Yohana 1:9 - Dadiya NT

⁹ Nyalǝm bɨlǝngǝnɔ nɨ won nɛ a nǝbɔ gǝm gwamɨ, bɛ lɛ a yooligɔ gǝm.

Yohana 1:9 Referans Kwoze

Yohana 12:46

Mǝ bɛ na nyalǝm a mʊgɔ yooli nɨ, sǝ nʊ nɨ gwam nǝ bɨlǝngkɛl lɛ a daa mɨ woi, a yɨ bɔ a mʊgɔ kumtojili.

1 Yohana 2:8

A kaa golaɨ, diil nɨ mǝ mʊla jem lɛɨ n diil fɨ, wʊnɨ n bɨlǝngǝn a daa Kiristi woi jǝbɔ jen, jʊ a bwɨɨ, kumtojiligɔ shu lɛ, nyalǝm bɨlǝngkɛlɔ a kwɛl beta lɛ.

Yohana 1:4

A daa gǝ woi kʊlɨgɔ wo, kʊlɨ nɨ nǝn gɔ a bɛ nǝn nyalǝm a nǝbɔ gǝmɨ.

Yohana 1:7

A bɛ sǝ ba nǝ nyiyo a sʊwa nǝbɔ bɨlǝngkɛl a dul nyalǝm nɨ, sǝ nǝbɔ gwam a nǝ bɨlǝngkɛl a gola gǝn.

1 Yohana 5:20

Bǝ nyǝm Bʊla Kwaamaɨ a bɛ nǝngɔ a nǝ bǝn nyǝmtǝmɨ, sǝ bǝ nyǝm nʊ nɨ nǝn bɨlǝngkɛlɨ. Bǝn bǝ na a mʊgɔ gǝn, gǝ nɨ n nǝ bɨlǝngkɛlɨ, nǝn gɔ nǝn Bʊla gɔ Yesu Kiristii. Nǝn gɔ nǝn Kwaama nǝ bɨlǝngkɛlɨ, jǝbɔ kʊlɨ nɨ mɨ dɨtǝm woi.

Yohana 14:6

Yesu a jǝla gǝn gɔ, “Nǝmǝ mǝ golaɨ, nǝmǝ mǝ bɨlǝngkɛlɨ, nǝmǝ mǝ kʊlɨ tagɨ. Mɨ nʊ nɨ wo yɔ lɛ a daagɔ Tɛtɛ woi, na ke bɔ a gola mɨɨ.

Yohana 6:32

Nǝngɔ la Yesu a sʊwa ji gɔ, “Bɨlǝngkɛl mǝ sʊwa jen nɛɨ, ke bɔ Musa a nǝ jen kʊkkʊm nɨ a dʌbʌli. Tɨya mɨ nǝn gɔ a nǝ jen kʊkkʊm bɨlǝngǝnɔ a dʌbʌli.

1 Yohana 1:8

Na bǝ sʊwa bǝngɔ mɨ bǝn nǝn bwɨlangkɛlɨ, n dul bǝn bǝ swag lɛɨ. Bɨlǝngkɛlɔ mɨ dakini jǝbɔ bǝn.

Yohana 15:1

“Nǝmǝ mǝ tɨya fogfogi nyagɨɨ, Tɛtɛ mɨ nǝn gɔ nǝ jʊngtǝmɨ.

Yohana 7:12

A mʊgɔ mʊrkatǝm nɨɨ, nǝbɔ sʊwaka kɛltɨn nɛ a kʊm jin a dul Yesui. Kaamɨ sʊwa lɛ daddad gɔ, “Nǝfili nyan.” Kaamɨ tag sʊwa lɛ gɔ, “Swagtǝm maa nǝbɔ gǝm lɛɨ.”

Matta 6:23

Na nu mʊnɔ mɨ kwamɨgǝnɨ, bʊtɔ mʊnɔ gwam mɨ nyalǝm wo. Na nyalǝmɔ a bʊtɔ mʊnɨ n duddugi, duddugigɔ la la daa.

Luka 11:36

Na bʊtɔ mʊnɔ gwam a yǝlam nyalǝmɨ, mɨ nǝn daa nɨ kumtojili woi, bʊtɔ mʊnɔ n nyalǝm ganggang, kanga nɨ nyalǝm fitilagɔ a won a bʊtɔ mʊnɨ.”