Yohana 10:27 - Dadiya NT

²⁷ Kwamɨtɨn mɨɨ bwangtǝn jʊ nɨ lɛ mǝ sʊwa lɛɨ. N nyǝm ji, jǝ bwang mɨ lɛ tag.

Yohana 10:27 Referans Kwoze

Yohana 10:16

Mǝ nǝn kaam kwamɨtɨn nɨ ke bɔ a mʊgɔ yaa mǝndɨɨ, mǝ bɛ bɛ nǝn ji. Jǝ nyʊwa nyʊwa diil mǝndɨ. Jǝ yǝlam kʌm kwamɨgɔ win, jǝ na na nǝn nǝ tɔɔtǝmɔ win.

Yohana 10:14

“Nǝmǝ mǝ nǝ tɔɔtǝm kwamɨtɨn nyaɨ. N nyǝm a mǝndɨ, a mǝndɨ a nyǝm ɨ,

Dʊgam Nyangnyang 3:20

Mǝ wɔ mǝ tɨm a nyanga kan, mǝ ga lɛ. Na nʊ nɨ a nyʊwa diil mǝndɨ a wum nyanga kanɨ, mǝ dɔ dɔ a daa gǝ woi, sǝ n ja nǝbɔ gɔ, ga ja jǝbɔ mǝ.

1 Korinti 8:3

Na kaa nǝl swɨ Kwaama lɛɨ, Kwaama a nyǝm gǝn.

Ibranii 3:7

N dul kɛl nɨ, kanga Yʊwa Kwaamaɨ a sʊwa gɔ, “Dwiyen na jǝ́ nyʊwa diil gǝnɨ,

Yohana 5:25

Bɨlǝngǝn mǝ sʊwa jen nɛɨ, kwamagɔ bɛ lɛ wo, a kwɛl a bɛ bɛɨ, nǝb nɨ a bʊlalaɨ, jǝ nyʊwa nyʊwa diil Bʊla Kwaamaɨ. Nǝb nɨ a nyʊwaɨ, jǝ bʊʊ bʊʊ.

Yohana 8:12

Nǝngɔ Yesu a sʊtǝn sʊwatǝm nǝbɔ kɛlɔ gɔ, “Nǝmǝ mǝ nyalǝm yooligɨɨ. Nʊ nɨ bwang mɨ lɛɨ mɨsɔ yɔ yɔm lɛ a duddugi, nya nya nyalǝm kʊlɨ.”

Galatiya 4:9

Kǝngkɔ jǝ́ nyǝm Kwaamaɨ, mǝ sʊwa sʊwa mǝʊ Kwaama a nyǝm jen, n wɛ a bwɨ jǝ́ yǝla lɛ a jǝfʊlǝn nɨ mɨsɔ sɔl jem bʊnǝn nɛɨ, jǝ́ swɨ lɛ jǝ́ yǝlam bɛtɔ jwaalɛn jin tag ka?

Yohana 10:8

Gwam nǝb nɨ a bɛ a laa ɨɨ, n nǝbkuum jǝbɔ nǝb wultǝm. Kwamɨtɨnɔ mɨ nyʊwa ji lɛ.

Yohana 12:26

Gwam nʊ nɨ maa mɨ maajɨ lɛɨ, bwang mɨ bwang. Daa mǝ woi, bwɛ jwaalɛ mǝndɨ dakini jǝbɔ mǝ. Tɛtɛ mɨ nǝ nǝ dʊʊn a nʊ nɨ gwam maa mɨ maajɨ lɛɨ.

Yohana 8:43

N wɛ bwɨ jǝ́ nyǝm bɔ kɛl mǝndɨɨ? Jʊ a bwɨɨ jǝ́ dwal bɔ nyʊwatǝm mɛlalɨ mǝndɨ.

Luka 9:23

Nǝngɔ a sʊwa gɔ, “Na nǝl swɨ lɛ a bwang mɨɨ, bɛ ga kɔ dul gǝnɔ. Ga do tɨya kʊʊtǝm gǝnɔ kum jǝbɔ kum. Ga bwang mɨ.

Matta 17:5

Nǝn kwama Bitrus sʊwam kɛl nɨ lɛɨ, nǝngɔ kaa lul fulo ba sum jii. Tʌgo a kang, kaa diil a mʊgɔ lul gɔ, “Wʊnɨ nǝn Bʊla mɨ nɨ mǝ swɨ lɛɨ. Wʊnɨ nǝl mǝndɨ nyʊwa fulotǝm nǝl lɛ nǝn gǝ dangǝnɨ. Jǝ́ nyʊwa gǝn!”

2 Timoti 2:19

Fʌlʌm kan nyan mɔtǝm a Kwaamaɨ a ta tʌgo gwanggwang. Mɛl nɨ a bʊtɔ gǝnɨ sʊwa lɛ gɔ, “Tɛlalɔ a nyǝm nǝbam gǝnɔ,” jǝbɔ, “Pʌd nʊ nɨ a nʊng jǝlatǝm nǝn dun Tɛlalɔɨ, bɛ a bǝla maatǝm shilɔ wo.”

Yohana 21:22

Nǝngɔ Yesu a sʊwa gǝn gɔ, “Na n jǝla nʊ nɨ a yɨ nǝn kʊlɨ ba la nǝn kwama mǝ bɛm lɛɨ, n wɛ a dǝg ń woi? Mɔ, bɛ ń bwang mɨ!”

Luka 13:27

“Jǝla jen gɔ, ‘Mǝ nyǝm jen bɔ! Mǝ nyǝm bɔ daagɔ jǝ́ jelʌmi! Jǝ́ kʌlʌm mɨ, jǝ́ nǝb maajɨ bwɨlan gwam!’

Markus 8:34

Nǝngɔ a jo nǝbɔ mʊrkaɨ jǝbɔ bɛtɔ mɛlalɨ gǝnɔ, a sʊwa ji gɔ, “Nʊ nɨ swɨ lɛ a bwang mɨɨ, bɛ ga kɔ dul gǝnɔ, ga do tɨya kʊʊtǝm gǝnɔ, ga bwang mɨ.

Matta 25:12

Nǝngɔ balɨgɔ a sʊwa ji gɔ, ‘N bɨlǝngkɛl mǝ sʊwa jen nɛɨ, mǝ nyǝm jen bɔ.’

Matta 16:24

Nǝngɔ Yesu a sʊwa bɛtɔ mɛlalɨ gǝnɨ gɔ, “Na nʊ nɨ swɨ lɛ a bwang mɨɨ, bɛ ga kɔ dul gǝnɔ, ga do tɨya kʊʊtǝm gǝnɔ, ga bwang mɨ.

Matta 7:23

Sǝla n sʊwa ji mǝʊ, ‘Mǝ nyǝm jen bɔ. Jǝ́ kʌlʌm mɨ fɔ, nǝb shil!’

Dʊgam Nyangnyang 14:4

Nǝb nɨ n nǝbɔ a maa bɔ jǝ bwɨlan wo na buloni, jǝ nǝb sagsag. Nǝji jǝ bwangtǝn Bɛ Gal nɨ lɛ a daagɔ yɔ lɛ wo gwamɨ. Nǝji ja ten ji a kʊm nǝbɨɨ, nǝji jǝ bɨtǝm tɨkǝgagɔ ja nǝ Kwaama jǝbɔ Bɛ Gal nɨɨ.

Maajɨ Bɛtɔ Twamagɨɨ 3:23

Yǝlam nyɔ, nʊ nɨ a kaa bɔ lɔl a nyʊwa nǝkuwotǝmkǝga nɨɨ, jǝ kaa gǝn kaa a kʊm nǝbɨɨ.’

Markus 10:21

Yesu a dʌng gǝn nǝn dʌngtǝm swɨtǝm, nǝngɔ a sʊwa gǝn gɔ, “Jʊ win na a taam mʊnɨ, yɔ ya miyo jʊ gwam mʊ nǝnɨ tǝga nǝb bʊnǝnɔ, mʊ nya nya shilo a dʌbʌl. Sǝla ba ń bwang mɨ.”