Yohana 14:23 - Dadiya NT

²³ Nǝngɔ Yesu a jǝla gǝn gɔ, “Gwam nʊ nɨ swɨ ɨ lɛɨ, kɨla kɨla kɛl mǝndɨ. Tɛtɛ mɨ tǝgǝn swɨ gǝn swɨ. Mǝ nǝbɔ Tɛtɛ mɨ nǝn bɛ bɛ a daa gǝ woi, sǝ nǝn yɨ dakini nǝbɔ gɔ.

Yohana 14:23 Referans Kwoze

Yohana 14:21

Gwam nʊ nɨ a nyǝm diil mǝndɨ bwangtǝn nɛɨ, nǝn gɔ nʊ swɨ ɨ lɛɨ. Nʊ nɨ swɨ ɨ lɛɨ, Tɛtɛ mɨ swɨ gǝn swɨ. Mǝ tǝmɨ mǝ swɨ gǝn swɨ, mǝ nʊng nʊng dul mǝndɨ a daa gǝ woi.”

Yohana 14:15

“Na jǝ́ maa mɨ swɨtǝm lɛɨ, jǝ́ bwangtǝn bwang diil mǝndɨ.

1 Yohana 2:24

Jen, jʊ nɨ jǝ́ nyʊwa nǝn tɨkǝgaɨ, bɛ a yɨ a mʊgɔ jen. Na jǝ́ maa nyɨɨ, jen tʌjen jǝ́ yɨ yɨ a mʊgɔ Bwɛɨ jǝbɔ Tɛ bwɛ.

1 Yohana 4:4

Jǝ́ bɛtɔ dwalǝnɔ, jen jǝ́ na a Kwaamaɨ, jǝ́ ku jelʌn a dul nǝb nɨɨ, jʊ a bwɨɨ nʊ nɨ a mʊgɔ nǝl jeni a laa kwaan nʊ nɨ a yooli nɨɨ.

2 Korinti 6:16

N jǝlakatǝm wɛ a kʊm Kan Kwaaman Kwaamaɨ jǝbɔ kan shomi? Bǝ Kan Kwaaman Kwaama kʊlɨɨ. Kanga Kwaama a sʊwa gɔ, “Mǝ yɨ yɨ nǝbɔ ji, n bola a kʊm jin. Mǝ yǝlam yǝlam Kwaama jin, jǝ yǝlam yǝlam nǝbam mɨ.”

Yohana 10:30

Mǝ nǝbɔ Tɛtɛ mɨ nǝn win.”

Yohana 6:56

Nʊ nɨ wo nam bʊtɔ mǝndɨ lɛ, nɔɔ tʊʊm mǝndɨ lɛɨ, gǝ na jǝbɔ mǝ, mǝ tǝmɨ mǝ na jǝbɔ gɔ.

Yohana 14:17

Nǝn gɔ Yʊwa bɨlǝngkɛlɨ, wʊnɨ yooli nɨ a dwal bɔ a yo gǝnɨ, jʊ a bwɨɨ a kuwo gǝn bɔ, a nyǝm gǝn bɔ. A jenɔ jǝ́ nyǝm gǝn, jʊ a bwɨɨ, yǝm dakini jǝbɔ jen, yɨ yɨ a mʊgɔ nǝl jen.

Dʊgam Nyangnyang 21:22

Mǝ kuwo bɔ Kan Kwaaman wo a mʊgɔ tuulɔngɔ gǝm, jʊ a bwɨɨ Kan Kwaaman gǝnɔ nǝn Tɛlalɔ Kwaama Nǝ kwaan, jǝbɔ Bɛ Gal nɨ tag.

Dʊgam Nyangnyang 22:3

Mɨ lagtǝm wo a dul kaa jǝl. Kotere fɔlɔn Kwaamaɨ jǝbɔ a Bɛ Gal nɨ na wo a mʊgɔ tuulɔ nɨ gǝm. Jwaalɛb gǝnɔ nǝ gǝn nǝ bǝlátǝm.

Yohana 8:51

N bɨlǝngkɛl mǝ sʊwa jen nɛɨ, nʊ nɨ bwangtǝn mɛlalɨ mǝndɨ lɛɨ, mɨsɔ bʊla lɛ wo.”

Yohana 8:52

Nǝngɔ Yahudawagɔ a sʊwa gǝn gɔ, “Kǝngkɔ nǝn nyǝm mʊ nǝngǝn nǝn yʊwa bwɨla. Ibrahim jǝbɔ nǝbkuwotǝmkǝgagɔ ja bʊlala. Mɔ ń sʊwa mɔʊ nʊ nɨ bwangtǝn mɛlalɨ mʊnɔ lɛɨ, mɔʊ mɨsɔ bʊla lɛ wo.

Yohana 14:24

Nʊ nɨ mɨ swɨ ɨ lɛɨ, mɨ gǝ kɨla kɛl mǝndɨ lɛ. Kɛltɨn nɨ jǝ́ nyʊwa lɛɨ, ke bɔ a mɨ, na a Tɛtɛ nɨ a twam ɨɨ.

Yohana 15:10

Mǝ, n bwangtǝn diil Tɛtɛ mɨɨ. N yɨ a mʊgɔ swɨtǝm gǝn. Jen tʌjen, na jǝ́ bwangtǝn diil mǝndɨ, jǝ́ yɨ yɨ a mʊgɔ swɨtǝm mɨ.

Yohana 16:27

Tɛtɛ swɨ jen nɛ nǝn dul gǝn, jʊ a bwɨɨ jǝ́ swɨ ɨ lɛ, jǝ́ nǝ bɨlǝngkɛl lɛ jengɔ mǝ jel a daa Kwaama woi.

Afisa 3:17

sǝ Kiristi a yɨ a mʊgɔ nǝl jen a gola nǝtǝm bɨlǝngkɛl. Mǝ maa keli lɛ tag bɛ swɨkanɔ a yǝlam jʊ nɨ jǝ́ ywɔ jʌng jenɔ woi, n daagɔ jǝ́ swa fʌlʌm jenɔ woi.

1 Yohana 2:5

Na bǝ kɨla kɛl gǝnɨ, n bɨlǝngǝn swɨtǝmɔ bǝ maa Kwaama gǝm lɛɨ a yii dǝngdǝng. N gola nɨ bǝ nyǝm lɛ bǝ na a mʊgɔ gǝnɨ.

1 Yohana 5:3

Jʊ a bwɨɨ, swɨtǝm Kwaamaɨ n bwangtǝm diil gǝn. Bwangtǝm diil gǝnɔ a bwa bɔ.

2 Yohana 1:6

Swɨtǝmɔ nǝn gɔ bɛ bǝ bwangtǝn diil gǝnɔ. Diilɔ n nʊ jǝ́ nyʊwa nǝn tɨkǝga gɔ, bɛ jǝ́ yɨ yɨm swɨkanɨ.

Dʊgam Nyangnyang 21:3

N nyʊwa kaa diil nǝn kwaan nyɔ a daagɔ kotere fɔlɔnɔ woi, sʊwa lɛ gɔ, “Jǝ́ kuwo, daa yɨm Kwaamaɨ gǝ na jǝbɔ nǝbɔ, yɨ jǝbɔ ji. Jǝ yǝlam nǝbam gǝn, Kwaama nǝn dul gǝn yɨ yɨ jǝbɔ ji a yǝlam Kwaama ji.