Yohana 14:17 - Dadiya NT

¹⁷ Nǝn gɔ Yʊwa bɨlǝngkɛlɨ, wʊnɨ yooli nɨ a dwal bɔ a yo gǝnɨ, jʊ a bwɨɨ a kuwo gǝn bɔ, a nyǝm gǝn bɔ. A jenɔ jǝ́ nyǝm gǝn, jʊ a bwɨɨ, yǝm dakini jǝbɔ jen, yɨ yɨ a mʊgɔ nǝl jen.

Yohana 14:17 Referans Kwoze

Yohana 16:13

Nǝn kwama Yʊwa bɨlǝngkɛl nɨ bɛm lɛɨ, wʊnɨ nʊng jen bɨlǝngkɛl lɛ a dul Kwaamaɨ, bwangtǝn bwang nǝn jen a dul bɨlǝngkɛlɔ gǝm gwam. Ke bɔ nǝn fɔlɔn gǝn sʊwa kɛl lɛɨ, sʊwa jen kanjǝl nɨ a nyʊwaɨ, jǝbɔ kanjǝl nɨ bwɨ lɛɨ.

1 Yohana 2:27

Kiristi a kwɛl a nǝ jen Yʊwa Kwaamaɨ wʊnɨ yǝm a mʊgɔ jeni. Mɨsɔ jǝ́ saa kaa nǝ mɛlalɨ lɛ, jʊ a bwɨɨ, Yʊwagɔ mɛla jem kanjǝlɔ lɛ gwam. Mɛlalɨ gǝnɔ n bɨlǝngǝn, ke bɔ gabakɛl. Bɛ jǝ́ yɨ a mʊgɔ Kiristii kanga a mɛla jemi.

Yohana 15:26

“Mǝ twam twam Nǝ tɨkalɨgɔ a bɛ daa jen woi a daagɔ Tɛtɛ woi. Nǝn gɔ n Yʊwa bɨlǝngkɛlɨ, nʊ nɨ jel lɛ a daagɔ Tɛtɛ woi. Nǝn gɔ nǝ nyiyo lɛ a dul mɨɨ.

1 Yohana 4:6

A bǝnɔ bǝ na a Kwaamaɨ. Nʊ nɨ a nyǝm Kwaamaɨ, gǝ nyʊwa bǝn nyʊwa. Nʊ nɨ ke bɔ a Kwaamaɨ, mɨ gǝ nyʊwa bǝn nɛ. Bǝ nyǝm nǝ Yʊwa bɨlǝngkɛlɔ nyɔ jǝbɔ nǝ yʊwa gabakɛlɔ.

1 Korinti 3:16

Jǝ́ nyǝm bɔ, jǝ́ Kan Kwaaman Kwaamaɨ ka? Jǝ́ nyǝm bɔ Yʊwa Kwaamaɨ yǝm a mʊgɔ nǝl jen tagɨ ka?

1 Korinti 2:14

Nǝb nɨ mɨ nǝn Yʊwaɨ, jǝ kɔ kɔ kanjǝl Yʊwa Kwaamaɨ, jʊ a bwɨɨ n jǝ fʌmʌn a daa ji woi. Mɨsɔ jǝ dwal nyǝmtǝmɔ lɛ, jʊ a bwɨɨ n Yʊwa Kwaamaɨ gǝ fɛta ji lɛɨ.

1 Korinti 6:19

Jǝ́ nyǝm bɔ bʊtɔ jenɔ n Kan Kwaaman Yʊwa Kwaamaɨ wʊnɨ a nǝl jeni, wʊnɨ jǝ́ nya a daagɔ Kwaama woi ka? Jen jǝ́ ke bɔ a dul jen.

2 Timoti 1:14

Jǝ bʊmɨ nɨ Kwaama a nǝ ńɨ, bɛ ń tɔɔ gǝn a gola tɨkalɨ Yʊwa Kwaamaɨ, a wʊnɨ yǝm a mʊgɔ nǝl bǝnɨ.

Yohana 14:16

Mǝ kel kel Tɛtɛ, a nǝ jen kaa Nǝ tɨkalɨ, sǝ a yɨ jǝbɔ jen mɨ dɨtǝm wo.

Yohana 14:23

Nǝngɔ Yesu a jǝla gǝn gɔ, “Gwam nʊ nɨ swɨ ɨ lɛɨ, kɨla kɨla kɛl mǝndɨ. Tɛtɛ mɨ tǝgǝn swɨ gǝn swɨ. Mǝ nǝbɔ Tɛtɛ mɨ nǝn bɛ bɛ a daa gǝ woi, sǝ nǝn yɨ dakini nǝbɔ gɔ.

1 Yohana 3:24

Nǝb nɨ gwam bwangtǝn diil Kwaamaɨ lɛɨ, yǝm a mʊgɔ gǝn, gǝ tǝgǝn yǝm a mʊgɔ ji. Bǝ nyǝm bǝngɔ gɔ yǝm a mʊgɔ bǝn, jʊ a bwɨɨ a nǝ bǝn Yʊwa gǝnɔ.

1 Yohana 4:4

Jǝ́ bɛtɔ dwalǝnɔ, jen jǝ́ na a Kwaamaɨ, jǝ́ ku jelʌn a dul nǝb nɨɨ, jʊ a bwɨɨ nʊ nɨ a mʊgɔ nǝl jeni a laa kwaan nʊ nɨ a yooli nɨɨ.

Afisa 3:17

sǝ Kiristi a yɨ a mʊgɔ nǝl jen a gola nǝtǝm bɨlǝngkɛl. Mǝ maa keli lɛ tag bɛ swɨkanɔ a yǝlam jʊ nɨ jǝ́ ywɔ jʌng jenɔ woi, n daagɔ jǝ́ swa fʌlʌm jenɔ woi.

Galatiya 4:6

Jʊ a bwɨɨ jǝ́ bɛtɔ lɔ gɨɨ, Kwaama a twam Yʊwa Bʊla gɨɨ a mʊgɔ nǝl bǝnɨ, Yʊwagɔ jo jangajǝl lɛ gɔ, “Tɛtɛ, Tɛtɛ!”

2 Korinti 13:5

Jǝ́ tɛl dul jenɔ jǝ́ kuwo, kɛna jǝ́ nǝngǝn nǝn nǝtǝm bɨlǝngkɛlɨ. Ya jǝ́ tɛl dul jenɔ lɛ. Jǝ́ nyǝm bɔ Yesu Kiristi gǝ na a mʊgɔ jeni ka? Na Yesu Kiristi mɨ a mʊgɔ jeni, jǝ́ yal tɛltǝmɔ.

Kolosii 1:27

Kwaama a kuwo a bʊm gǝ sʊwa nǝbam gǝnɔ gɔ shilogɔ jǝbɔ dʊʊlǝn Kiristi Yesui na a jen jǝ́ Bʌtʌbɔ. Jǝ yʊtǝm nɨ nǝn Kiristi. Gǝ na a kʊm jen, wʊnɨ nǝn gɔ n yatǝm nǝl jeni gɔ jǝ́ nya nya dʊʊlǝn gǝnɨ.

Afisa 2:22

N daa gǝ woi tag ja mɔ jen dakini jǝbɔ tangǝnɨ sǝ jǝ́ yǝlam daa yɨm Kwaamaɨ a gola Yʊwa gǝn.

Matta 10:20

N ke bɔ jen jǝ́ sʊwa kɛl lɛɨ. N Yʊwa Tɨya jeni sʊwa kɛl lɛ a daa jen woi.

Dʊgam Nyangnyang 2:17

“Nʊ nɨ nǝn lɔl nyʊwatǝmɨ, bɛ ga nyʊwa jʊ Yʊwagɔ sʊwa daatɨn mʊrkalɨ nǝb bwangtǝm Kwaamaɨ lɛɨ. Nʊ nɨ a ku jelʌni, mǝ nǝ gǝn nǝ wo a tangǝn manna nɨ ja yʊ yʊɨ, mǝ nǝ gǝn nǝ tɛl fulon tag jǝbɔ dun fɨ nɨ a mʊla mʊlaɨ a bʊtɔ tɛl nɨɨ. Mɨ nʊ nɨ wo a nyǝm dun nɨɨ, na ke bɔ nʊ nɨ a yo gǝnɨ.

1 Yohana 5:7

Kanjǝl nǝtǝm nyiyogɔ wo taal,

2 Korinti 6:16

N jǝlakatǝm wɛ a kʊm Kan Kwaaman Kwaamaɨ jǝbɔ kan shomi? Bǝ Kan Kwaaman Kwaama kʊlɨɨ. Kanga Kwaama a sʊwa gɔ, “Mǝ yɨ yɨ nǝbɔ ji, n bola a kʊm jin. Mǝ yǝlam yǝlam Kwaama jin, jǝ yǝlam yǝlam nǝbam mɨ.”

1 Korinti 14:15

Mǝ maa nyǝn? Mǝ maa keli nǝn dʊʊmɨ mɨ, mǝ maa nǝn bʊʊlalɨ mɨ tag. Mǝ ma nafɨ Kwaamaɨ nǝn dʊʊmɨ mɨ, mǝ ma nǝn bʊʊlalɨ mɨ tag.

Yohana 6:40

Swɨtǝm Tɛtɛ mɨɨ gɔ, na nʊ nɨ a dʌng Bwɛɨ, a nǝ bɨlǝngkɛl a daa gǝ woi, nya nya kʊlɨ nɨ mɨ dɨtǝm woi, mǝ gung gǝn gung nǝn kum dɨltǝmɔ.”