Yohana 14:2 - Dadiya NT

² A mʊgɔ lɔ Tɛtɛ mɨɨ, kantɨnɔ wo a lada. Na na mɨ nyɨɨ, na mɨsɔ mǝ sʊwa jen nɛ. Mǝ yi fʌlen sǝ n fɛka jem daagɔ.

Yohana 14:2 Referans Kwoze

2 Korinti 5:1

Bʊtɔ bǝnɔ gǝ na na gushi. Bǝ nyǝm na ja kʌbi, Kwaama a maa bǝm kaa lɔ a dʌbʌl, wʊnɨ ke bɔ nǝl a mɔ nǝn kang gǝnɨ, wʊnɨ mɨ dɨtǝm woi.

Yohana 13:36

Nǝngɔ Bitrus a bʌ Yesu gɔ, “Tɛlalɔ, mʊ yi a fee?” Yesu a jǝla gǝn gɔ, “Daa nɨ mǝ yilomi, mɨsɔ mʊ dwal lɛ ń bwang mɨ kǝngkɔ. Na nǝn guli mʊ bwang mɨ bwang.”

Ibranii 13:14

Jʊ a bwɨɨ mɨ bǝn nǝn tuulɔ nɨ mɨ dɨtǝm woi fɔ. N tuulɔ nɨ bɛ lɛ a kǝgaɨ bǝ saa lɛɨ.

Dʊgam Nyangnyang 21:2

N kuwo Tuulɔ Sagsagɔ, Urushalima fɨgɔ gǝla lɛ a dʌbʌl kwama, a daa Kwaama woi. A fɛka na nɔɔgwaalɨ nǝn dʊʊl sǝ bwɨla gɔ a kuwo gǝn.

Dʊgam Nyangnyang 3:12

Nʊ nɨ a ku jelʌni, mǝ dǝg gǝn dǝg a yǝlam tɨya lɔng a mʊgɔ Kan Kwaaman Kwaama mǝndɨ. Mɨsɔ yǝla lɛ a jel wo a mʊgɔ gǝn. Mǝ mʊla mʊla dun Kwaama mǝndɨ a bʊtɔ gǝn, jǝbɔ dun Tuulɔ Dʊʊn Kwaama mǝndɨ, Urushalima fɨgɔ, wʊnɨ gǝla lɛ a dʌbʌl a daagɔ Kwaama mǝndɨ a dʌbʌl kwamaɨ. Mǝ mʊla mʊla dun fɨ mǝndɨ tag a bʊtɔ gǝn.

Ibranii 11:10

Yam tuulɔ nɨ lɛ wʊnɨ nǝn fʌlʌmi, wʊnɨ nǝ sʊwatǝm gǝnɔ jǝbɔ nǝ mɔtǝm gǝnɔ nǝn Kwaamaɨ.

Yohana 13:33

“Jen jǝ́ bɛtɔ dwalǝn mǝndɨ, a bǝla kumtɨnɔ nǝn dǝm nyɔ mǝ na lɛ nǝbɔ jeni. Jǝ́ saa ɨ saa ɨ, mɨsɔ jǝ́ nya ɨ lɛ. Mǝ sʊwa jen nɛ kǝngkɔ, kanga mǝ sʊwa Yahudawagɔ mǝʊ, ‘Daa nɨ mǝ yilomi, mɨsɔ jǝ́ dwal lɛ jǝ́ yɔ wo.’

Yohana 16:4

Mǝ sʊwa jen nɛ, sǝ na kwamagɔ ba la kanga jǝ maam jʊ nɨ lɛɨ, sǝ jǝ́ bʊʊla n kwɛl n sʊwa jen sʊwaɨ. Mǝ sʊwa jen bɔ kanjǝl nɨ nǝn tɨkǝga, jʊ a bwɨɨ mǝ na dakini jǝbɔ jen.

Yohana 17:24

“Tɛtɛ, mǝ swɨ lɛ nǝb nɨ mʊ nɨ ɨɨ, ja yɨ jǝbɔ mǝ a daagɔ mɔ woi, sǝ ja kuwo dʊʊlǝn mǝndɨ, dʊʊlǝnɔ mʊ nɨ ɨ a dul swɨtǝmɔ mʊ maa mɨ lɛɨ na lǝga bɔ ja fwal yooligɨɨ.

Ibranii 6:20

N daa nɨ a kɛl dul bǝn Yesu a laa bǝn dɔtǝmɨ, a yǝlam dalɨ nǝkǝla nɨ mɨ dɨtǝm woi, jelkalǝng Malkisadiki.

Dʊgam Nyangnyang 3:21

“Nʊ nɨ a ku jelʌni, mǝ nǝ gǝn nǝ gola a yɨ jǝbɔ mǝ a dʌbʌl kotere fɔlɔn mǝndɨ, kanga mǝ tǝmɨ mǝ ku jelʌni, mǝ yɨ dakini nǝbɔ Tɛtɛ mɨ a dʌbʌl kotere fɔlɔn gǝnɨ.

Dʊgam Nyangnyang 1:5

jǝbɔ daagɔ Yesu Kiristi woi, wʊnɨ n nǝ yiitǝm swatǝm yaa, nǝ nǝtǝm nyiyo bɨlǝngǝnɨ. Nǝn gɔ na win a guntǝm a bwaaɨ. Nǝn gɔ nʊ nɨ maa fɔlɔn nɛ a dul fɔlɔlɔm yooli nɨɨ, nʊ nɨ swɨ bǝn nɛɨ, a jǝg bǝn a mʊgɔ bwɨlangkɛltɨn bǝnɔ gǝm a gola tʊʊm gǝnɨ.

Ibranii 9:8

A gola nɨ Yʊwa Kwaamaɨ gǝ nʊng gɔ ka ja wum lɛ Daagɔ a Laa Sagsagɨɨ dɨn, na kan na tɨkǝgagɔ maa maajɨ lɛɨ.

Titus 1:2

N gola nɨ jǝ́ ya nǝl lɛ a kʊlɨ nɨ mɨ dɨtǝm woi, wʊnɨ Kwaama a maa swatǝm yaa galɨgǝnɨ, gǝ nɨ mɨ gabakɛl wo a daa gǝ woi.

1 Tasalonikaɨ 5:9

Kwaama a ya bǝn bɔ gɔ bǝ gʌ nabwɨl gǝnɔ. A ya bǝn gɔ bǝ nya bʊʊlɨ a gola Tɛlalɔ bǝn Yesu Kiristii,

Maajɨ Bɛtɔ Twamagɨɨ 9:16

Mǝ nǝn kang mɨ, mǝ nʊng gǝn nʊng gaalanɔ gǝ nɔɔ lɛ a kɛl dun mɨɨ.”

Yohana 14:28

“Jǝ́ kwɛl jǝ́ nyʊwa n sʊwa jen mǝʊ, ‘Mǝ shu shu, sǝ n yǝla n bɛ a daa jen woi.’ Na na jǝ́ swɨ ɨ lɛɨ, na jǝ́ maa fulotǝm nǝl a shutǝm mǝndɨ gǝm a daa Tɛtɛ woi, jʊ a bwɨɨ, Tɛtɛ a laa ɨ.

Luka 14:22

“A ta bɔ bʊtɔ, nǝngɔ bwɛ jwaalɛ nɨ a yǝla a bɛ gɔ, ‘Tɛlalɔ, ya n maa jʊ mʊ sʊwaɨ, daagɔ a bǝla wo, nǝbɔ a yii bɔ.’