Yohana 13:18 - Dadiya NT

¹⁸ “Ke bɔ a dul jen pʌd mǝ sʊwa kɛl nɨ lɛɨ, n nyǝm nǝbɔ mǝ jǝgamɨ. A bwɨ nyɔ sǝ a yii mʊlalɨ kɛl nɨ gɔ, ‘Nʊ nɨ ja jǝjalǝn mǝndɨ lɛɨ, a gun tʌgo a mǝ gǝm.’

Yohana 13:18 Referans Kwoze

Matta 26:23

Nǝngɔ Yesu a jǝla ji gɔ, “Nʊ nɨ a dǝg kang gǝnɔ jǝbɔ mǝ a mʊgɔ kʌshii, nǝn gɔ lungto i lɛɨ.

Yohana 17:12

Kwama mǝ dakini nǝbɔ jii, n kɨla ji nǝn kwaan dun mʊnɔ nɨ mʊ nɨ ɨɨ. N kɨla ji, mɨ nʊ nɨ wo a lɛlaɨ, na ke bɔ nʊ a gola kalatǝmɨ, sǝ a yii jʊ mʊlalɨ kɛl Kwaamaɨ a sʊwaɨ.

Markus 14:20

Nǝngɔ a jǝla ji gɔ, “Nʊ win a kʊm jen, jǝ́ kʊb jeli yo nɨ, nʊ a lungto i, n nʊ nɨ nǝn dǝg kangɔ lɛ dakini a mʊgɔ kʌshii.

Yohana 13:26

Nǝngɔ a jǝla gɔ, “Mǝ dǝg dǝg kʊkkʊm nɨ a mʊgɔ taasa. Nʊ nɨ mǝ nǝ gǝnɨ, n nʊ gɔ.” Nǝngɔ Yesu a do kǝlɨ kʊkkʊm nɨ a dǝg a mʊgɔ taasaɨ, nǝngɔ a nǝ Yahuza bʊla Saminu Iskariyotii.

Yohana 6:70

Nǝngɔ Yesu a jǝla ji gɔ, “Nǝmǝ mǝ jǝgam jen kʊb jeli yo nɨɨ, win a kʊm jen n mamm.”

Yohana 15:19

Na na jǝ́ na a yooli nɨɨ, na yooli nɨ a swɨ jen kanga a swɨm nǝbam gǝnɨ. Jǝ́ ke bɔ na yooli nɨ, n kwɛl n jǝgǝm jen sǝ jǝ́ bǝla yooli nɨ, n jʊ a bwɨ yooligɔ a kɔ jeni.

Ibranii 4:13

Mɨ kaa jǝ fwaltǝm nɨ wo wuu Kwaama gǝm lɛɨ. Kanjǝlɔ gwam gǝ na a talɨ. Ja mɨɨl gǝn a nu nʊ nɨ bǝ kiyo jʊ lɛ bǝ maaɨ a kǝga gǝnɨ.

Yohana 15:16

“Ke bɔ jen jǝ́ jǝg ɨɨ. Nǝmǝ mǝ jǝgǝm jeni. Mǝ dǝg jen mǝʊ jǝ́ yɔ ya jǝ́ tʊʊ tʊʊl, tʊʊl nɨ mɨsɔ dɨ lɛ woi, sǝ Tɛtɛ a nɨ jen jʊ nɨ gwam jǝ́ kelaɨ a mʊgɔ dun mɨ.

Matta 10:36

Nǝbɔ lɔ gɨɨ, yǝlam nǝb kiim gǝn.’

Dʊgam Nyangnyang 2:23

Mǝ jʌbo jʌbo bɛtɔ lɔ gɨɨ, dɨsɔ daatɨn mʊrkalɨ nǝb bwangtǝm Kwaamaɨ ja nyǝm gɔ, nǝmǝ mǝ sǝb nǝlɔ lɛɨ jǝbɔ bʊʊlalɨ jini. Mǝ ywa ywa maajɨ jenɔ dǝngdǝng kanga jǝ́ maaɨ.

Yohana 21:17

Nǝngɔ Yesu a bʌ gǝn na taalɔ gɔ, “Saminu bʊla Yohanaɨ, mʊ swɨ ɨ lɛ ka?” Nǝngɔ Bitrus a maa fitǝm nǝl jǝbɔ bʌtʌm na taal nɨ Yesu a maa gǝmɨ gɔ, “Mʊ swɨ ɨ lɛ ka?” Nǝngɔ Bitrus a jǝla gǝn gɔ, “Tɛlalɔ, ń nyǝm kanjǝlɔ gwam. Ń nyǝm nyɔ mǝ swɨ ń nɛ.” Yesu a sʊwa gǝn gɔ, “Ja nǝn kwamɨtɨn mǝndɨ.

2 Korinti 4:5

Ke bɔ kiyotǝm kɛl dul nǝn nǝ maa lɛɨ, nǝn kiyo a dul Yesu Kiristii wʊnɨ nǝn gɔ nǝn Tɛlalɔɨ. Nǝn nǝ jwaalɛb jen a kɛl dul Yesui.

Matta 26:21

Kwama jǝ jam jǝjalǝnɔ lɛɨ, nǝngɔ a sʊwa ji gɔ, “N bɨlǝngkɛl mǝ sʊwa jen nɛɨ, win a kʊm jen lungto i lungto i.”

Markus 14:17

Nǝn kwaamɨ, nǝngɔ Yesu a bɛ dakini jǝbɔ bɛtɔ mɛlalɨ gǝnɔ kʊb jeli yoi.

Markus 14:18

Jǝ ja jǝjalǝnɔ lɛ dangǝnɨ, nǝngɔ Yesu a sʊwa gɔ, “N bɨlǝngkɛl mǝ sʊwa jen nɛɨ, win a kʊm jen lungto i lungto i, nʊ nɨ nǝn ja jǝjalǝnɔ lɛ dakinii.”

Luka 22:21

N wɔ nʊ nɨ lungto i lɛɨ, ja lɛ dakini jǝbɔ mǝ!

Yohana 13:21

Kwama nɨ Yesu a sʊwa kɛl nɨ nyɨɨ, a do a nǝl gǝnɔ a tuu, nǝngɔ a jel a talɨ a sʊwa gɔ, “N bɨlǝngkɛl mǝ sʊwa jen nɛɨ, win a kʊm jen lungto i lungto i.”

Yohana 13:22

Nǝngɔ bɛtɔ mɛlalɨ gǝnɔ ja dʌngkoi, ja nyǝm bɔ bwɛ mɛlalɨ nɨ Yesu sʊwa kɛl lɛ a dul gǝnɨ.

Yohana 15:25

Jʊ nɨ a bwɨ sǝ ja yii kɛl nɨ ja mʊla a diil jinɔ gǝmɨ gɔ, ‘Ja kɔ ɨ mɨ nǝn kǝga kɛl.’

Yohana 18:32

Jʊ nɨ a bwɨ sǝ a nʊng yiitǝm kɛl nɨ Yesu a sʊwa kanga gǝ bʊlam bwaa gǝnɔ lɛɨ.

Yohana 19:24

Nǝngɔ ja sʊwaka a bʊtɔ jin gɔ, “Bɛ ka bǝ wʊl lɛ bɛllɛ nɨ. Bǝ gam kwannya nǝngǝn, sǝ bǝ kuwo nʊ nɨ ku jelʌn nɛɨ.” Jʊ nɨ a bwɨ nyɔ sǝ ja yii mʊlalɨ kɛl Kwaamaɨ sʊwa lɛ gɔ, “Ja tǝga dwangtɨn mǝndɨ a kʊm jin. Bɛllɛ mǝndɨ ja gam kwannya nǝngǝn.” N jʊ sʊwajaamtɨnɔ a maaɨ.

Yohana 19:36

Jʊ nɨ a bwɨ sǝ ja yii jʊ nɨ mʊlalɨ kɛl Kwaamaɨ a sʊwaɨ gɔ, “Mɨ kuto gǝnɔ wo win jǝ kǝl lɛɨ.”

Maajɨ Bɛtɔ Twamagɨɨ 1:2

a yɔ nǝn a kumɔ Kwaama a dem gǝn a dʌbʌli. Kwama lǝga bɔ a dem gǝn a dʌbʌli, a ga bɛtɔ twama nɨ ga jǝgamɨ gǝm diil a gola Yʊwa Kwaamaɨ.

Maajɨ Bɛtɔ Twamagɨɨ 1:16

“Kambɔ, a yǝlam nyɔ ja yii kɛl Kwaamaɨ wʊnɨ Yʊwa Kwaamaɨ a sʊwa galɨgǝn a nyiyo Daudaɨ a dul Yahuzaɨ, nʊ nɨ a ja nǝb tatǝm Yesui gǝm kǝgaɨ.