Yohana 14:21 - Dadiya NT

²¹ Gwam nʊ nɨ a nyǝm diil mǝndɨ bwangtǝn nɛɨ, nǝn gɔ nʊ swɨ ɨ lɛɨ. Nʊ nɨ swɨ ɨ lɛɨ, Tɛtɛ mɨ swɨ gǝn swɨ. Mǝ tǝmɨ mǝ swɨ gǝn swɨ, mǝ nʊng nʊng dul mǝndɨ a daa gǝ woi.”

Yohana 14:21 Referans Kwoze

Yohana 14:15

“Na jǝ́ maa mɨ swɨtǝm lɛɨ, jǝ́ bwangtǝn bwang diil mǝndɨ.

1 Yohana 5:3

Jʊ a bwɨɨ, swɨtǝm Kwaamaɨ n bwangtǝm diil gǝn. Bwangtǝm diil gǝnɔ a bwa bɔ.

1 Yohana 2:5

Na bǝ kɨla kɛl gǝnɨ, n bɨlǝngǝn swɨtǝmɔ bǝ maa Kwaama gǝm lɛɨ a yii dǝngdǝng. N gola nɨ bǝ nyǝm lɛ bǝ na a mʊgɔ gǝnɨ.

2 Yohana 1:6

Swɨtǝmɔ nǝn gɔ bɛ bǝ bwangtǝn diil gǝnɔ. Diilɔ n nʊ jǝ́ nyʊwa nǝn tɨkǝga gɔ, bɛ jǝ́ yɨ yɨm swɨkanɨ.

Yohana 16:27

Tɛtɛ swɨ jen nɛ nǝn dul gǝn, jʊ a bwɨɨ jǝ́ swɨ ɨ lɛ, jǝ́ nǝ bɨlǝngkɛl lɛ jengɔ mǝ jel a daa Kwaama woi.

Luka 11:28

Nǝngɔ a jǝla gǝn gɔ, “Bwiligɔ na a nǝb nɨ nyʊwa kɛl Kwaamaɨ lɛɨ jǝ bwangtǝn nɛɨ.”

Yohana 15:14

Na jǝ́ maa jʊ mǝ sʊwa jen mǝʊ jǝ́ maaɨ, jǝ́ fatǝlam mɨ.

Dʊgam Nyangnyang 3:20

Mǝ wɔ mǝ tɨm a nyanga kan, mǝ ga lɛ. Na nʊ nɨ a nyʊwa diil mǝndɨ a wum nyanga kanɨ, mǝ dɔ dɔ a daa gǝ woi, sǝ n ja nǝbɔ gɔ, ga ja jǝbɔ mǝ.

Dʊgam Nyangnyang 22:14

“Bwiligɔ na a nǝb nɨ a gam dwang malǝngtɨn jini, sǝ ja nya gola jatǝm tʊʊl tɨya kʊlɨgɨɨ, sǝ jǝ dɔ nyangatɨn tuulɔngɨ.

2 Korinti 4:6

Kwaama nɨ a sʊwa gɔ, “Bɛ nyalǝmɔ a won a kʊm kumtojilii,” nǝn gɔ tag a dǝg nyalǝmɔ won nɛ a mʊgɔ nǝl nǝnɨ, sǝ a won nǝbɔ gǝm gwam sǝ ja nyǝm dʊʊlǝn gǝnɔ a kǝga Kiristii.

Dʊgam Nyangnyang 2:17

“Nʊ nɨ nǝn lɔl nyʊwatǝmɨ, bɛ ga nyʊwa jʊ Yʊwagɔ sʊwa daatɨn mʊrkalɨ nǝb bwangtǝm Kwaamaɨ lɛɨ. Nʊ nɨ a ku jelʌni, mǝ nǝ gǝn nǝ wo a tangǝn manna nɨ ja yʊ yʊɨ, mǝ nǝ gǝn nǝ tɛl fulon tag jǝbɔ dun fɨ nɨ a mʊla mʊlaɨ a bʊtɔ tɛl nɨɨ. Mɨ nʊ nɨ wo a nyǝm dun nɨɨ, na ke bɔ nʊ nɨ a yo gǝnɨ.

Yohana 17:23

Mǝ yɨ yɨ a mʊgɔ jin, mɔ tǝmʊn a mʊgɔ mɨ, sǝ ja yǝlam win nyangǝn, sǝ yooligɔ a nyǝm gɔ nǝmɔ mʊ twam ɨɨ, sǝ ja nyǝm mʊ swɨ ji lɛ kanga mʊ swɨ ɨ lɛɨ.

1 Yohana 3:1

Jǝ́ dʌng swɨtǝm nɨ Tɛtɛ a nʊng bǝmɨ. A jo bǝn gɔ bǝ bɛtɔ lɔ Kwaamaɨ, bǝ na nyɔ kǝngkɔ. Nǝb nɨ a yooli nɨɨ a nyǝm bǝn bɔ, jʊ a bwɨɨ ja nyǝm gǝn bɔ.

2 Tasalonikaɨ 2:16

Bɛ Tɛlalɔ bǝn Yesu Kiristi nǝn dul gǝn, jǝbɔ Kwaama Tɛtɛ bǝn wʊnɨ a swɨ bǝn a gola lǝma gǝnɨ, a kʊʊ bǝm nǝl nɨ mɨ dɨtǝm woi, a nǝ bǝn yatǝm nǝl nyan,

Yohana 16:14

Yʊwagɔ nɨ ɨ nɨ ɨ dʊʊn a gola sʊwatǝm jen kɛl mǝndɨɨ.

Yohana 14:18

Mɨsɔ mǝ bǝla jen nɛ na bɛtɔ kwɛlǝn. Mǝ bɛ bɛ a daa jen woi.

2 Timoti 4:22

Bɛ Tɛlalɔ a yɨ a nǝl mʊn. Bɛ lǝmagɔ a yɨ jǝbɔ jen.

2 Korinti 3:18

Gwam bǝnɔ kǝga bǝnɔ mɨ dwang kwabtǝm wo, bǝ nʊng dʊʊlǝn Tɛlalɔɨ maa na bwaalaɨ, ja fʌto bǝn bǝ do jelkalǝng gǝnɔ lɛ a dʊʊlǝn nɨ a sʊ sʊɨ. Tɛlalɔ nɨ n Yʊwaɨ, nǝn gɔ a maa maajɨ nɨɨ.

Maajɨ Bɛtɔ Twamagɨɨ 22:18

A mʊgɔ dʊgam nyangnyang n kuwo Yesu sʊwa lɛ gɔ, ‘Gun dǝbǝr, bǝla Urushalimagɔ, jʊ a bwɨɨ mɨsɔ jǝ jǝla nǝtǝm nyiyo mʊnɔ lɛ a dul mɨ.’

2 Korinti 12:8

Naa taal mǝ kela Tɛlalɔ lɛ a dul kɛl nɨɨ, sǝ a bǝla ɨɨ.