Yohana 12:42 - Dadiya NT

⁴² A kaa gola, Yahudawagɔ a lada a nǝ bɨlǝngkɛl a daa Yesu woi, nǝb dʊʊm jinɔ wo a mʊgɔ jinɔ gǝm. N nyʊwatǝm taal nǝbɔ Farisaɨ ja sʊwa bɔ gɔ jǝ nǝ bɨlǝngkɛlɨ, kage ja kaa ji yɔtǝmɔ a kan mɛlalɨ.

Yohana 12:42 Referans Kwoze

Yohana 9:22

Tɛtǝlam gǝnɔ a sʊwa nyɔ, jʊ a bwɨɨ jǝ nyʊwa taal nǝb dʊʊm Yahudawagɨɨ lɛ. Yahudawagɔ a kwɛl a kiyo kiyoi gɔ pʌd nʊ nɨ a sʊwa gɔ Yesu nǝn Kiristii, jǝ kaa gǝn kaa a kan mɛlalɨ jin.

Yohana 7:13

Mɨ nʊ nɨ wo a nya kwaan sʊwatǝm kɛl a dul Yesui a talɨɨ, jʊ a bwɨɨ jǝ nyʊwa taal nǝb dʊʊm Yahudawagɨɨ lɛ.

Matta 10:32

“Gwam nʊ nɨ a jǝla gɔ gǝ na a mɨɨ a kǝga nǝbɨɨ, mǝ tǝmɨ mǝ jǝla jǝla mǝʊ gǝ na a mɨ a kǝga Tɨya mɨɨ nɨ a dʌbʌli.

1 Yohana 4:15

Gwam nʊ nɨ a jǝla gɔ Yesu nǝn Bʊla Kwaamaɨ, Kwaama yǝm a mʊgɔ gǝn, gǝ tǝgǝn yǝm a mʊgɔ Kwaamaɨ.

1 Yohana 4:2

N gola nɨ jǝ́ nyǝm nʊ nɨ lɛ nǝngǝn nǝn Yʊwa Kwaamaɨ: Gwam nʊ nɨ a jǝla gɔ Yesu Kiristi a bɛ a bʊtɔɨ, nʊ gɔ nǝngǝn nǝn Yʊwa Kwaamaɨ.

Roma 10:10

N nǝl nǝfili gǝ nǝ bɨlǝngkɛl lɛɨ sǝ a yǝlam nǝ dǝngdǝngɨ. N nyiyo nǝfili gǝ sʊwa bwɨlangkɛl gǝnɔ lɛɨ sǝ a nya bʊʊtǝmɨ.

Maajɨ Bɛtɔ Twamagɨɨ 5:41

Bɛtɔ twama nɨ a gun a bǝla nǝb dʊʊm koteregɔ, ja jel. Jǝ maa bǝlátǝm lɛ gɔ jǝ kuwo, jǝ la nyɔ, jǝ nɔɔ gaalan a kɛl dun Yesui.

Yohana 19:38

Bwangtǝn nɛɨ, Yusufu bwɛ Arimatiyaɨ a kela Bilatus gɔ a nǝ gǝn bʌlʌn Yesui. Yusufu n bwɛ mɛlalɨ Yesui, wʊnɨ a nʊng bɔ dul gǝnɨ, nyʊwa taal Yahudawagɨɨ lɛ. Bilatus tǝgǝn a jǝla gǝm. Nǝngɔ a do bʌlʌn Yesui.

Yohana 16:2

Jǝ kaa jen kaa a mʊgɔ kantɨn mɛlalɨ. Kwamagɔ bɛ lɛ wo na nʊ nɨ a jʌ jeni, kuwo kuwo gɔ gǝ maa Kwaamagɔ gǝm maajɨɨ.

Yohana 12:11

Jʊ a bwɨɨ, n kɛl dul Liazarui, Yahudawagɔ a lada nyɔ jǝ wʊlaka lɛ jǝbɔ dʊʊm nǝbkǝlamɔ, jǝ nǝ bɨlǝngkɛl lɛ a daa Yesu woi.

Yohana 11:45

Yahudawagɔ a lada nyɔ wʊnɨ ja bɛ yaltǝm Maryamui, ja kuwo jʊ nɨ Yesu a maaɨ, nǝngɔ ja nǝ bɨlǝngkɛl a daa gǝ woi.

Yohana 9:34

Nǝngɔ ja jǝla gǝn gɔ, “Mɔ nɨ ja bʌ ń a mʊgɔ bwɨlangkɛlɨ, n wɛ mʊ swɨ lɛ ń mɛla nǝmɨ?” Nǝngɔ ja kaa gǝn bɛtǝmɔ a kan mɛlalɨɨ.

Yohana 3:2

Kaa kum a bɛ a daagɔ Yesu woi nǝn kum, nǝngɔ a sʊwa gǝn gɔ, “Feyi, nǝn nyǝm mʊ nǝ mɛlalɨ nɨ Kwaama twamɨ. Mɨ nǝn nʊ nɨ maa jǝ laatǝm kang nɨ mʊ maa lɛɨ, na Kwaama mɨ jǝbɔ gɨɨ.”

Luka 12:8

“N sʊwa jen, gwam nʊ nɨ a jǝla gɔ gǝ na a mɨɨ a kǝga nǝbɨɨ, Bʊla Nǝlɨ tǝgǝn jǝla jǝla gɔ gǝ na a gɔ a kǝga bɛtɔ twama Kwaamaɨ.

Luka 6:22

Bwiligɔ na a jen, jǝ́ nǝbɔ ja kɔ jeni, ja jǝgǝm jen, jǝ tuwo jen nɛɨ, jǝ kal dun jenɔ lɛ a kɛl dul Bʊla Nǝlɨ.

Luka 23:13

Bilatus a jo dʊʊm nǝbkǝlamɔ, jǝbɔ nǝb dʊʊmɔ, jǝbɔ nǝbɔ.

Yohana 7:31

Nǝbɔ a lada tag a kʊm nǝbɨɨ a nǝ bɨlǝngkɛl nǝn Yesu, jǝ sʊwa lɛ gɔ, “Nǝn kwama Kiristi bɛm lɛɨ, maa maa kanjǝl laatǝm kang nɨ shu shui a wʊnɨ nʊ nɨ a maaɨ ka?”