Yohana 14:30 - Dadiya NT

³⁰ Mǝ sʊwa sʊwa kɛl nǝbɔ jen, kumtɨnɔ mɨsɔ lada lɛ, jʊ a bwɨɨ nǝ fɔlɔn yooli nɨɨ bɛ lɛ. Mɨ nǝn kwaan a dul mɨ.

Yohana 14:30 Referans Kwoze

1 Yohana 5:19

Bǝ nyǝm bǝ bɛtɔ lɔ Kwaamaɨ, bǝ nyǝm tag yooligɔ gwam gǝ na a kang nǝ bwɨla nɨɨ.

1 Yohana 4:4

Jǝ́ bɛtɔ dwalǝnɔ, jen jǝ́ na a Kwaamaɨ, jǝ́ ku jelʌn a dul nǝb nɨɨ, jʊ a bwɨɨ nʊ nɨ a mʊgɔ nǝl jeni a laa kwaan nʊ nɨ a yooli nɨɨ.

Dʊgam Nyangnyang 12:9

Nǝngɔ ja mal gʌleng sɔɔ dʊʊ nɨ a tǝmɨ, sɔɔ dʊʊ nɨ galɨgǝn galɨɨ, nǝn gɔ Nǝ bwɨla nɨɨ, Mammɔ, nǝ swagtǝm yooli nɨ. Ja mal gǝn a yooli nɨ dakini jǝbɔ bɛtɔ twama gǝnɔ.

Yohana 12:31

Kǝngkɔ Kwaama mwatɨ yooli nɨ gǝm borang lɛɨ, n kǝngkɔ jǝ kaam nǝ fɔlɔn yooli nɨ lɛɨ.

Afisa 6:12

Kɨlan bǝnɔ ke bɔ a dul nǝfitʌmi bǝ maa lɛɨ, bǝ maa a dul kwaan yʊwa bwɨlantɨn nɨ a dʌbʌl kwamaɨ, jǝbɔ fɔlɔn nǝblaamɨ, jǝbɔ lɛɛ jǝbɔ yʊwa bwɨlantɨn nɨ gwam a mʊgɔ kumtojilii.

1 Bitrus 2:22

“A maa bɔ bwɨlangkɛl wo dǝm. Ja nyʊwa bɔ swagtǝm a nyiyo gǝn.”

Afisa 2:2

Wʊnɨ galɨgǝn jǝ́ yǝm a mʊgɔ gǝnɨ, jǝ́ bwangtǝn kanjǝl yooli nɨ lɛɨ, jǝ́ bwangtǝn Mamm, nǝ maatǝm fɔlɔn yʊwa, yʊwa nɨ dʊwa nǝl nǝb nɨ lɛ nǝn bǝngɨ lɔl kǝngkɨɨ.

2 Korinti 4:4

Mammɔ wʊnɨ nǝn gɔ n fɔlɔ yooli nɨɨ, a kul nǝn bʊʊlalɨ nǝb nɨ a nǝ bɔ bɨlǝngkɛlɨ, kage ja kuwo nyalǝm fulon kɛl lǝmɨ dʊʊlǝn Kiristii, gǝ nɨ n jelkalǝng Kwaamaɨ.

Ibranii 4:15

Dalɨ nǝkǝla nɨ bǝ nǝngǝnɨ, n ke bɔ nʊ nɨ mɨ ji bʊnǝn bǝnɔ lɛ a gɨyatǝm bǝnɔ gǝmɨ. Mɨ nyɔ. N nʊ ja tɛl gǝn a golantɨnɔ gǝm gwam kanga jǝ tɛl bǝn nɛɨ, a gǝnɔ a maa bɔ bwɨlangkɛl.

Luka 22:53

Kwangkwang mǝ dakini nǝbɔ jen a Kan Kwaaman, jǝ́ ta ɨ bɔ. Wʊnɨ n kwama jen, n kwama maajɨ fɔlɔn kumtojili.”

Kolosii 1:13

Nǝn gɔ a jǝg bǝn a mʊgɔ fɔlɔn duddugi. A dǝg bǝn a mʊgɔ fɔlɔn bʊla gɔ nɨ gǝ swɨ lɛɨ.

Ibranii 7:26

Nǝn gɔ n dalɨ nǝkǝlagɔ bǝ saa lɛɨ, nǝ sagsag, mɨ nǝn bwɨlangkɛl, mɨ nǝn jǝ tuwol, wʊnɨ ja wʊlaka gǝn jǝbɔ nǝb bwɨlangkɛlɨ, nǝ gungtǝm a kanjǝlɔ gwam a dʌbʌli.

2 Korinti 5:21

Gǝ nɨ a maa bɔ bwɨlangkɛlɨ, Kwaama a dǝg gǝn a yǝlam nǝ bwɨlangkɛl a kɛl dul bǝn, sǝ bǝ nya yotǝm Kwaamaɨ a gola gǝn.

Maajɨ Bɛtɔ Twamagɨɨ 1:3

A gul bwaa gǝnɔ gǝm, a nʊng dul gǝnɔ a golantɨnɔ gǝm nǝn dʌmʌn naagɔ a gǝlala a daa ji woi, sǝ a nʊng ji gɔ, gǝ nǝn kʊlɨ. A maa kumɔ fʊltǝnaal nʊng dul gǝnɔ lɛ. Sʊwa kɛlɔ lɛ a dul kanjǝl fɔlɔn lɔ Kwaamaɨ.

Luka 1:35

Nǝngɔ bwɛ twama Kwaamaɨ a jǝla gǝn gɔ, “Yʊwa Kwaamaɨ nǝn gɔ bɛ lɛ a daa mʊ woi. Kwaan nʊ nɨ a Laa Dʊʊlǝnɨ nǝn gɔ ba sum ń nɛɨ. Nǝ sagsag nɨ mʊ bʌ lɛɨ, jǝ jo dun gǝnɔ gɔ Bʊla Kwaamaɨ.

1 Bitrus 1:19

A jǝg jen nǝn tʊʊm bʊmɨ nyan Kiristii, na bɛ gal nɨ mɨ nǝn kalalɨ, mɨ nǝn kʊlan dɛɛlɨ.

1 Yohana 5:18

Bǝ nyǝm nʊ nɨ n bʌtʌm Kwaamaɨ, mɨsɔ ja kǝga lɛ nǝn maatǝm bwɨlangkɛl. Bʊla Kwaamaɨ nǝn gɔ kɨla gǝn nɛɨ. Nǝ bwɨla nɨ mɨsɔ ke gǝn nɛ.