Yohana 10:33 - Dadiya NT

³³ Yahudawagɔ a jǝla gǝn gɔ, “N ke bɔ a dul kɛl maajɨ nyantɨn nɨ mʊ maa nǝn mala ń nɛ nǝn tɛl sǝ nǝn jʌ ńi, n kɛl kaltǝm dun Kwaamaɨ. Mɔ nɨ mʊ nǝfili nǝn kwanɨ, mʊ do dul mʊnɔ lɛ dǝngdǝng jǝbɔ Kwaama.”

Yohana 10:33 Referans Kwoze

Yohana 5:18

Kɛl nɨ a dǝg Yahudawagɔ a sʊtǝn saatǝm gola nɨ jǝ jʌm Yesu lɛɨ. Ja sʊwa gɔ, “Ke bɔ kaltǝm diil Kum Fǝbtǝmɔ kwaagɔ, a sʊwa tag gɔ, Kwaama nǝn Tɛtɛ gɔ. Kɛl nɨ a sʊwa nyɨɨ, a do dul gǝnɔ dǝngdǝng jǝbɔ Kwaama.”

Yohana 10:30

Mǝ nǝbɔ Tɛtɛ mɨ nǝn win.”

Filibii 2:6

wʊnɨ n jelkalǝng Kwaamaɨ. Jelkalǝng gǝnɔ na Kwaamaɨ, a dǝg gǝn bɔ a do jʊ nɨ gǝ tɨtǝn nɛ tʌgoi.

Roma 13:1

Bɛ pʌd jenɔ jǝ́ shig dul a nǝbɔ maa fɔlɔn nɛɨ. Mɨ kaa fɔlɔn wo na ke bɔ nǝn jǝlatǝm Kwaamaɨ. Pʌd nǝb maatǝm fɔlɔn nɨ bǝ nǝngǝnɨ, nǝn Kwaama a nǝ jii.

Yohana 10:24

nǝngɔ Yahudawagɔ ba kang gǝn ja sʊwa gǝn gɔ, “Na fɨyang nyɨɨ mʊ bǝla nǝn nɛ a mʊgɔ nyǝmatǝmɨ? Nǝmɔ mʊ Kiristi ka? Sʊwa nǝn a talɨ.”

Yohana 10:32

Nǝngɔ Yesu a jǝla ji gɔ, “N maa jem kanjǝl nyantɨnɔ a lada a daagɔ Tɛtɛ woi. Nʊ won a kʊm ji, jǝ́ swɨ lɛ jǝ́ mala ɨ nǝn tɛl sǝ jǝ́ jʌ ii?”

Yohana 19:7

Nǝngɔ Yahudawagɔ a tɨtǝn gɔ, “Nǝn nǝngǝn nǝn diil, a diil nǝnɔ gǝmɨ a yǝlam nyɔ ga bʊla, jʊ a bwɨɨ a do dul gǝnɔ gɔ gǝ nǝn Bʊla Kwaamaɨ.”