Yohana 12:43 - Dadiya NT

⁴³ Jʊ a bwɨɨ, ja swɨ bǝlátǝmɔ a nyiyo nǝbɨɨ, a laa Kwaamaɨ.

Yohana 12:43 Referans Kwoze

Yohana 5:44

La jǝ́ nǝ bɨlǝngkɛlɔ nyǝn, na jǝ́ swɨ saatǝm bǝlátǝm a kʊm jen, mɨ jǝ́ saa bǝlátǝm nɨ lɛ jel lɛ a daagɔ Kwaama woi kwaagɔ wini?

Yohana 5:41

“Mɨ mǝ yo dʊʊlǝn nɛ a daagɔ nǝbɔ woi.

Luka 16:15

Yesu a sʊwa ji gɔ, “Nǝjen jǝ́ nʊng nya jenɔ lɛ a nu nǝbɨɨ, Kwaama a kwɛl a nyǝm nyǝmɨ nǝl jenɔ. Jʊ nɨ a bʊm a nu nǝbɨɨ, n kanjǝlɔ Kwaama kɔ lɛɨ.

1 Tasalonikaɨ 2:6

Nǝn saa bɔ bǝlátǝm wo a daagɔ nǝbɨɨ, ke bɔ a daa jen woi jǝbɔ kaamɨ. Na na nǝn swɨ lɛɨ, na nǝn maa maajɨ nǝn fɔlɔn nǝnɔ na bɛtɔ twama Kiristii, na nǝn saa tɨkalɨ.

2 Korinti 10:18

Mɨ nʊ nɨ wo gung dul gǝnɔ lɛ jǝ jǝla lɛ nǝn gɨɨ, na ke bɔ nʊ nɨ Tɛlalɔ a gung dul gǝnɨ.

Matta 6:2

Na jǝ́ nǝ nǝb bʊnǝnɔ jǝl lɛɨ, ka jǝ́ guu lɛ jum sǝ nǝbɔ a nyʊwa kanga nǝb fentogɔ gǝ maa lɛ a mʊgɔ keli a kantɨn mɛlalɨ jǝbɔ nu golantɨnɨ, sǝ nǝbɔ a nǝ ji dʊʊnɨ. N bɨlǝngǝn mǝ sʊwa jen nɛɨ, ja kwɛl ja yo yoi lǝma jinɔ gwam.

1 Korinti 4:5

A dul kɛl nɨɨ, ka jǝ́ biyo lɛ kaa borang kwama gǝnɔ a lǝga bɔ a la. Ka jǝ́ biyo lɛ borang sǝla Tɛlalɔ a bɛ, nʊ nɨ wʊ kanjǝl nɨ lɛ ja yʊ yʊɨ a mʊgɔ duddugi, sǝ a nʊng jʊ nǝlɔ swɨ lɛɨ. Nǝn kwama gɨɨ, Kwaama maa maa bǝlátǝm jinɔ gwam dǝngdǝng.

Yohana 12:26

Gwam nʊ nɨ maa mɨ maajɨ lɛɨ, bwang mɨ bwang. Daa mǝ woi, bwɛ jwaalɛ mǝndɨ dakini jǝbɔ mǝ. Tɛtɛ mɨ nǝ nǝ dʊʊn a nʊ nɨ gwam maa mɨ maajɨ lɛɨ.

Yohana 8:54

Nǝngɔ Yesu a jǝla ji gɔ, “Na n nǝ dul mǝndɨ dʊʊlǝnɨ, dʊʊlǝn mǝndɨ mɨ a nyiyo jǝl. Nʊ nɨ dʊʊlɨ ɨ lɛɨ, nǝn gɔ nǝn Tɛtɛ mɨ, wʊnɨ jǝ́ sʊwa lɛ jengɔ Kwaama jeni.

Luka 19:17

“Nǝngɔ a sʊwa gǝn gɔ, ‘Ń maa dǝngdǝng bwɛ jwaalɛ nyan! Kanga mʊ maa bɨlǝngkɛl a kǝlɨ jǝlɨ, n ya ń fɔlɔn tuulɔngɔ kʊb.’

1 Bitrus 3:4

Bɛ bʊmǝn jenɔ a yǝlam a bʊʊlalɨ mʊgɔ nǝl. Bɛ dʊʊl jenɔ, jǝbɔ yʌbtǝm dul jenɔ, jǝbɔ lǝma nǝl jenɔ wʊnɨ mɨsɔ dumo lɛ woi a yǝlam jǝ yotǝm nyan a kǝga Kwaamaɨ.

Roma 2:7

Nǝ nǝ kʊlɨ nɨ mɨ dɨtǝm woi a nǝb nɨ a ja kǝga nǝn maatǝm jǝ nyaɨ, nǝb nɨ saa dʊʊlǝn nɛ jǝbɔ gungtǝmɨ.

Yohana 7:18

Nʊ nɨ mɛla kanjǝl nɨ lɛ a yʊlan gǝnɨ, gǝ saa dul gǝnɔ gǝm dʊʊlǝn. Nʊ nɨ swɨ lɛ a saa nʊ nɨ a twam gǝnɨ gǝm dʊʊlǝnɨ, n nǝ bɨlǝngkɛl, mɨ nǝn bwɨlangkɛl a mʊgɔ gǝn.

Roma 2:29

Nʊ nɨ n bwɛ Yahuda a mʊgɔ nǝlɨ, nǝn gɔ n bwɛ Yahuda nyanɨ. Biyotǝm mwɛn nyanɔ gǝ na a mʊgɔ nǝl, a mʊgɔ yʊwa, ke bɔ biyotǝm tɛ bʊtɔ. N nʊ nɨ Kwaama bǝlá gǝn nɛɨ, ke bɔ nǝfilii.