Yohana 11:47 - Dadiya NT

⁴⁷ Nǝngɔ dʊʊm nǝbkǝlamɔ jǝbɔ nǝbɔ Farisaɨ ja mʊr nǝb dʊʊm koteregɨɨ. Ja bʌbko a bʊtɔ ji gɔ, “Wɛ bǝ maa lɛɨ? Balɨ nɨ wɔ maa kanjǝl laatǝm kang lɛ a lada nyɔ.

Yohana 11:47 Referans Kwoze

Matta 26:3

Nǝngɔ dʊʊm nǝbkǝlamɔ jǝbɔ nǝb dʊʊm nǝbɨɨ ba ja mʊrka a talɨ lɔ dʊʊn dalɨ nǝkǝlagɨɨ, dun gǝnɔ nǝn Kayafa.

Yohana 12:19

Nǝngɔ nǝbɔ Farisaɨ sʊwaka lɛ a bʊtɔ jin gɔ, “Jǝ́ dʌng, mɨ bǝ nya jatǝm kǝga lɛ. N wo yooligɔ gwam bwang gǝm lɛɨ.”

Yohana 11:57

Ja bʌ jʊ nɨ, jʊ a bwɨɨ dʊʊm nǝbkǝlamɔ jǝbɔ nǝbɔ Farisaɨ ja kwɛl ja ga diil gɔ gwam nʊ nɨ a nyǝm daagɔ Yesu woi, a bɛ ba sʊwa ji, sǝ jǝ ta gǝn.

Yohana 2:11

Wʊnɨ nǝn gɔ jǝ laatǝm kang tɨkǝgagɔ Yesu a tǝl maatǝmɔ a tuulɔ Kana nɨ a tǝm Galilii, wʊnɨ gǝ nʊng dʊʊlǝn gǝnɔ. Bɛtɔ mɛlalɨ gǝnɔ a nǝ bɨlǝngkɛl a daa gǝ woi.

Matta 5:22

Kǝngkɔ mǝ sʊwa jen nɛ, na nʊ nɨ a maa nabwɨl jǝbɔ kɨla gɨɨ, jǝ maa gǝm maa borang. Na nʊ nɨ a tuwo kɨla gɨɨ, jǝ yɔ yɔ nǝn gɔ a kǝga nǝb dʊʊm koteregɨɨ. Na nʊ nɨ a sʊwa gɔ ‘Nǝ swɛlatǝmɨ,’ a la maltǝm a lɔ kǝla.

Maajɨ Bɛtɔ Twamagɨɨ 5:24

Nǝn kwama nɨ nǝ dʊʊ nǝb tɔɔtǝm Kan Kwaamanɔ jǝbɔ dʊʊm nǝbkǝlamɔ a nyʊwa nyɨɨ, nǝngɔ jʊ nɨ a bwam dul jini. Jǝ bʊʊla lɛ gɔ n wɛ jʊ nɨ bɛ lɛ nǝnɨ.

Maajɨ Bɛtɔ Twamagɨɨ 5:21

Nǝn kwama ja nyʊwam nyɨɨ, nǝngɔ ja dɔ talɨ Kan Kwaamanɔ nǝn kumsʌli, jǝ maa mɛlalɨgɔ lɛɨ. Nǝn kwama nɨ dalɨ nǝkǝlagɔ jǝbɔ nǝb nɨ jǝ dakinii, ja mʊrka ja jo nǝb yɨmɨ jǝbɔ nǝb dʊʊm kotere nǝbɔ Israilaɨ gwamɨ, nǝngɔ ja tʊng gɔ ya ja bɛ nǝn bɛtɔ twamagɔ a lɔsomii.

Luka 22:2

Dʊʊm nǝbkǝlamɔ jǝbɔ nǝb mɛlalɨ diilɔ jǝ saa gola nɨ lɛ jǝ jʌm gǝn nɛ daddadɨ. Jǝ swɨ lɛ jǝ maa nyɔ jʊ a bwɨɨ jǝ nyʊwa taal nǝbɨɨ lɛ.

Markus 14:1

A bǝla kumɔ yo jǝ maa Dikulom Yabtǝmɔ lɛ jǝbɔ jatǝm Dikulom Kʊkkʊm nɨ mɨ Yisti woi, nǝngɔ dʊʊm nǝbkǝlamɔ jǝbɔ nǝb mɛlalɨ diilɔ, ja saa gola nɨ jǝ tam Yesu lɛɨ nǝn yʊlan sǝ jǝ jʌm gǝnɨ.

Yohana 6:2

Nǝbɔ a lada nyɔ na a bwang gǝmɨ, jʊ a bwɨɨ, ja kuwo jǝ laatǝm kang nɨ gǝ maa nǝb bɔɔlamɔ gǝm lɛɨ.

Yohana 7:32

Nǝbɔ Farisaɨ a nyʊwa nǝbɔ sʊwa kɛl lɛ daddad a kʊm jin a dul Yesui, nǝngɔ dʊʊm nǝbkǝlamɔ jǝbɔ nǝbɔ Farisaɨ ja twam nǝb tɔɔtǝm Kan Kwaamanɔ gɔ ja ta gǝn.

Yohana 7:45

Nǝn kwama nǝb tɔɔtǝm Kan Kwaamanɔ a yǝlamɨ, nǝngɔ dʊʊm nǝbkǝlamɔ jǝbɔ nǝbɔ Farisaɨ ja bʌ ji gɔ, “N wɛ a bwɨ jǝ́ bɛ bɔ nǝn gɨɨ?”