Yohana 14:13 - Dadiya NT

¹³ Gwam jʊ nɨ jǝ́ kel a mʊgɔ dun mɨɨ, mǝ maa maa, sǝ Tɛ bwɛ a nya dʊʊlǝn a dul Bʊla gɨɨ.

Yohana 14:13 Referans Kwoze

Yohana 15:7

Na jǝ́ yɨ a mʊgɔ mɨɨ, kɛl mǝndɨ yǝm a nǝl jeni, jǝ́ kela kela jʊ nɨ pʌd jǝ́ swɨ lɛɨ, Kwaama maa jem maa.

Markus 11:24

Gǝ na nyɔ mǝ sʊwa jen nɛ, jʊ nɨ gwam jǝ́ kela Kwaama a mʊgɔ keli, bɛ jǝ́ nǝ bɨlǝngkɛl jengɔ jǝ́ kwɛl jǝ́ nya nyaɨ, bwɨ bwɨ nyɔ.

Matta 21:22

Na jǝ́ nǝ bɨlǝngkɛlɨ, jʊ nɨ gwam jǝ́ kela Kwaama a mʊgɔ keli, jǝ́ nya nya.”

Matta 7:7

“Ya jǝ́ kela lɛ, jǝ nǝ jen nǝ. Ya jǝ́ saa lɛ, jǝ́ nya nya. Ya jǝ́ ga nyanga kanɔ lɛ, jǝ wum jem wum.

1 Yohana 5:14

Bǝ nǝn bɨtǝm nǝl bǝ tɨ a kǝga Kwaamaɨ, jʊ a bwɨɨ, na bǝ kel kanjǝlɔ a swɨtǝm gǝnɨ, gǝ nyʊwa bǝn nyʊwa.

Yohana 16:23

Nǝn kwama gɔ mɨsɔ jǝ́ bʌ i kaa kɛl lɛ. N bɨlǝngkɛl mǝ sʊwa jen nɛɨ, Tɛtɛ nǝ jen nǝ jʊ nɨ gwam jǝ́ kela a mʊgɔ dun mɨɨ.

1 Yohana 3:22

Bǝ nya nya jʊ gwam bǝ kela a daa gǝ woi, jʊ a bwɨɨ, bǝ bwangtǝn diil gǝnɔ lɛ, bǝ maa jʊ lɛ gǝ swɨ lɛɨ.

Yohana 15:16

“Ke bɔ jen jǝ́ jǝg ɨɨ. Nǝmǝ mǝ jǝgǝm jeni. Mǝ dǝg jen mǝʊ jǝ́ yɔ ya jǝ́ tʊʊ tʊʊl, tʊʊl nɨ mɨsɔ dɨ lɛ woi, sǝ Tɛtɛ a nɨ jen jʊ nɨ gwam jǝ́ kelaɨ a mʊgɔ dun mɨ.

Yohana 14:14

Jʊ nɨ jǝ́ kel pʌd nǝn dun mɨɨ, mǝ maa maa.

Yakubu 5:16

A dul kɛl nɨɨ, ya jǝ́ sʊwaka bwɨlangkɛltɨn jenɔ lɛ, ya jǝ́ tɨkaka lɛ nǝn keli, sǝ Tɛlalɔ a gung jen. Keli nʊ nɨ dǝngdǝngɨ, maa maajɨ lɛ nǝn kwaan dangǝn.

Filibii 4:13

Mǝ dwal dwal n maa kanjǝlɔ gwam a dul nʊ nɨ nɨ ɨ kwaan nɛɨ.

Yakubu 1:5

Na kaa nǝl a kʊm jen saa nyǝmtǝm lɛɨ, bɛ ga kela Kwaama nɨ gǝ nǝ nǝbɔ lɛ gwam nǝlɔ win mɨ jongʌn woi, nǝ gǝn nǝ.

Afisa 3:12

N kɛl dul Kiristii jǝbɔ nǝtǝm bɨlǝngkɛl a daa gǝ woi, bǝ mwɨ bǝ bɛ lɛ a daa Kwaama woi, mɨ taal woi.

Yohana 16:26

Nǝn kum gɔ jǝ́ maa maa keligɔ a mʊgɔ dun mɨ. Jǝ́ kel kel Tɛtɛ nǝn kang jen, ke bɔ mǝ mǝ kela gǝn nɛ a kɛl dul jeni.

Yohana 10:30

Mǝ nǝbɔ Tɛtɛ mɨ nǝn win.”

Afisa 2:18

N daa gǝ woi gwam bǝnɔ yo bǝ nya bɛtǝm a daagɔ Tɛtɛ woi a gola Yʊwagɔ wini.

Kolosii 3:17

Jʊ nɨ jǝ́ maa lɛ gwamɨ, a dul kɛl jǝbɔ maajɨɨ, bɛ jǝ́ maa gwam a mʊgɔ dun Tɛlalɔ Yesui, jǝ́ buu Kwaama Tɛtɛ gǝm kang lɛ a gola gǝn.

Yohana 7:37

Nǝn kum dɨltǝm dikulomɔ, wʊnɨ a yǝlam kɔkɔ dʊʊn dikulomi, nǝngɔ Yesu a gun a tɨɨ a gung diilɔ sʊwa lɛ gɔ, “Nʊ nɨ nyʊwa diil mwɛn nɛɨ, bɛ ga bɛ a daa mɨ woi sǝ ga nɔɔ.

Ibranii 7:25

Gǝ na nyɔ nǝn kwaan bʊʊtǝm nǝn nǝb nɨ bɛ lɛ nǝn dɔɔm a daagɔ Kwaama woi a gola gǝn, bʊʊtǝm nɨ mɨ dɨtǝm woi, kanga nɨ kwangkwang nǝn kʊlɨɨ, kela Kwaama lɛ a kɛl dul jin.

Yohana 14:6

Yesu a jǝla gǝn gɔ, “Nǝmǝ mǝ golaɨ, nǝmǝ mǝ bɨlǝngkɛlɨ, nǝmǝ mǝ kʊlɨ tagɨ. Mɨ nʊ nɨ wo yɔ lɛ a daagɔ Tɛtɛ woi, na ke bɔ a gola mɨɨ.

Yohana 12:44

Nǝngɔ Yesu a gung diilɔ gɔ, “Gwam nʊ nɨ a nǝ bɨlǝngkɛl a daa mɨ woi, a nǝ bɔ a daa mɨ woi kwaamɨ, a nǝ bɨlǝngkɛlɔ a daa nʊ nɨ woi a twam ɨɨ.

Luka 11:9

“Mǝ sʊwa jen nɛ, ya jǝ́ kel lɛ, jǝ nǝ jen nǝ. Ya jǝ́ saa lɛ, jǝ́ nya nya. Ya jǝ́ yal jǝl lɛ, jǝ wum jem wum nyanga kanɔ.

1 Bitrus 2:5

Jen tʌjen jǝ́ na na tatǝn kʊlɨ. Bɛ Kwaama a mɔ jen na lɔ gǝnɔ nɨ nǝn yʊwaɨ, sǝ jǝ́ yǝlam nya nǝbkǝlam Kwaamaɨ sagsag, jǝ́ twɨtǝm yulʌn nyan, wʊnɨ Kwaama yo lɛɨ, a gola Yesu Kiristii.

Yohana 5:19

Nǝngɔ Yesu a jǝla ji gɔ, “N bɨlǝngkɛl mǝ sʊwa jen nɛɨ, Bwɛ mɨ gɔ maa jǝl lɛ kwaagɔ. Gǝ maa jʊ ga kuwo Tɛ bwɛ maa lɛɨ. Jʊ a bwɨɨ gwam jʊ nɨ Tɛ bwɛ maa lɛɨ, n jʊ Bwɛ maa lɛɨ.

Ibranii 13:15

Bɛ ya bǝ maa bǝlátǝm Kwaamaɨ lɛ a gola Yesui, bǝlátǝm nɨ na tǝlatǝm twama ya bǝ maa lɛɨ, bǝ gung dun gǝnɔ lɛ.

Ibranii 4:15

Dalɨ nǝkǝla nɨ bǝ nǝngǝnɨ, n ke bɔ nʊ nɨ mɨ ji bʊnǝn bǝnɔ lɛ a gɨyatǝm bǝnɔ gǝmɨ. Mɨ nyɔ. N nʊ ja tɛl gǝn a golantɨnɔ gǝm gwam kanga jǝ tɛl bǝn nɛɨ, a gǝnɔ a maa bɔ bwɨlangkɛl.

Afisa 3:14

N dul kɛl nɨ mǝ jʊng a kǝga Tɛtɛɨ mǝ maa kelii,

Yohana 4:14

Nʊ nɨ a nɔɔ mwɛ nɨ mǝ nǝ gǝn nɛɨ, mɨsɔ nyʊwa kaa diil mwɛ lɛ wo tag. Mwɛmɔ mǝ nǝ gǝn nɛɨ, yǝlam bwili mwɛ a bʊtɔ gǝn, wʊnɨ nǝ gǝn kʊlɨ nɨ mɨ dɨtǝm woi.”

Yohana 4:10

Nǝngɔ Yesu a jǝla gǝn gɔ. “Na ń nyǝm lǝma Kwaamaɨ, jǝbɔ nʊ nɨ a bʌ ń gɔ, ‘Ń nǝ mɨ mwɛmɔ wo mǝ nɔɔ nɔɔɨ,’ na ń kel gǝn, na nǝ ń nǝ ń mwɛ nɨ nǝ kʊlɨ lɛɨ.”

Yohana 16:7

Mǝ sʊwa jen bɨlǝngkɛlɔ lɛ, mǝ shu sǝ ya n maa jʊ nɨ a bʊm jemi, jʊ a bwɨɨ na mǝ shu bɨɨ, Nǝ tɨkalɨgɔ mɨsɔ bɛ lɛ. Na n yǝla shui, dɨsɔ la n twam jem gɔ.

Yohana 13:31

Kwama nɨ Yahuza a jelʌmi, nǝngɔ Yesu a sʊwa gɔ, “N kǝngkɔ jǝ nǝ Bʊla Nǝlɨ dʊʊlǝn nɛɨ. N daa gǝ woi Kwaama nya dʊʊlǝn nɛɨ.

1 Korinti 14:13

Nʊ nɨ sʊwa kɛl lɛ nǝn kaa nyiyoi, bɛ ga maa keli, Kwaama a nǝ gǝn lǝma fɛtatǝmɔ.