Yohana 11:55 - Dadiya NT

⁵⁵ Dikulom Yabtǝm Yahudawagɨɨ a dwamaɨ, nǝbɔ a lada nyɔ a bɛl tuulɔtɨn ja gwi ja shu a Urushalimaɨ, sǝ ya ja saalǝm dul jinɔ, sǝla dikulomɔ a bɛ.

Yohana 11:55 Referans Kwoze

Yohana 12:1

Dikulom Yabtǝmɔ a bǝla kumɔ nukuni, nǝngɔ Yesu a yǝla a Betanya, a daa nɨ Liazaru woi, nʊ nɨ Yesu a gung gǝn a bwaaɨ.

Yohana 6:4

A kwama gɔ Dikulom Yabtǝm Yahudawagɨɨ a dwama.

Yohana 2:13

Kwama Dikulom Yabtǝm Yahudawagɔ a dwamaɨ, nǝngɔ Yesu a gwi a shu a Urushalimaɨ.

Yakubu 4:8

Jǝ́ bɨtǝn a daagɔ Kwaama woi. Gǝ tǝgǝn bɨtǝn bɨ tʌgo a jen gǝm. Jǝ́ nǝb bwɨlangkɛlɔ, jǝ́ saalǝm kang jenɔ. Jǝ́ nǝb fentogɔ, jǝ́ saalǝm nǝl jenɔ.

1 Korinti 11:28

Bɛ ga fɛ ga fɨɨ dul gǝnɔ sǝla ga ja kʊkkʊmɔ, ga nɔɔ a kʌshigɔ gǝm.

Maajɨ Bɛtɔ Twamagɨɨ 24:18

Mǝ a mʊgɔ maatǝm nyɔ, nǝngɔ ba ja nya ɨ a mʊgɔ Kan Kwaamanɨ. N kwɛl n saalǝm saalǝmɨ dul mɨ, mɨ mǝ a mʊrkalɨ nǝbɨɨ, mǝ gung bɔ nǝl nǝbɨɨ.

Yohana 18:28

Nǝngɔ Yahudawagɔ a jel nǝn Yesu a daa Kayafa woi, nǝngɔ ja yɔ nǝn gɔ a lɔ gwamna Romagɨɨ, nǝn kumsʌl butʌb. Ji nǝn kang ji ja dɔ bɔ lɔ gwamnagɨɨ, kage a dǝg ji mɨ jǝ sagsag, ja la bɔ ja ja Dikulom Yabtǝmɔ.

Yohana 13:1

Nǝn kwama Dikulom Yabtǝmɔ a dwamaɨ, Yesu a kwɛl a nyǝm kwama gǝnɔ a la, wʊnɨ gǝ bǝla yooli nɨ lɛɨ, sǝ gǝ yǝla a daa Tɛtɛ woi. Yesu a swɨ nǝbam gǝnɔ a yooli nɨɨ, a nʊng ji swɨtǝm gǝnɔ a yɔ nǝn a dɨltǝm.

Yohana 5:1

A gulɔ gǝmɨ, nǝngɔ Yesu a gwi a shu a Urushalima a dikulom Yahudawagɨɨ.

Yohana 2:6

Nǝn dɔɔm a daagɔ, sɛbǝlɔ wo nukun wʊnɨ ja mɔba nǝn tɛlɨ, gwam jinɔ jǝ do do suul mwɛmɔ fʊltiyo a yɔ nǝn a fʊtǝtaal. N sɛbǝl nɨ Yahudawagɔ gǝ talǝm mwɛ saaltǝm bʊtɔ lɛɨ na jǝ maa kaam jǝfʊlǝntɨn jinɔ lɛɨ.

Markus 14:1

A bǝla kumɔ yo jǝ maa Dikulom Yabtǝmɔ lɛ jǝbɔ jatǝm Dikulom Kʊkkʊm nɨ mɨ Yisti woi, nǝngɔ dʊʊm nǝbkǝlamɔ jǝbɔ nǝb mɛlalɨ diilɔ, ja saa gola nɨ jǝ tam Yesu lɛɨ nǝn yʊlan sǝ jǝ jʌm gǝnɨ.

Matta 26:1

Nǝn kwama Yesu a dɨ sʊwatǝm katɨ nɨɨ, nǝngɔ a sʊwa bɛtɔ mɛlalɨ gǝnɔ gɔ,

Matta 26:2

“Jǝ́ nyǝm Dikulom Yabtǝmɔ a bǝla kumɔ yo, jǝ nǝ nǝ Bʊla Nǝlɨ a daa nǝb kiim gǝnɔ woi, sǝ ja kʊʊ gǝn a dʌbʌl tɨya.”

Luka 22:1

Nǝn kwama Dikulom Kʊkkʊm nɨ mɨ Yisti woi, wʊnɨ jǝ jo lɛ gɔ Dikulom Yabtǝmɨ a dwama.

Maajɨ Bɛtɔ Twamagɨɨ 21:24

Bɛ ń yɔ jǝbɔ ji a Kan Kwaaman, ya ń saal dul mʊnɔ jǝbɔ a jinɔ gwam. Bɛ ń ywa kemʌn sǝ ja bʊtɨ jim dulɔ. A gola maatǝm nyɔ nǝbɔ gwam nyǝm nyǝm gɔ gwam jʊ nɨ ja sʊwa a dul mʊnɨ n gabakɛl. Jǝ kuwo kuwo mʊ kɨla diilɔ lɛ.

Maajɨ Bɛtɔ Twamagɨɨ 21:26

Nǝn tǝmsɛlɨ Bulus a do nǝb nɨɨ, nǝngɔ a saal dul gǝnɔ jǝbɔ a jini, nǝngɔ a dɔ Kan Kwaamanɔ sǝ a sʊwa kum yiitǝm saaltǝm jinɔ jǝbɔ kum tǝlatǝm twamagɔ a kɛl dul jin win wini.