjalǝn Kwaamaɨ nʊ nɨ gǝla lɛ a dʌbʌli, wʊnɨ nǝ yooligɔ kʊlɨ lɛɨ.”

Yohana 14:19

Kumtɨnɔ a bǝla nǝn dǝm nyɔ, yooli nɨ mɨsɔ kuwo i lɛ wo tag. A jenɔ jǝ́ kuwo i kuwo i. Jʊ a bwɨɨ n na nǝn dʊʊmɨ, jen tʌjen jǝ́ na na nǝn dʊʊmɨ.

Yohana 6:57

Kanga nɨ Tɛtɛ kʊlɨ a twam ɨɨ, a dul gǝn mǝ nya kʊlɨ nɨɨ, nʊ nɨ a dǝg ɨ mǝ yǝlam jǝjalǝn gǝnɨ, nya nya kʊlɨ a kɛl dul mɨ.

1 Bitrus 2:4

Bɛ jǝ́ bɛ a daa gǝ woi, wʊnɨ n tɛl kʊlɨɨ. Nǝn gɔ tɛl nɨ nǝbɔ a kɔɨ, wʊnɨ Kwaama a jǝgǝm gǝn n jǝ bʊmǝn nyan a daa gǝ woi.

Yohana 10:7

A kɛl nɨ gǝmɨ, Yesu a yǝla a sʊwa ji gɔ, “Bɨlǝngkɛl, mǝ sʊwa jen nɛɨ, nǝmǝ mǝ nyanga kan kwamɨtɨnɨ.

Roma 5:2

N daa gǝ woi bǝ nya lǝma nɨ bǝ yǝm woi, a gola nǝtǝm bɨlǝngkɛl. Bǝ maa lɨyal lɛ jǝbɔ yatǝm nǝl a dʊʊlǝn Kwaamaɨ.

Kolosii 3:4

Na Kiristi wʊnɨ nǝn gɔ n kʊlɨ jeni, na a bɛɨ, jǝ́ bɛ bɛ dakini jǝbɔ gɔ a mʊgɔ dʊʊlǝn gǝn.

1 Korinti 15:45

A mʊla mʊlaɨ nyɔ gɔ, “Nǝ tɨkǝgagɔ nǝn Adamu a yǝlam nǝn kʊlɨɨ.” Adamu gulɔ n yʊwa nɨ nǝ kʊlɨ lɛɨ.

1 Yohana 1:8

Na bǝ sʊwa bǝngɔ mɨ bǝn nǝn bwɨlangkɛlɨ, n dul bǝn bǝ swag lɛɨ. Bɨlǝngkɛlɔ mɨ dakini jǝbɔ bǝn.

Yohana 6:68

Nǝngɔ Saminu Bitrus a jǝla gǝn gɔ, “Tɛlalɔ, nǝ yi a daa woi? Mɔ nǝngǝn nǝn kɛl nɨ nǝ kʊlɨ lɛ mɨ dɨltǝm woi.

Roma 5:21

Kanga bwɨlangkɛlɔ a maa fɔlɔnɔ a gola bwaaɨ, na nyɔ tag lǝma Kwaamaɨ maa fɔlɔnɔ a gola dǝngdǝng, sǝ a nǝ bǝn kʊlɨ nɨ mɨ dɨtǝm woi a gola Yesu Kiristii, Tɛlalɔ bǝn.

Dʊgam Nyangnyang 1:5

jǝbɔ daagɔ Yesu Kiristi woi, wʊnɨ n nǝ yiitǝm swatǝm yaa, nǝ nǝtǝm nyiyo bɨlǝngǝnɨ. Nǝn gɔ na win a guntǝm a bwaaɨ. Nǝn gɔ nʊ nɨ maa fɔlɔn nɛ a dul fɔlɔlɔm yooli nɨɨ, nʊ nɨ swɨ bǝn nɛɨ, a jǝg bǝn a mʊgɔ bwɨlangkɛltɨn bǝnɔ gǝm a gola tʊʊm gǝnɨ.

1 Bitrus 1:21

N gola gǝn jǝ́ nǝ bɨlǝngkɛl a daa Kwaama woi, nʊ nɨ a gung gǝn a bwaa a nǝ gǝn dʊʊlǝnɨ. Sǝ nǝtǝm bɨlǝngkɛl jenɔ a daagɔ Kwaama woi jǝbɔ yatǝm nǝl jenɔ tag a yǝlam a Kwaamaɨ.

Dʊgam Nyangnyang 19:11

Nǝngɔ mǝ kuwo dʌbʌlɔ a wumoi. Mǝ kuwo kaa tʊwa fuloi! Nǝ gwitǝm gǝnɔ jǝ jo gǝn gɔ Nǝ yiitǝm swatǝm yaa jǝbɔ Nǝ bɨlǝngkɛl. Gǝ biyo borang gǝnɔ dǝngdǝng, ta kun nyan nɛ.

Kolosii 2:9

A yɨm Kiristii na nǝfilii, dʊʊlǝn Kwaamaɨ gwam gǝ na a daa gǝ woi.

1 Yohana 5:6

Yesu Kiristi a bɛ a yooli nɨ, a bɛ a gola mwɛ jǝbɔ tʊʊm, ke bɔ a gola mwɛ kwaagɔ a bɛɨ, n gola tʊʊm tǝgǝn. Yʊwa Kwaamaɨ nǝn gɔ nǝ nǝtǝm nyiyogɨɨ, jʊ a bwɨɨ Yʊwagɔ nǝn gɔ n bɨlǝngkɛlɨ.

Dʊgam Nyangnyang 3:14

“Bɛ ń mʊla bwɛ twama Kwaamaɨ nɨ gǝm a mʊrkalɨ nǝb bwangtǝm Kwaamaɨ nɨ gǝm a Lawudikiyaɨ gǝm nyɔ, “Kɛl nɨ nǝn gɔ n twamagɔ a daagɔ nʊ nɨ jǝ jo lɛ gɔ A daa nyɨɨ, Nǝ yiitǝm swatǝm yaa, jǝbɔ nǝ nǝtǝm nyiyo nyan, n daa gǝ woi Kwaama a fwal kanjǝlɨ.

Kolosii 2:17

Kanjǝl nɨ n duuli nǝn kwan a jʊ nɨ bɛ lɛɨ. Kiristi nǝn gɔ na a nyagɨɨ.

Dʊgam Nyangnyang 3:7

“Bɛ ń mʊla bwɛ twama Kwaamaɨ nɨ gǝm a mʊrkalɨ nǝb bwangtǝm Kwaamaɨ nɨ a Filadalfiyaɨ gǝm nyɔ, “Kɛl nɨ nǝn gɔ n twamagɔ a daagɔ Nǝ Sagsag nɨ woi, Nǝ bɨlǝngkɛl, wʊnɨ nǝn jǝ wumtǝm nyanga kan Daudaɨ, wʊnɨ na a wumi, mɨ nʊ nɨ wo kubʌl lɛɨ, na a kubʌl tagɨ, mɨ nʊ nɨ wo wum lɛɨ.

Maajɨ Bɛtɔ Twamagɨɨ 3:15

Nǝngɔ jǝ́ jʌ nʊ nɨ nǝn gɔ jʌng kʊlɨgɨɨ. Kwaama a gung gǝn a bwaagɔ gǝm. Nǝn nǝ yǝlam nǝb nɨ a kuwo kanjǝl nɨɨ.

Dʊgam Nyangnyang 22:1

Nǝngɔ bwɛ twama Kwaamaɨ a nʊng ɨ tiyo mwɛ kʊlɨgɨɨ, beta lɛ na tɛl kwaasɨn, jel lɛ a mʊgɔ kotere fɔlɔn Kwaamaɨ jǝbɔ a Bɛ Gal nɨɨ.

Ibranii 9:8

A gola nɨ Yʊwa Kwaamaɨ gǝ nʊng gɔ ka ja wum lɛ Daagɔ a Laa Sagsagɨɨ dɨn, na kan na tɨkǝgagɔ maa maajɨ lɛɨ.

Roma 15:16

A jǝg ɨ n yǝlam bwɛ jwaalɛ Yesu Kiristii a daagɔ Bʌtʌbɔ woi. A dǝg ɨ n yǝlam nǝkǝla sǝ n kiyo fulon kɛl lǝmɨ Kwaamaɨ a daagɔ Bʌtʌbɔ woi. A maa nyɔ sǝ ja yǝlam na twɨtǝm yulʌn wʊnɨ Kwaama yo lɛɨ, sǝ ja yǝlam sagsag a gola Yʊwa Kwaamaɨ.

Maajɨ Bɛtɔ Twamagɨɨ 9:2

a kela gǝn gɔ a nǝ gǝn langǝn bwangǝntɨnɔ gǝ yɔ nǝn a kantɨn mɛlalɨ a Dimaska, na gǝ nya nǝb nɨ bwangtǝn gola Tɛlalɔɨ lɛɨ, batǝm jǝbɔ nɔɔtǝm sǝ gǝ bwaba ji gǝ bɛ nǝn a Urushalima.